1 да Карынфянаў 16 разьдзел
Першае пасланьне да Карынфянаў
Пераклад Л. Дзекуць-Малея → Пераклад Анатоля Клышкi
Пры складцы-ж, што для сьвятых, рабе́це і вы так, як я ўстанавіў у цэрквах Галяцкіх:
А што да збору для святых, то як я пастанавіў цэрквам Галатыі, так і вы зрабіце.
у пе́ршы дзе́нь тыдня кожны з вас няхай складае ў сябе́ і захоўвае, як яму вядзе́цца, каб не рабіць збораў тады, як я прыду.
У першы дзень тыдня кожны з вас няхай адкладвае, зберагаючы, у сябе, што ўдасца, каб не было збораў, калі я прыйду.
Калі-ж прыду, дык, якіх вы́бераце, тых пашлю з пісьмамі зане́сьці ваш дар у Ерузалім.
А калі прыйду, то тых, каго вы ўхваліце, пашлю з лістамі занесці ваш дар у Іерусалім;
А калі прыстойна будзе і мне́ пайсьці, дык са мною по́йдуць.
а калі прыстойна будзе і мне ісці, яны пойдуць са мною.
Я-ж прыду да вас, калі прайду Македонію (бо праз Македонію праходжу).
А прыйду я да вас, калі прайду праз Македонію, бо я праходжу праз Македонію.
У вас жа можа забаўлюся, або й перазімую, каб вы мяне́ праводзілі, куды пайду.
І, можа, пажыву ў вас ці нават перазімую, каб вы правялі мяне, куды я пайду.
Бо не хачу бачыцца з вамі цяпе́р мімаходам, але спадзяюся прабыць у вас трохі часу, калі Госпад дазволіць.
Бо я не хачу бачыць вас цяпер мімаходам; бо спадзяюся нейкі час застацца ў вас, калі Госпад дазволіць.
У Эфэсе-ж прабуду да пяцідзесятніцы,
Застануся ж я ў Эфесе да Пяцідзесятніцы,
бо для мяне́ адчынены вялікія і шырокія дзьве́ры, і многа праціўнікаў.
бо мне адчынены дзверы, вялікія і дзейсныя; і шмат праціўнікаў.
Калі-ж прыдзе да вас Цімахве́й, глядзе́це, каб быў у вас бясьпе́чны; бо дзе́ла Госпада робіць, як і я;
А калі прыйдзе Цімафей, глядзіце, каб ён быў у вас у бяспецы, бо ён робіць работу Гасподнюю, як і я.
дык няхай ніхто не пагарджае ім, але правядзе́це яго ў супакоі, каб ён прышоў да мяне́; бо жду яго з братамі.
Дык няхай ніхто не пагарджае ім. А правядзіце яго з мірам, каб ён прыйшоў да мяне; бо я чакаю яго з братамі.
Што да брата Апалёса, дык я ве́льмі прасіў яго, каб з братамі пайшоў да вас; ды ён зусім ня ме́ў ахвоты ісьці цяпе́р, але прыдзе, калі яму будзе зручна.
Што да брата Апалоса, я вельмі прасіў яго, каб ён прыйшоў да вас з братамі; але ў яго зусім не было ахвоты прыйсці цяпер, а ён прыйдзе, калі надарыцца добрая нагода.
Чувайце, стойце ў ве́ры, будзьце мужнымі і цьвёрдымі!
Будзьце пільнымі, стойце ў веры, будзьце мужнымі, умацоўвайцеся.
Усё ў вас няхай у любві робіцца.
Няхай усё ў вас робіцца ў любові.
Малю-ж вас, браты: вы ве́даеце сям’ю Сьцяпанаву, што яна ёсьць пачатак Ахайі, і што яны аддалі сябе́ на служэньне сьвятым;
Прашу вас, браты, — вы ведаеце дом Стэфана, што ён пачатак Ахаіі, і што яны аддалі сябе на служэнне святым,
дык каб і вы былі пакорлівымі гэтакім дый кожнаму, хто памагае нам і працуе.
каб і вы падпарадкаваліся такім і кожнаму, хто дапамагае нам і працуе.
Я рады з прыходу Сьцяпана, Фартуната і Ахаіка; яны папоўнілі для мяне́ вашую нястачу.
Я ж радуюся прыходу Стэфана, Фартуната і Ахаіка, таму што яны запоўнілі вашу адсутнасць;
Бо яны мой дух супакоілі дый ваш. Дык паважайце гэтакіх.
бо яны супакоілі мой дух і ваш. Дык прызнавайце такіх.
Вітаюць вас усе́ цэрквы Азійскія; вітаюць вас шчыра ў Госпадзе Акіла і Прыскілла з іх дамовай царквой.
Вітаюць вас цэрквы Азіі. Шчыра вітаюць вас у Госпадзе Акіла і Прыска18 разам з царквою, якая ў іх доме.
Вітаюць вас усе́ браты. Прывітайце адзін аднаго сьвятым пацалункам.
Вітаюць вас усе браты. Прывітайце адзін аднаго святым пацалункам.
Прывітаньне мае́й рукой, Паўлавай.
Прывітанне — маёю, Паўлавай, рукою.
Хто ня любіць Госпада Ісуса Хрыста, анафема! Няхай пры́дзе наш Госпад!
Калі хто не любіць Госпада, няхай будзе анафема19. Марана та20.
Ласка Госпада нашага Ісуса Хрыста з вамі;
Ласка Госпада Ісуса няхай будзе з вамі.
любоў мая з усімі вамі ў Хрысьце́ Ісусе. Амін.
Любоў мая ў Хрысце Ісусе няхай будзе з усімі вамі. [Амін].
