1 да Карынфянаў 16 разьдзел
Першае пасланьне да Карынфянаў
Пераклад Яна Станкевіча → Пераклад Анатоля Клышкi
Узглядам збору на сьвятых рабіце так, як я пастанавіў у цэрквах Ґаляцкіх:
А што да збору для святых, то як я пастанавіў цэрквам Галатыі, так і вы зрабіце.
Першага дня тыдня няхай кажны з вас адкладае дома, кладучы подле можнасьці, каб не тады былі зьбіраньні, як я прыйду.
У першы дзень тыдня кожны з вас няхай адкладвае, зберагаючы, у сябе, што ўдасца, каб не было збораў, калі я прыйду.
Як жа прыбуду, дык, каторых вы прызнаеце за годных, тых я пашлю зь лістамі даставіць гэту ласку да Ерузаліму.
А калі прыйду, то тых, каго вы ўхваліце, пашлю з лістамі занесці ваш дар у Іерусалім;
А калі лець будзе, каб я таксама пайшоў, яны пойдуць із імною.
а калі прыстойна будзе і мне ісці, яны пойдуць са мною.
Я прыйду да вас, як прайду Макядоню; бо я йду пераз Макядоню.
А прыйду я да вас, калі прайду праз Македонію, бо я праходжу праз Македонію.
А ў вас, хіба, пажыхару або й перазімую, каб вы мяне праводзілі, куды-лень пайду.
І, можа, пажыву ў вас ці нават перазімую, каб вы правялі мяне, куды я пайду.
Бо я не хачу бачыцца з вамі цяпер, праходзячы, бо спадзяюся застацца з вамі якісь час, калі Спадар дазволе.
Бо я не хачу бачыць вас цяпер мімаходам; бо спадзяюся нейкі час застацца ў вас, калі Госпад дазволіць.
У Ефэсе я застануся да Пяцьдзясятніцы,
Застануся ж я ў Эфесе да Пяцідзесятніцы,
Бо вялікія дзьверы адчыненыя імне, ды моцныя, а праціўнікаў шмат.
бо мне адчынены дзверы, вялікія і дзейсныя; і шмат праціўнікаў.
Як прыйдзе да вас Цімох, глядзіце, каб ён быў у вас бяз страху; бо ён паўніць справу Спадарову, як і я.
А калі прыйдзе Цімафей, глядзіце, каб ён быў у вас у бяспецы, бо ён робіць работу Гасподнюю, як і я.
Дык ніхто ня май яго ўлегцы, але прапусьціце яго із супакоям, каб ён прышоў да мяне, бо я чакаю яго з братамі.
Дык няхай ніхто не пагарджае ім. А правядзіце яго з мірам, каб ён прыйшоў да мяне; бо я чакаю яго з братамі.
А што да брата Аполоса, я вельмі прасіў яго, каб ён із братамі пайшоў да вас; але ён ніяк не хацеў ісьці цяпер, але прыйдзе тады, як будзе мець добрую прыгоду.
Што да брата Апалоса, я вельмі прасіў яго, каб ён прыйшоў да вас з братамі; але ў яго зусім не было ахвоты прыйсці цяпер, а ён прыйдзе, калі надарыцца добрая нагода.
Будзьце чукавыя, стойце ў веры, будзьце мужныя, дужыя;
Будзьце пільнымі, стойце ў веры, будзьце мужнымі, умацоўвайцеся.
Усе ў вас хай будзе зь любосьцю.
Няхай усё ў вас робіцца ў любові.
Прашу вас, браты, — вы знаеце радзіму Сьцепанову, што яна ё першы плод Ахаі, і што яны пасьвяцілі сябе на службу сьвятым, —
Прашу вас, браты, — вы ведаеце дом Стэфана, што ён пачатак Ахаіі, і што яны аддалі сябе на служэнне святым,
Будзьце й вы падданыя таковым і кажнаму супрацаўню а гарапашніку.
каб і вы падпарадкаваліся такім і кожнаму, хто дапамагае нам і працуе.
Я цешуся з прыбыцьця Сьцепана а Фортуната а Ахаіка, бо яны запоўнілі нястачу вас;
Я ж радуюся прыходу Стэфана, Фартуната і Ахаіка, таму што яны запоўнілі вашу адсутнасць;
Бо яны пачырсьцьвілі мой дух і ваш, прызнайце такіх.
бо яны супакоілі мой дух і ваш. Дык прызнавайце такіх.
Здароваюць вас цэрквы аскія; здароваюць вас шчыра ў Спадару Аквіла а Прыськіла з царквою, што ў доме іхным.
Вітаюць вас цэрквы Азіі. Шчыра вітаюць вас у Госпадзе Акіла і Прыска18 разам з царквою, якая ў іх доме.
Усі браты здароваюць вас. Здаровайце адно аднаго сьвятым цалаваньням.
Вітаюць вас усе браты. Прывітайце адзін аднаго святым пацалункам.
Здарованьне Паўлава собскаю рукою.
Прывітанне — маёю, Паўлавай, рукою.
Хто ня любе Спадара, анафема яму, маран-афа.
Калі хто не любіць Госпада, няхай будзе анафема19. Марана та20.
Ласка Спадара нашага Ісуса Хрыста з вамі,
Ласка Госпада Ісуса няхай будзе з вамі.
І міласьць мая з усімі вамі ў Хрысту Ісусу. Амін.
Любоў мая ў Хрысце Ісусе няхай будзе з усімі вамі. [Амін].
