Лікі 34 разьдзел
Лікі
Пераклад Чарняўскага 2017 → Пераклад Антонія Бокуна
Далей казаў Госпад Майсею, гаворачы:
І прамовіў ГОСПАД да Майсея, кажучы:
«Загадай сынам Ізраэля і скажы ім: “Калі ўвойдзеце ў зямлю гэтую Ханаан, тады абшар, які выпадзе па жэрабі вам ва ўласнасць, хай будзе ў гэтых межах.
«Загадай сынам Ізраіля і скажы ім: “Калі ўвойдзеце ў зямлю Ханаан, вось зямля, якая будзе вам у спадчыну, зямля Ханаан у межах ейных.
Паўднёвая мяжа хай будзе ад пустыні Сін, уздоўж Эдома, і хай мяжуецца на ўсходзе з морам Салёным.
Паўднёвая мяжа будзе ад пустыні Сін да ваколіц Эдому, і будзе паўднёвая мяжа з усходу ад краю Мора Салёнага.
Хай яны звернуць на поўдзень да ўзвышша Акрабім, каб, такім чынам, пайсці праз Сін і дасягнуць на поўдні Кадэс-Барнэ, а адтуль выйсці да Асарадара і дайсці аж да Асэмона.
І зьверне мяжа вашая на поўдзень да ўзвышша Акраббім, і пойдзе праз Сін на поўдзень да Кадэш-Барнэа, і пойдзе да Хацар-Адару, і дойдзе да Ацмону.
Ад Асэмона хай паверне мяжа да ручая Егіпецкага і спыніцца хай на беразе Вялікага мора.
Ад Ацмону паверне [мяжа] да ручаю Эгіпецкага і спыніцца на беразе мора.
Вашай мяжой заходняй хай будзе Вялікае мора, гэта будзе ваша заходняя мяжа.
Вашай мяжой заходняй будзе для вас Мора Вялікае, гэта будзе ваша мяжа заходняя.
А на поўначы хай будзе ў вас мяжа, пачынаючы ад Вялікага мора і аж да гары Гор,
На поўначы будзе ў вас мяжа ад Мора Вялікага пачынаючы і аж да гары Гор,
ад якой павядзіце мяжу да ўваходу ў Эмат і далей, да межаў Сэдада.
і ад гары Гор павядзіце [мяжу] да ўваходу ў Хамат і далей, да мяжы Цэдаду.
Потым хай пойдзе мяжа да Зэфрона і Асарэнона. Такія хай будуць межы з поўначы.
І пойдзе мяжа да Зіфрону, і дойдзе да Гацар-Энану. Гэта будзе для вас мяжа паўночная.
Усходнюю мяжу правядзіце ад Асарэнона да Сэпама,
Усходнюю мяжу правядзіце ад Гацар-Энану да Шэфамы,
і ад Сэпама хай пойдзе мяжа ў напрамку Рэблы на ўсход ад Аіна, адтуль хай пойдзе далей і дасягне на ўсходзе боку мора Кінэрэт,
і ад Шэфамы пойдзе мяжа да Рыўлі на ўсход да Аіну, і зыйдзе мяжа далей, і пройдзе праз горы на ўсход ад мора Кінэрэт,
і працягнецца аж да Ярдана, і спыніцца, нарэшце, пры моры Салёным. Гэта хай будзе зямля вашая з межамі сваімі вакол”».
і зыйдзе мяжа ўздоўж Ярдану, і спыніцца пры Моры Салёным. Гэта будзе зямля вашая з межамі сваімі наўкола”».
І, кажучы, загадаў Майсей сынам Ізраэля: «Гэта хай будзе зямля, якую маеце падзяліць па жэрабі і якую загадаў Госпад даць дзевяці пакаленням і палове пакалення.
І загадаў Майсей сынам Ізраіля, кажучы: «Вось зямля, якую маеце падзяліць жэрабям і якую загадаў ГОСПАД даць дзевяці пакаленьням і палове пакаленьня.
Бо пакаленне сыноў Рубэна па сем’ях сваіх, і пакаленне сыноў Гада па ліку родаў, і палова пакалення Манасы атрымалі ўжо сваю ўласнасць;
Бо пакаленьне сыноў Рубэна паводле дамоў бацькоў сваіх, і пакаленьне сыноў Гада паводле дамоў бацькоў сваіх, і палова пакаленьня Манасы атрымалі спадчыну сваю.
гэтыя два і палова пакаленні ўзялі сваю ўласнасць па той бок Ярдана насупраць Ерыхона на ўсходзе».
Гэтыя два пакаленьні і палова пакаленьня ўзялі спадчыну сваю з таго боку Ярдану насупраць Ерыхону на ўсход».
І сказаў Госпад Майсею:
І прамовіў ГОСПАД да Майсея, кажучы:
«Гэта імёны людзей, якія падзеляць вам зямлю: Элеязэр святар, і Ешуа, сын Нуна,
«Гэта імёны людзей, якія падзеляць вам зямлю: Элеазар сьвятар і Егошуа, сын Нуна.
і адзін князь з кожнага пакалення, каб падзяліць зямлю ва ўласнасць,
І возьмеце па адным князі з кожнага пакаленьня, каб падзяліць зямлю на ўласнасьць.
імёны якіх наступныя: з пакалення Юды — Калеб, сын Ефоны;
Вось імёны тых людзей: з пакаленьня Юды — Халеў, сын Ефунны,
з пакалення Сімяона — Самуэль, сын Аміюда;
з пакаленьня сыноў Сымона — Шэмюэль, сын Амігуда,
з пакалення Бэньяміна — Элідад, сын Хаселона;
з пакаленьня Бэн’яміна — Элідад, сын Кісьлёна,
з пакалення сыноў Дана — Бокцы, сын Ёглі.
з пакаленьня сыноў Дана — Букі, сын Ёглі,
З сыноў Язэпа: з пакалення Манасы — Ханіэль, сын Эфода;
з сыноў Язэпа, з пакаленьня сыноў Манасы — Ханіэль, сын Эфода,
з пакалення Эфраіма — Кемуэль, сын Сэфтана.
з пакаленьня сыноў Эфраіма — Кэмуэль, сын Шыфтана,
З пакалення Забулона — Элісафан, сын Парнаха;
з пакаленьня сыноў Завулёна — Эліцафан, сын Парнаха,
з пакалення Ісахара — кіраўнік Палціэль, сын Азана;
з пакаленьня сыноў Ісахара — Пальтыэль, сын Азана,
з пакалення Асэра — Ахіюд, сын Саломі;
з пакаленьня сыноў Асэра — Эхігуд, сын Шэломіі,
з пакалення Нэфталі — Пэдаэль, сын Аміюда».
з пакаленьня сыноў Нэфталі — Пэдагель, сын Амігуда».
Вось тыя, каму загадаў Госпад падзяліць зямлю Ханаан між сыноў Ізраэля.
Гэта тыя, якім загадаў ГОСПАД падзяліць зямлю Ханаан між сыноў Ізраіля.
