Лікі 34 разьдзел
Лікі
Пераклад Васіля Сёмухі → Пераклад Антонія Бокуна
І сказаў Гасподзь Майсею, кажучы:
І прамовіў ГОСПАД да Майсея, кажучы:
загадай сынам Ізраілевым і скажы ім: калі ўвойдзеце ў зямлю Ханаанскую, дык вось зямля, якая дастанецца вам у надзел, зямля Ханаанская зь яе межамі:
«Загадай сынам Ізраіля і скажы ім: “Калі ўвойдзеце ў зямлю Ханаан, вось зямля, якая будзе вам у спадчыну, зямля Ханаан у межах ейных.
паўднёвы бок будзе ў вас ад пустыні Сін, каля Эдома, і пойдзе ў вас паўднёвая мяжа ад канца Салёнага мора з усходу,
Паўднёвая мяжа будзе ад пустыні Сін да ваколіц Эдому, і будзе паўднёвая мяжа з усходу ад краю Мора Салёнага.
і пойдзе мяжа на поўдзень да ўзвышша Акравіма і пойдзе праз Сін, і будуць выступы яе на поўдзень да Кадэс-Варні, адтуль пойдзе да Гацар-Адара і пройдзе праз Ацмон;
І зьверне мяжа вашая на поўдзень да ўзвышша Акраббім, і пойдзе праз Сін на поўдзень да Кадэш-Барнэа, і пойдзе да Хацар-Адару, і дойдзе да Ацмону.
ад Ацмона пойдзе мяжа да патока Егіпецкага, і будуць выступы яе да мора;
Ад Ацмону паверне [мяжа] да ручаю Эгіпецкага і спыніцца на беразе мора.
а мяжою заходняю будзе ў вас вялікае мора: гэта будзе ў вас мяжа на захад;
Вашай мяжой заходняй будзе для вас Мора Вялікае, гэта будзе ваша мяжа заходняя.
а на поўнач будзе ў вас мяжа: ад вялікага мора правядзеце яе да гары Ор,
На поўначы будзе ў вас мяжа ад Мора Вялікага пачынаючы і аж да гары Гор,
ад гары Ор правядзеце да Эмата, і будуць выступы мяжы да Цэдада;
і ад гары Гор павядзіце [мяжу] да ўваходу ў Хамат і далей, да мяжы Цэдаду.
адтуль пойдзе мяжа да Цыфрона, і выступы яе будуць да Гацар-Энана: гэта будзе ў вас мяжа паўночная;
І пойдзе мяжа да Зіфрону, і дойдзе да Гацар-Энану. Гэта будзе для вас мяжа паўночная.
мяжу ўсходнюю правядзеце сабе ад Гацар-Энана да Шэфама,
Усходнюю мяжу правядзіце ад Гацар-Энану да Шэфамы,
ад Шэфама пойдзе мяжа да Рыблы, з усходняга боку Аіна, потым пойдзе мяжа і кранецца берагоў мора Кінэрэт з усходняга боку;
і ад Шэфамы пойдзе мяжа да Рыўлі на ўсход да Аіну, і зыйдзе мяжа далей, і пройдзе праз горы на ўсход ад мора Кінэрэт,
і пойдзе мяжа да Ярдана, і будуць выступы яе да Салёнага мора. Гэта будзе мяжа ваша ў межах яе з усіх бакоў.
і зыйдзе мяжа ўздоўж Ярдану, і спыніцца пры Моры Салёным. Гэта будзе зямля вашая з межамі сваімі наўкола”».
І загадаў Майсей сынам Ізраілевым і сказаў: вось зямля, якую вы падзеліце на надзелы па жэрабі, якую загадаў Гасподзь даць дзевяці плямёнам і палавіне племя;
І загадаў Майсей сынам Ізраіля, кажучы: «Вось зямля, якую маеце падзяліць жэрабям і якую загадаў ГОСПАД даць дзевяці пакаленьням і палове пакаленьня.
бо племя сыноў Рувімавых паводле сямействаў іхніх, і племя сыноў Гадавых паводле сямействаў іхніх, і палавіна племя Манасіінага, атрымалі надзел свой;
Бо пакаленьне сыноў Рубэна паводле дамоў бацькоў сваіх, і пакаленьне сыноў Гада паводле дамоў бацькоў сваіх, і палова пакаленьня Манасы атрымалі спадчыну сваю.
два плямёны і палавіна племя атрымалі надзел свой за Ярданам насупраць Ерыхона на ўсход.
Гэтыя два пакаленьні і палова пакаленьня ўзялі спадчыну сваю з таго боку Ярдану насупраць Ерыхону на ўсход».
І сказаў Гасподзь Майсею, кажучы:
І прамовіў ГОСПАД да Майсея, кажучы:
вось імёны мужоў, якія будуць дзяліць вам зямлю: Элеазар сьвятар і Ісус, сын Наваў;
«Гэта імёны людзей, якія падзеляць вам зямлю: Элеазар сьвятар і Егошуа, сын Нуна.
і па адным князі ад племя вазьмеце для падзелу зямлі.
І возьмеце па адным князі з кожнага пакаленьня, каб падзяліць зямлю на ўласнасьць.
І вось імёны гэтых мужоў: для племя Юдавага Халеў, сын Ефаніін;
Вось імёны тых людзей: з пакаленьня Юды — Халеў, сын Ефунны,
для племя сыноў Сымонавых Самуіл, сын Аміудаў;
з пакаленьня сыноў Сымона — Шэмюэль, сын Амігуда,
для племя Веньямінавага Элідад, сын Кіслонаў;
з пакаленьня Бэн’яміна — Элідад, сын Кісьлёна,
для племя сыноў Данавых князь Букій, сын Ёгліі;
з пакаленьня сыноў Дана — Букі, сын Ёглі,
для сыноў Язэпавых, для племя сыноў Манасііных князь Ханііл, сын Эфодаў;
з сыноў Язэпа, з пакаленьня сыноў Манасы — Ханіэль, сын Эфода,
для племя сыноў Яфрэмавых князь Кемуіл, сын Шыфтанаў;
з пакаленьня сыноў Эфраіма — Кэмуэль, сын Шыфтана,
для племя сыноў Завулонавых князь Эліцафан, сын Фарнакаў;
з пакаленьня сыноў Завулёна — Эліцафан, сын Парнаха,
для племя сыноў Ісахаравых князь Фалтыіл, сын Азанаў;
з пакаленьня сыноў Ісахара — Пальтыэль, сын Азана,
для племя сыноў Асіравых князь Ахіуд, сын Шэломія;
з пакаленьня сыноў Асэра — Эхігуд, сын Шэломіі,
для племя сыноў Нэфталімавых князь Пэдаіл, сын Аміудаў;
з пакаленьня сыноў Нэфталі — Пэдагель, сын Амігуда».
вось тыя, каму загадаў Гасподзь падзяліць надзелы сынам Ізраілевым у зямлі Ханаанскай.
Гэта тыя, якім загадаў ГОСПАД падзяліць зямлю Ханаан між сыноў Ізраіля.
