1-ы Карынфянаў 16 1 да Карынфянаў 16 разьдзел

¹ А што да збору для святых, то як я пастанавіў цэрквам Галатыі, так і вы зрабіце.

² У першы дзень тыдня кожны з вас няхай адкладвае, зберагаючы, у сябе, што ўдасца, каб не было збораў, калі я прыйду.

³ А калі прыйду, то тых, каго вы ўхваліце, пашлю з лістамі занесці ваш дар у Іерусалім;

⁴ а калі прыстойна будзе і мне ісці, яны пойдуць са мною.

⁵ А прыйду я да вас, калі прайду праз Македонію, бо я праходжу праз Македонію.

⁶ І, можа, пажыву ў вас ці нават перазімую, каб вы правялі мяне, куды я пайду.

⁷ Бо я не хачу бачыць вас цяпер мімаходам; бо спадзяюся нейкі час застацца ў вас, калі Госпад дазволіць.

⁸ Застануся ж я ў Эфесе да Пяцідзесятніцы,

⁹ бо мне адчынены дзверы, вялікія і дзейсныя; і шмат праціўнікаў.

¹⁰ А калі прыйдзе Цімафей, глядзіце, каб ён быў у вас у бяспецы, бо ён робіць работу Гасподнюю, як і я.

¹¹ Дык няхай ніхто не пагарджае ім. А правядзіце яго з мірам, каб ён прыйшоў да мяне; бо я чакаю яго з братамі.

¹² Што да брата Апалоса, я вельмі прасіў яго, каб ён прыйшоў да вас з братамі; але ў яго зусім не было ахвоты прыйсці цяпер, а ён прыйдзе, калі надарыцца добрая нагода.

¹³ Будзьце пільнымі, стойце ў веры, будзьце мужнымі, умацоўвайцеся.

¹⁴ Няхай усё ў вас робіцца ў любові.

¹⁵ Прашу вас, браты, — вы ведаеце дом Стэфана, што ён пачатак Ахаіі, і што яны аддалі сябе на служэнне святым,

¹⁶ каб і вы падпарадкаваліся такім і кожнаму, хто дапамагае нам і працуе.

¹⁷ Я ж радуюся прыходу Стэфана, Фартуната і Ахаіка, таму што яны запоўнілі вашу адсутнасць;

¹⁸ бо яны супакоілі мой дух і ваш. Дык прызнавайце такіх.

¹⁹ Вітаюць вас цэрквы Азіі. Шчыра вітаюць вас у Госпадзе Акіла і Прыска18 разам з царквою, якая ў іх доме.

²⁰ Вітаюць вас усе браты. Прывітайце адзін аднаго святым пацалункам.

²¹ Прывітанне — маёю, Паўлавай, рукою.

²² Калі хто не любіць Госпада, няхай будзе анафема19. Марана та20.

²³ Ласка Госпада Ісуса няхай будзе з вамі.

²⁴ Любоў мая ў Хрысце Ісусе няхай будзе з усімі вамі. [Амін].