Лікі 34 разьдзел
Лікі
Пераклад Яна Станкевіча → Пераклад Васіля Сёмухі
І гукаў СПАДАР Масею, кажучы:
І сказаў Гасподзь Майсею, кажучы:
«Раскажы сыном Ізраелявым і скажы ім: як увыйдзеце ў зямлю Канаанскую, дык во зямля, каторая дастанецца вам на спадак, зямля Канаанская подле граніцаў яе:
загадай сынам Ізраілевым і скажы ім: калі ўвойдзеце ў зямлю Ханаанскую, дык вось зямля, якая дастанецца вам у надзел, зямля Ханаанская зь яе межамі:
І будзе ў вас паўднявая старана ад пустыні Цын, ля Едому, і будзе ў вас паўднявая граніца ад берагу Салонага мора на ўсход,
паўднёвы бок будзе ў вас ад пустыні Сін, каля Эдома, і пойдзе ў вас паўднёвая мяжа ад канца Салёнага мора з усходу,
І заверне вам з паўдня граніца да ўзгор’я Акравіму, і пярэйдзе аж да Цын, і будзе канец яе ад паўдня аж да Кадэш-Барні, і выйдзе да Гацар-Аддару, і пярэйдзе аж да Ацмону.
і пойдзе мяжа на поўдзень да ўзвышша Акравіма і пойдзе праз Сін, і будуць выступы яе на поўдзень да Кадэс-Варні, адтуль пойдзе да Гацар-Адара і пройдзе праз Ацмон;
І ськіруецца граніца ад Ацмону да ракі Ягіпецкае, і будзе канец яе супроці мора.
ад Ацмона пойдзе мяжа да патока Егіпецкага, і будуць выступы яе да мора;
І граніцаю заходняй будзе ў вас вялікае мора. І граніца гэта будзе вам граніцаю заходняй.
а мяжою заходняю будзе ў вас вялікае мора: гэта будзе ў вас мяжа на захад;
І гэта будзе вам граніца паўночная: ад вялікага мора азначча да гары Гор;
а на поўнач будзе ў вас мяжа: ад вялікага мора правядзеце яе да гары Ор,
Ад гары Гор азначча да Гамафу, і будуць канцы граніцы ля Цэдад;
ад гары Ор правядзеце да Эмата, і будуць выступы мяжы да Цэдада;
І выйдзе граніца да Цыфрону, і будуць канцы яе ля Гацар-Енану. Гэта будзе ў вас граніца паўночная.
адтуль пойдзе мяжа да Цыфрона, і выступы яе будуць да Гацар-Энана: гэта будзе ў вас мяжа паўночная;
І азначча сабе граніцу ўсходнюю ад Гацар-Енану на Шэфам;
мяжу ўсходнюю правядзеце сабе ад Гацар-Энана да Шэфама,
І зыйдзе граніца ад Шэфаму аж да Рыбля, з усходняга боку Аіна, потым зыйдзе граніца й даткнецца да боку мора Кінэрэф із усходняе стараны.
ад Шэфама пойдзе мяжа да Рыблы, з усходняга боку Аіна, потым пойдзе мяжа і кранецца берагоў мора Кінэрэт з усходняга боку;
І зыйдзе граніца аж да Ёрдану, і будзе канец яе ля Салонага мора. Гэта будзе вам зямля па граніцах яе наўкола.
і пойдзе мяжа да Ярдана, і будуць выступы яе да Салёнага мора. Гэта будзе мяжа ваша ў межах яе з усіх бакоў.
І расказаў Масей сыном Ізраелявым, кажучы: «Во зямля, каторую вы адзяржыце на спадак жэрабям, каторую расказаў СПАДАР даць дзевяцём плямёнам і палавіцы плямені;
І загадаў Майсей сынам Ізраілевым і сказаў: вось зямля, якую вы падзеліце на надзелы па жэрабі, якую загадаў Гасподзь даць дзевяці плямёнам і палавіне племя;
Бо плямя сыноў Рувінавых па дамох айцоў сваіх, і плямя сыноў Ґадовых па дамох айцоў сваіх, і палавіца плямені Манасавага ўзялі спадкі свае.
бо племя сыноў Рувімавых паводле сямействаў іхніх, і племя сыноў Гадавых паводле сямействаў іхніх, і палавіна племя Манасіінага, атрымалі надзел свой;
Два плямені а палавіца плямені ўзялі спадкі свае за Ёрданом супроці Ерыхону на ўсход, на ўсход сонца».
два плямёны і палавіна племя атрымалі надзел свой за Ярданам насупраць Ерыхона на ўсход.
І гукаў СПАДАР Масею, кажучы:
І сказаў Гасподзь Майсею, кажучы:
«Во ймёны мужоў, каторыя будуць даваць на спадак вам зямлю: Елеазар сьвятар а Ігошуа Нунянок;
вось імёны мужоў, якія будуць дзяліць вам зямлю: Элеазар сьвятар і Ісус, сын Наваў;
І па адным князю ад плямені вазьміце на дзяльню зямлі.
і па адным князі ад племя вазьмеце для падзелу зямлі.
І во ймёны гэтых мужоў: з плямені Юдзінага Калеў Ефунёнак;
І вось імёны гэтых мужоў: для племя Юдавага Халеў, сын Ефаніін;
І з плямені сыноў Сымонавых Самуйла Амігудзёнак;
для племя сыноў Сымонавых Самуіл, сын Аміудаў;
І з плямені Веняміновага Елідад Кіслонёнак;
для племя Веньямінавага Элідад, сын Кіслонаў;
І з плямені сыноў Дановых князь Бук Ёґлянок;
для племя сыноў Данавых князь Букій, сын Ёгліі;
І із сыноў Язэпавых: з плямені сыноў Манасавых князь Ганель Ефодзёнак;
для сыноў Язэпавых, для племя сыноў Манасііных князь Ханііл, сын Эфодаў;
І з плямені сыноў Яхрэмавых князь Кемуель Шыфтанёнак;
для племя сыноў Яфрэмавых князь Кемуіл, сын Шыфтанаў;
Із плямені сыноў Завулонавых князь Еліцафан Парнашонак;
для племя сыноў Завулонавых князь Эліцафан, сын Фарнакаў;
І з плямені сыноў Іссасхаровых князь Палтыель Азанёнак;
для племя сыноў Ісахаравых князь Фалтыіл, сын Азанаў;
І з плямені сыноў Ашэровых князь Агігуд Шэламёнак;
для племя сыноў Асіравых князь Ахіуд, сын Шэломія;
І з плямені сыноў Неффалімовых князь Педагэль Амігудзёнак».
для племя сыноў Нэфталімавых князь Пэдаіл, сын Аміудаў;
Гэта тыя, каторым расказаў СПАДАР падзяліць сыном Ізраелявым у зямлі Канаанскай.
вось тыя, каму загадаў Гасподзь падзяліць надзелы сынам Ізраілевым у зямлі Ханаанскай.
