1 да Карынфянаў 16 разьдзел
Першае пасланьне да Карынфянаў
Пераклад Антонія Бокуна → Пераклад Анатоля Клышкi
А адносна складак, якія для сьвятых, рабіце і вы так, як я загадаў цэрквам Галяцкім:
А што да збору для святых, то як я пастанавіў цэрквам Галатыі, так і вы зрабіце.
у першы [дзень] пасьля суботы кожны з вас няхай складае ў сябе і зьбірае паводле таго, як яму вядзецца, каб не рабіць складак тады, калі я прыйду.
У першы дзень тыдня кожны з вас няхай адкладвае, зберагаючы, у сябе, што ўдасца, каб не было збораў, калі я прыйду.
А калі я прыйду, пашлю тых, якіх вы вызначыце праз лісты, занесьці дар ваш у Ерусалім.
А калі прыйду, то тых, каго вы ўхваліце, пашлю з лістамі занесці ваш дар у Іерусалім;
А калі будзе варта і мне пайсьці, яны пойдуць са мною.
а калі прыстойна будзе і мне ісці, яны пойдуць са мною.
Я ж прыйду да вас, калі прайду Македонію, бо праз Македонію праходжу.
А прыйду я да вас, калі прайду праз Македонію, бо я праходжу праз Македонію.
А ў вас, можа быць, затрымаюся, або і перазімую, каб вы мяне праводзілі, куды я пайду.
І, можа, пажыву ў вас ці нават перазімую, каб вы правялі мяне, куды я пайду.
Бо не хачу бачыць вас цяпер мімаходам, але спадзяюся застацца нейкі час з вамі, калі Госпад дазволіць.
Бо я не хачу бачыць вас цяпер мімаходам; бо спадзяюся нейкі час застацца ў вас, калі Госпад дазволіць.
А ў Эфэсе я застануся да Пяцідзясятніцы,
Застануся ж я ў Эфесе да Пяцідзесятніцы,
бо для мяне адчыненыя вялікія і зручныя дзьверы і шмат супраціўнікаў.
бо мне адчынены дзверы, вялікія і дзейсныя; і шмат праціўнікаў.
Калі ж прыйдзе Цімафей, глядзіце, каб быў у вас бяз страху; бо ён справу Госпада выконвае, як і я.
А калі прыйдзе Цімафей, глядзіце, каб ён быў у вас у бяспецы, бо ён робіць работу Гасподнюю, як і я.
Дык няхай ніхто не пагарджае ім, а правядзіце яго ў супакоі, каб ён прыйшоў да мяне, бо я чакаю яго з братамі.
Дык няхай ніхто не пагарджае ім. А правядзіце яго з мірам, каб ён прыйшоў да мяне; бо я чакаю яго з братамі.
Што да брата Апалёса, дык я шмат прасіў яго, каб ён прыйшоў да вас з братамі; ды ён зусім ня меў ахвоты, каб прыйсьці цяпер, але прыйдзе, калі будзе мець час.
Што да брата Апалоса, я вельмі прасіў яго, каб ён прыйшоў да вас з братамі; але ў яго зусім не было ахвоты прыйсці цяпер, а ён прыйдзе, калі надарыцца добрая нагода.
Чувайце, стойце ў веры, будзьце мужнымі, умацоўвайцеся.
Будзьце пільнымі, стойце ў веры, будзьце мужнымі, умацоўвайцеся.
Усё ў вас няхай будзе ў любові.
Няхай усё ў вас робіцца ў любові.
Прашу ж вас, браты: вы ведаеце дом Стэфана, што ён ёсьць пачатак Ахаі і што яны аддалі сябе на служэньне сьвятым;
Прашу вас, браты, — вы ведаеце дом Стэфана, што ён пачатак Ахаіі, і што яны аддалі сябе на служэнне святым,
дык і вы будзьце паслухмяныя гэтакім і кожнаму, хто дапамагае нам і працуе.
каб і вы падпарадкаваліся такім і кожнаму, хто дапамагае нам і працуе.
Я радуюся з прыходу Стэфана, і Фартуната, і Ахаіка, што яны дапоўнілі вашую нястачу,
Я ж радуюся прыходу Стэфана, Фартуната і Ахаіка, таму што яны запоўнілі вашу адсутнасць;
бо яны супакоілі дух мой і ваш. Дык зважайце на такіх.
бо яны супакоілі мой дух і ваш. Дык прызнавайце такіх.
Вітаюць вас цэрквы Азійскія. Вітаюць вас шчыра ў Госпадзе Акіла і Прыскіла з царквою, якая ў іх доме.
Вітаюць вас цэрквы Азіі. Шчыра вітаюць вас у Госпадзе Акіла і Прыска18 разам з царквою, якая ў іх доме.
Вітаюць вас усе браты. Прывітайце адзін аднаго пацалункам сьвятым.
Вітаюць вас усе браты. Прывітайце адзін аднаго святым пацалункам.
Прывітаньне маёй рукою, Паўлавай.
Прывітанне — маёю, Паўлавай, рукою.
Калі хто ня любіць Госпада Ісуса Хрыста, няхай будзе адлучаны! Прыходзіць наш Госпад!
Калі хто не любіць Госпада, няхай будзе анафема19. Марана та20.
Ласка Госпада Ісуса Хрыста з вамі.
Ласка Госпада Ісуса няхай будзе з вамі.
Любоў мая з усімі вамі ў Хрысьце Ісусе. Амэн.
Любоў мая ў Хрысце Ісусе няхай будзе з усімі вамі. [Амін].
