О томъ, абы люди святи были, отца и матерь чтили, свята святили, идоловъ не хвалили, жертвы Богу приносили, милостыню делали, не крали, не лгали, не присегали, мзды не задерживали, не проклинали, глухому не злоречили, слепому на пути не перекажали, на лица в суду не смотрели, справедливе чинили, и о иныхъ многих заповедехъ Божиихъ.
1 Рече Господь Моисееви, глаголя:
2 «Молви ко всемъ полкомъ сынов Ізраилевых и ирци к нимъ: Святи будите, яко святъ есмъ Азъ, Господь, Богъ вашъ.
3 Единый каждый да ся боить отца своего и матери. Свята Моя да празнуете: Азъ Господь, Богъ ваш!
4 Не последуйте кумиром и ни делайте собе боговъ слитыхъ: Азъ Господь, Богъ вашъ!
5 Естъли же принесете жертву мирную Господу, да помилуеть васъ.
6 В той день, во ньже приносите, ести будете ю и на заутрей, что жъ останется, на третий день на огни да созжете.
7 Аще кто на третий день снесть от нея, проклятъ да будеть и нелютости виненъ,
8 к тому понесеть грехъ свой, яко светая Господьня посквернилъ, и загинеть от людей Моихъ.
9 Внегда будете жати жита ваша на полехъ, да не прижинаете до самое земли и ни зберете класовъ утрушающихся;
10 по тому же и во виноградехъ ваших пабирковъ и зернетъ, еже упали, да не збираете, но оставите убогимъ и подорожным, да зберуть собе: Азъ Господь, Богъ вашъ!
11 Да не украдете, и ни солжете, и ни прелщайте единый каждый ближнего своего.
12 Не присегайте накривеa и не поскверняйте имени Божия: Азъ Господь.
13 Не делайте кривды ближнему своему и ниже силою отнимайте что у него,b да не оставаеть мзда у васъ делателей вашихъ даже до утра.
14 Не будете лаяти глухому и предъ слепымъ не положите уразу, но побойтеся Господа, Бога вашего, Азъ убо есмъ Господь, Бог вашъ.
15 Да не вчините неправды и ни осудите несправедливе. Не гледте на лице убогаго и не приимуйте твари богатого, право судите ближнему своему.c
16 Не будете ганити кого безвинне и ни тайне глаголати о людехъ злого. Не стойте на кровь ближнего своего, пролити ея всуе: Азъ Господь!
17 Не будете имети в ненависти брата своего тайне, но покараете и явне, да не приимете его деля греха.
18 Да не мститеся и ни воспоминайте злого суседом своимъ; да возлюбиши ближнего своего, яко сам себе: Азъ Господь Богъ!
19 Заповеди Моя сохраните. Не допустиши скоту твоему сходитися со скотомъ иного роду. Поля твоего не посееши разным семенем. Не облечешися во одежду, еже со двоей речи соткана естъ.
20 Человекъ естъли же бы лежалъ со девицею иного языку, не выплаченою сребромъ и ни даную ему в даре, да пробиють ихъ обудву и да не умруть, яко не была естъ свободна.
21 По томъ за грехъ свой да принесеть агнеца ко дверемъ Храму Сведения,
22 и помолится о немъ жрець и о гресе его предъ Господем Богомъ, и отпустится ему грех его.
23 Егда вниидете до земли, юже дамъ вамъ, и насадите в ней древа плодовитая, от[ъ]имете первые овощи с них, и яблока, еже выдадуть с себе, нечиста будут, и ниже ясти ихъ имате,
24 но на четвертое лето посвящены будуть и похвалены вси овоще ваше Богу.
25 Во пятое пакъ лето ясти будете овоще, собравши, еже возростуть: Азъ Господь, Богъ вашъ!
26 Да не ясте мяса со кровию. Да не врожите и ни во сны верте, и ни стрящи смотрите от птиць.
27 Да не острижете собе власов на главе вооколо и ни оголите брады надъ мертвыми.
28 Не будете резати тела и ниже якого знаменя или язвы учините на собе: Азъ Господь.
29 Не давайте дщеръ вашихъ на блудъ, да не осквернится земля грехомъ нечистымъ.
30 Суботы Моя сохраните и от светыхъ Моихъ убойтеся: Азъ Господь!
31 Не ходите ко чародейникомъ и ни пытайтеся от гадачевъ, да не осквернитеся ими: Азъ Господь, Богъ вашъ!
32 Предъ человекомъ седивымъ повстани и честуй лице старшего, и бойся Господа, Бога своего: Азъ Господь!
33 Аще приидеть в землю вашу чужоземець и будеть жити с вами, не стужите ему и ни срамотите его,
34 но да будеть межи вами яко туземець, родивыйся у васъ, и любите его, яко сами себе, понеже и вы бесте приходы в земли Египетской. Азъ есмъ Господь, Богъ вашъ!
35 Не делайте что несправедливаго в суду, въ вазе, в локти, в мере.
36 Вага да будеть справедливая, и мера ровная, и судъ правый: Азъ Господь, Богъ вашъ, иже выведохъ васъ из земли Египетское!
37 Соблюдите жъ все заповеди Моя и вся суды Моя и наполните е: Азъ Господь!»
a Мацвея, 19[:18] (зачын 14).
b Другі Закон, 24; Тавіта, 4[:14-16].
c Да Рымлянаў, 2[:1, 11] (зачын 81); Да Эфесцаў, 6[:9] (зачын 232, у Скарыны нумар зачына памылковы — 60); Дзеі Апосталаў, 10[:34], у Скарыны нумар главы ўказаны памылкова — 16; Якава, 2[:1] (зачын 53); 1-е Пятра, 1[:17] (зачын 58); Марка, 12[:14] (зачын 53).
Знайшлі памылку ў тэксце? Вылучыце яе і націсніце:
Ctrl + Enter
Книги Леувитъ, 19 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.