Леувитъ 10 Леувитъ 10 разьдзел

¹ Тогда похвативши Надавъ и Авиудъ, сынове Аароновы, кадилнице свое и накладоша углия, и фимианъ нане возложивши, принесоша предъ Господа огнь чужий, еже имъ не было повелено;

² сего для снииде огонь от Бога и спалил ихъ, изомроша ту предъ Господемъ Богомъ.

³ Тогда рече Моисей Ааронови: «Се естъ слово, еже рече Господь Богъ: Посвященъ буду в тыхъ, ониже приступують ко Мне, и прославлюся в нихъ пред лицемъ всехъ людей». Сия слышавъ, Ааронъ молчалъ естъ.

⁴ Потомъ позвалъ Моисей Мисаила и Елизафана, сыновъ Озиилевых, дядковичев Аароновыхъ, и рече к нимъ: «Идите и возмите братию свою от Святыни и вынесите е вонъ с полковъ».

⁵ И скоро шедши, взяли суть ихъ, облеченыхъ в ризахъ илняныхъ, и вынесли вонъ с полковъ за шатры, якоже повелено естъ имъ.

⁶ Тогда рече Моисей Ааронови и сыном его Елиазарови и Іфамарови: «Глав ваших не откривайте и ризъ вашихъ на собе не роздирайте, да не изомрете и на всехъ людей пришло бы розъгневание. Братия ваша и весь домъ Ізраилевъ да плачуть язвы тое огневое, юже наведе Господь.

⁷ Вы же да не выходите из дверей храмовыхъ, да не погибнете, олей убо посвящения естъ на васъ». И вчинили суть вси речи, якоже повеле имъ Моисей.

⁸ И рече Господь ко Аарону:

⁹ «Вина и пития, имже ся упити можеть человекъ, не будеши пити ты ни сынове твои, егда входите во Храмъ Сведения, да не изомрете, понеже заповедь естъ вечная в народех вашихъ,

¹⁰ да знаете разсудити межи святымъ и проклятымъ, межи чистымъ и нечистымъ,

¹¹ и да бы учили есте сыны Ізраилевы заповедей Моих от закона, еже дахъ имъ рукою Моисеевою».

¹² Тогда рече Моисей Аарону и сыномъ его Елиазару и Іфамару, еже были живи остали: «Возмите требу Господьню оставшую и ежте ю со хлебы неквашеными у требника, яко святая светыхъ естъ.

¹³ И ести будете на месте святомъ, еже отдано тобе и сыномъ твоимъ, от треб Господьниих, якоже повелено естъ мне.

¹⁴ Грудину пакъ, еже воздвижена была, и плече, еже отделено естъ, ести будете ты и сынове твои и дщеры твои с тобою, тобе убо и сыномъ твоимъ и дщерамъ твоимъ отложена суть сия от приносовъ спасителныхъ сыновъ Ізраилевыхъ.

¹⁵ Сего ради яко плече отделения и груди, и лой, еже палится на требнице, воздвиговали суть предъ Господемъ, прислушати будуть тобе и сыномъ твоим закономъ вечнымъ,a якоже повеле мне Господь Богъ».

¹⁶ Затымъ Моисей, гледаючи козла, иже принесенъ бе за грехъ, знайде и несозженаго и розгневался на сыны Аароновы, еже были живи остали, на Елиазара и на Іфамара, и рече к нимъ:

¹⁷ «Почто не изъели есте приношения за грехъ на месте святомъ, еже естъ светая светыхъ? И дано естъ вамъ, да бы есте понесли безакония всего множества сыновъ Ізраилевыхъ и молилися о нихъ предъ лицемъ Господа Бога;

¹⁸ а наболей понеже кровь приношения того не естъ внесена во Святыню; протожъ имели есте ясти ю во Святыни, якоже заповеда вамъ Господь Богъ».

¹⁹ Тогда отвеща Ааронъ къ Моисею: «Приношена естъ днешнего дня жертва за грехъ и всесозжение предъ Господемъ Богомъ; мне же пригодилася естъ печал, якожъ самъ видишъ, протожъ не могохъ ея ести и ни любитися Господу Богу во посвященыхъ чинехъ, внегда засмущенъ есмъ».

²⁰ Сия же егда услышал Моисей, принялъ за досыть учиненое.