1 да Цімафея 2 разьдзел
Першае пасланьне да Цімафея
Пераклад Антонія Бокуна → Пераклад Чарняўскага 1999
Дык перш за ўсё прашу ўзносіць просьбы, малітвы, умольваньні і падзякі за ўсіх людзей,
Дык прашу найперш, каб заносілі просьбы, малітвы, умольваньні і падзякі за ўсіх людзей,
за валадароў і за ўсіх, хто пры ўладзе, каб весьці нам жыцьцё ціхае і спакойнае ў-ва ўсякай пабожнасьці і сумленнасьці,
за каралёў і за ўсіх тых, што знаходзяцца пры ўладзе, каб маглі мы весьці жыцьцё спакойнае з усёю пабожнасьцю і прыстойнасьцю.
бо гэта добра і прыемна перад Збаўцам нашым Богам,
Гэта добра і міла Збаўцы нашаму Богу,
Які хоча, каб усе людзі былі збаўленыя і прыйшлі да пазнаньня праўды.
які хоча збавіць усіх людзей і давесьці іх да пазнаньня праўды.
Бо адзін Бог і адзін Пасярэднік паміж Богам і людзьмі — Чалавек Хрыстос Ісус,
Бо адзін Бог, і адзін Пасярэднік між Богам і людзьмі — чалавек Хрыстос Езус,
Які аддаў Сябе на адкупленьне за ўсіх, як сьведчаньне ў свой час,
які самога сябе выдаў дзеля адкупленьня ўсіх, як сьведчаньне ў свой час,
дзеля Якога я пастаўлены весьнікам і апосталам, праўду кажу ў Хрысьце, не хлушу, настаўнікам паганаў у веры і праўдзе.
у якім і я прызначаны вястуном і апосталам, і, праўду кажу, не ашукваю, настаўнікам паганаў у веры і праўдзе.
Дык хачу, каб на ўсякім месцы маліліся мужы, узьнімаючы сьвятыя рукі бяз гневу і хістаньняў;
Дык хачу, каб мужчыны маліліся на кожным месцы, падымаючы чыстыя рукі бяз гневу і спрэчак.
каб таксама і жанчыны, у сьціплай вопратцы, з сарамлівасьцю і здаровым розумам аздаблялі сябе не пляценьнем валасоў, ані золатам, ані пэрламі, ані шатамі дарагімі,
Падобна і жанчыны няхай апранаюцца сьціпла і прыстойна, аздабляючы сябе не пляценьнем валасоў ці золатам або пэрламі ці каштоўнымі строямі,
але добрымі ўчынкамі, як належыць жанчынам, якія абяцалі багабойнасьць.
але, як належыцца жанчынам, лепш пабожнасьцю і добрымі ўчынкамі.
Жанчына ў маўчаньні няхай вучыцца з усякай паслухмянасьцю.
Жанчына няхай вучыцца ў ціхасьці, поўная пакорлівасьці.
А жанчыне, каб навучала, не дазваляю, ані каб мужам кіравала, але каб у маўчаньні была.
Не дазваляю жанчыне навучаць і панаваць над мужам, але каб заставалася ў ціхасьці.
Бо першым быў зьлеплены Адам, а пасьля — Ева;
Бо Адам быў першым створаны, а потым Эва.
і не Адам быў падмануты, а жанчына, падманутая, учыніла парушэньне,
І не Адам даўся зьвесьціся, а жанчына была ашукана і спракудзілася.
але будзе збаўленая праз нараджэньне дзяцей, калі застанецца ў веры, і любові, і сьвятасьці са здаровым розумам.
Яна будзе збаўлена, родзячы дзяцей і трываючы ў веры, любові і сьвятасьці са сьціпласьцю.
