Лікі 34 разьдзел
Лікі
Пераклад Чарняўскага 2017 → Пераклад Яна Станкевіча
Далей казаў Госпад Майсею, гаворачы:
І гукаў СПАДАР Масею, кажучы:
«Загадай сынам Ізраэля і скажы ім: “Калі ўвойдзеце ў зямлю гэтую Ханаан, тады абшар, які выпадзе па жэрабі вам ва ўласнасць, хай будзе ў гэтых межах.
«Раскажы сыном Ізраелявым і скажы ім: як увыйдзеце ў зямлю Канаанскую, дык во зямля, каторая дастанецца вам на спадак, зямля Канаанская подле граніцаў яе:
Паўднёвая мяжа хай будзе ад пустыні Сін, уздоўж Эдома, і хай мяжуецца на ўсходзе з морам Салёным.
І будзе ў вас паўднявая старана ад пустыні Цын, ля Едому, і будзе ў вас паўднявая граніца ад берагу Салонага мора на ўсход,
Хай яны звернуць на поўдзень да ўзвышша Акрабім, каб, такім чынам, пайсці праз Сін і дасягнуць на поўдні Кадэс-Барнэ, а адтуль выйсці да Асарадара і дайсці аж да Асэмона.
І заверне вам з паўдня граніца да ўзгор’я Акравіму, і пярэйдзе аж да Цын, і будзе канец яе ад паўдня аж да Кадэш-Барні, і выйдзе да Гацар-Аддару, і пярэйдзе аж да Ацмону.
Ад Асэмона хай паверне мяжа да ручая Егіпецкага і спыніцца хай на беразе Вялікага мора.
І ськіруецца граніца ад Ацмону да ракі Ягіпецкае, і будзе канец яе супроці мора.
Вашай мяжой заходняй хай будзе Вялікае мора, гэта будзе ваша заходняя мяжа.
І граніцаю заходняй будзе ў вас вялікае мора. І граніца гэта будзе вам граніцаю заходняй.
А на поўначы хай будзе ў вас мяжа, пачынаючы ад Вялікага мора і аж да гары Гор,
І гэта будзе вам граніца паўночная: ад вялікага мора азначча да гары Гор;
ад якой павядзіце мяжу да ўваходу ў Эмат і далей, да межаў Сэдада.
Ад гары Гор азначча да Гамафу, і будуць канцы граніцы ля Цэдад;
Потым хай пойдзе мяжа да Зэфрона і Асарэнона. Такія хай будуць межы з поўначы.
І выйдзе граніца да Цыфрону, і будуць канцы яе ля Гацар-Енану. Гэта будзе ў вас граніца паўночная.
Усходнюю мяжу правядзіце ад Асарэнона да Сэпама,
І азначча сабе граніцу ўсходнюю ад Гацар-Енану на Шэфам;
і ад Сэпама хай пойдзе мяжа ў напрамку Рэблы на ўсход ад Аіна, адтуль хай пойдзе далей і дасягне на ўсходзе боку мора Кінэрэт,
І зыйдзе граніца ад Шэфаму аж да Рыбля, з усходняга боку Аіна, потым зыйдзе граніца й даткнецца да боку мора Кінэрэф із усходняе стараны.
і працягнецца аж да Ярдана, і спыніцца, нарэшце, пры моры Салёным. Гэта хай будзе зямля вашая з межамі сваімі вакол”».
І зыйдзе граніца аж да Ёрдану, і будзе канец яе ля Салонага мора. Гэта будзе вам зямля па граніцах яе наўкола.
І, кажучы, загадаў Майсей сынам Ізраэля: «Гэта хай будзе зямля, якую маеце падзяліць па жэрабі і якую загадаў Госпад даць дзевяці пакаленням і палове пакалення.
І расказаў Масей сыном Ізраелявым, кажучы: «Во зямля, каторую вы адзяржыце на спадак жэрабям, каторую расказаў СПАДАР даць дзевяцём плямёнам і палавіцы плямені;
Бо пакаленне сыноў Рубэна па сем’ях сваіх, і пакаленне сыноў Гада па ліку родаў, і палова пакалення Манасы атрымалі ўжо сваю ўласнасць;
Бо плямя сыноў Рувінавых па дамох айцоў сваіх, і плямя сыноў Ґадовых па дамох айцоў сваіх, і палавіца плямені Манасавага ўзялі спадкі свае.
гэтыя два і палова пакаленні ўзялі сваю ўласнасць па той бок Ярдана насупраць Ерыхона на ўсходзе».
Два плямені а палавіца плямені ўзялі спадкі свае за Ёрданом супроці Ерыхону на ўсход, на ўсход сонца».
І сказаў Госпад Майсею:
І гукаў СПАДАР Масею, кажучы:
«Гэта імёны людзей, якія падзеляць вам зямлю: Элеязэр святар, і Ешуа, сын Нуна,
«Во ймёны мужоў, каторыя будуць даваць на спадак вам зямлю: Елеазар сьвятар а Ігошуа Нунянок;
і адзін князь з кожнага пакалення, каб падзяліць зямлю ва ўласнасць,
І па адным князю ад плямені вазьміце на дзяльню зямлі.
імёны якіх наступныя: з пакалення Юды — Калеб, сын Ефоны;
І во ймёны гэтых мужоў: з плямені Юдзінага Калеў Ефунёнак;
з пакалення Сімяона — Самуэль, сын Аміюда;
І з плямені сыноў Сымонавых Самуйла Амігудзёнак;
з пакалення Бэньяміна — Элідад, сын Хаселона;
І з плямені Веняміновага Елідад Кіслонёнак;
з пакалення сыноў Дана — Бокцы, сын Ёглі.
І з плямені сыноў Дановых князь Бук Ёґлянок;
З сыноў Язэпа: з пакалення Манасы — Ханіэль, сын Эфода;
І із сыноў Язэпавых: з плямені сыноў Манасавых князь Ганель Ефодзёнак;
з пакалення Эфраіма — Кемуэль, сын Сэфтана.
І з плямені сыноў Яхрэмавых князь Кемуель Шыфтанёнак;
З пакалення Забулона — Элісафан, сын Парнаха;
Із плямені сыноў Завулонавых князь Еліцафан Парнашонак;
з пакалення Ісахара — кіраўнік Палціэль, сын Азана;
І з плямені сыноў Іссасхаровых князь Палтыель Азанёнак;
з пакалення Асэра — Ахіюд, сын Саломі;
І з плямені сыноў Ашэровых князь Агігуд Шэламёнак;
з пакалення Нэфталі — Пэдаэль, сын Аміюда».
І з плямені сыноў Неффалімовых князь Педагэль Амігудзёнак».
Вось тыя, каму загадаў Госпад падзяліць зямлю Ханаан між сыноў Ізраэля.
Гэта тыя, каторым расказаў СПАДАР падзяліць сыном Ізраелявым у зямлі Канаанскай.
