Лікі 34 разьдзел
Лікі
Пераклад Чарняўскага 2017 → Пераклад Васіля Сёмухі
Далей казаў Госпад Майсею, гаворачы:
І сказаў Гасподзь Майсею, кажучы:
«Загадай сынам Ізраэля і скажы ім: “Калі ўвойдзеце ў зямлю гэтую Ханаан, тады абшар, які выпадзе па жэрабі вам ва ўласнасць, хай будзе ў гэтых межах.
загадай сынам Ізраілевым і скажы ім: калі ўвойдзеце ў зямлю Ханаанскую, дык вось зямля, якая дастанецца вам у надзел, зямля Ханаанская зь яе межамі:
Паўднёвая мяжа хай будзе ад пустыні Сін, уздоўж Эдома, і хай мяжуецца на ўсходзе з морам Салёным.
паўднёвы бок будзе ў вас ад пустыні Сін, каля Эдома, і пойдзе ў вас паўднёвая мяжа ад канца Салёнага мора з усходу,
Хай яны звернуць на поўдзень да ўзвышша Акрабім, каб, такім чынам, пайсці праз Сін і дасягнуць на поўдні Кадэс-Барнэ, а адтуль выйсці да Асарадара і дайсці аж да Асэмона.
і пойдзе мяжа на поўдзень да ўзвышша Акравіма і пойдзе праз Сін, і будуць выступы яе на поўдзень да Кадэс-Варні, адтуль пойдзе да Гацар-Адара і пройдзе праз Ацмон;
Ад Асэмона хай паверне мяжа да ручая Егіпецкага і спыніцца хай на беразе Вялікага мора.
ад Ацмона пойдзе мяжа да патока Егіпецкага, і будуць выступы яе да мора;
Вашай мяжой заходняй хай будзе Вялікае мора, гэта будзе ваша заходняя мяжа.
а мяжою заходняю будзе ў вас вялікае мора: гэта будзе ў вас мяжа на захад;
А на поўначы хай будзе ў вас мяжа, пачынаючы ад Вялікага мора і аж да гары Гор,
а на поўнач будзе ў вас мяжа: ад вялікага мора правядзеце яе да гары Ор,
ад якой павядзіце мяжу да ўваходу ў Эмат і далей, да межаў Сэдада.
ад гары Ор правядзеце да Эмата, і будуць выступы мяжы да Цэдада;
Потым хай пойдзе мяжа да Зэфрона і Асарэнона. Такія хай будуць межы з поўначы.
адтуль пойдзе мяжа да Цыфрона, і выступы яе будуць да Гацар-Энана: гэта будзе ў вас мяжа паўночная;
Усходнюю мяжу правядзіце ад Асарэнона да Сэпама,
мяжу ўсходнюю правядзеце сабе ад Гацар-Энана да Шэфама,
і ад Сэпама хай пойдзе мяжа ў напрамку Рэблы на ўсход ад Аіна, адтуль хай пойдзе далей і дасягне на ўсходзе боку мора Кінэрэт,
ад Шэфама пойдзе мяжа да Рыблы, з усходняга боку Аіна, потым пойдзе мяжа і кранецца берагоў мора Кінэрэт з усходняга боку;
і працягнецца аж да Ярдана, і спыніцца, нарэшце, пры моры Салёным. Гэта хай будзе зямля вашая з межамі сваімі вакол”».
і пойдзе мяжа да Ярдана, і будуць выступы яе да Салёнага мора. Гэта будзе мяжа ваша ў межах яе з усіх бакоў.
І, кажучы, загадаў Майсей сынам Ізраэля: «Гэта хай будзе зямля, якую маеце падзяліць па жэрабі і якую загадаў Госпад даць дзевяці пакаленням і палове пакалення.
І загадаў Майсей сынам Ізраілевым і сказаў: вось зямля, якую вы падзеліце на надзелы па жэрабі, якую загадаў Гасподзь даць дзевяці плямёнам і палавіне племя;
Бо пакаленне сыноў Рубэна па сем’ях сваіх, і пакаленне сыноў Гада па ліку родаў, і палова пакалення Манасы атрымалі ўжо сваю ўласнасць;
бо племя сыноў Рувімавых паводле сямействаў іхніх, і племя сыноў Гадавых паводле сямействаў іхніх, і палавіна племя Манасіінага, атрымалі надзел свой;
гэтыя два і палова пакаленні ўзялі сваю ўласнасць па той бок Ярдана насупраць Ерыхона на ўсходзе».
два плямёны і палавіна племя атрымалі надзел свой за Ярданам насупраць Ерыхона на ўсход.
І сказаў Госпад Майсею:
І сказаў Гасподзь Майсею, кажучы:
«Гэта імёны людзей, якія падзеляць вам зямлю: Элеязэр святар, і Ешуа, сын Нуна,
вось імёны мужоў, якія будуць дзяліць вам зямлю: Элеазар сьвятар і Ісус, сын Наваў;
і адзін князь з кожнага пакалення, каб падзяліць зямлю ва ўласнасць,
і па адным князі ад племя вазьмеце для падзелу зямлі.
імёны якіх наступныя: з пакалення Юды — Калеб, сын Ефоны;
І вось імёны гэтых мужоў: для племя Юдавага Халеў, сын Ефаніін;
з пакалення Сімяона — Самуэль, сын Аміюда;
для племя сыноў Сымонавых Самуіл, сын Аміудаў;
з пакалення Бэньяміна — Элідад, сын Хаселона;
для племя Веньямінавага Элідад, сын Кіслонаў;
з пакалення сыноў Дана — Бокцы, сын Ёглі.
для племя сыноў Данавых князь Букій, сын Ёгліі;
З сыноў Язэпа: з пакалення Манасы — Ханіэль, сын Эфода;
для сыноў Язэпавых, для племя сыноў Манасііных князь Ханііл, сын Эфодаў;
з пакалення Эфраіма — Кемуэль, сын Сэфтана.
для племя сыноў Яфрэмавых князь Кемуіл, сын Шыфтанаў;
З пакалення Забулона — Элісафан, сын Парнаха;
для племя сыноў Завулонавых князь Эліцафан, сын Фарнакаў;
з пакалення Ісахара — кіраўнік Палціэль, сын Азана;
для племя сыноў Ісахаравых князь Фалтыіл, сын Азанаў;
з пакалення Асэра — Ахіюд, сын Саломі;
для племя сыноў Асіравых князь Ахіуд, сын Шэломія;
з пакалення Нэфталі — Пэдаэль, сын Аміюда».
для племя сыноў Нэфталімавых князь Пэдаіл, сын Аміудаў;
Вось тыя, каму загадаў Госпад падзяліць зямлю Ханаан між сыноў Ізраэля.
вось тыя, каму загадаў Гасподзь падзяліць надзелы сынам Ізраілевым у зямлі Ханаанскай.
