Лікі 7 разьдзел
Лікі
Пераклад Яна Станкевіча → Пераклад Васіля Сёмухі
І было таго дня, як Масей скончыў станавіць вітальню, і памазаў яе, і пасьвяціў яе а ўсе судзьдзе яе, і аброчнік а ўсе судзьдзе яго, і памазаў іх і пасьвяціў іх;
Калі Майсей паставіў скінію, і памазаў яе, і асьвяціў яе і ўсе прылады яе, і ахвярнік і ўсе прылады яго, і памазаў іх і асьвяціў іх,
Тады дабліжыліся князі Ізраелявы, галавы дому айцоў сваіх, яны князі плямёнаў, каторыя стаялі над тымі, што былі палічаныя,
тады прыйшлі дванаццаць правадыроў Ізраілевых, галовы сямействаў іхніх, правадыры плямёнаў, якія кіравалі падлікам,
І прынесьлі аброкі свае перад відам СПАДАРА, шэсьць накрытых калясьнікоў і двананцаць валоў, па адным калясьніку ад двух князёў і па адным валу ад кажнага, і дабліжылі гэта перад вітальню.
і паставілі прынашэньне сваё перад Госпадам, шэсьць накрытых падводаў і дванаццаць валоў, па адной падводзе ад двух правадыроў і па адным вале ад кожнага, і паставілі гэта перад скініяй.
І гукаў СПАДАР Масею, кажучы:
І наказаў Гасподзь Майсею сказаць:
«Вазьмі ад іх; няхай будуць на работу пры службе будану збору; і аддай іх Левітам, кажнаму чалавеку подле службы іх».
вазьмі ад іх; гэта будзе дзеля ўчыненьня працы пры скініі сходу; і аддам гэта лявітам, адпаведна з родам службы іхняй.
І ўзяў Масей калясьнікі а валы, і аддаў іх Левітам.
І ўзяў Майсей падводы і валоў і аддаў іх лявітам;
Два калясьнікі й чатыры валы аддаў сыном Гірсонавым, подле службы іхнае.
дзьве падводы і чатырох валоў аддаў сынам Гірсонавым, адпаведна з родам службы іхняй;
І чатыры калясьнікі й восьмі валоў аддаў сыном Мераравым, подле службы іхнае, пад наглядам Іфамара, сына Аарона, сьвятара.
і чатыры падводы і восем валоў аддаў сынам Мэрарыным, паводле роду службы іхняй, пад наглядам Ітамара, сына Аарона, сьвятара;
А сыном Когафовым ня даў, бо служба сьвятыні на іх, на плячох яны маюць насіць.
а сынам Каатавым ня даў, бо служба іхняя — насіць сьвятыню; на плячах павінны яны насіць.
І дабліжылі князі на пасьвячэньне аброчніка таго дня, як ён быў памазаны; і дабліжылі князі аброкі свае да аброчніка.
І прынесьлі правадыры ахвяры асьвячэньня ў дзень памазаньня ягонага, і паставілі правадыры прынашэньне сваё перад ахвярнікам.
І сказаў СПАДАР Масею: «Па адным князю ў дзень, па адным князю ў дзень хай абракаюць аброкі свае на пасьвячэньне аброчніка».
І сказаў Гасподзь Майсею: па адным правадыру ў дзень няхай прыносяць прынашэньне сваё дзеля асьвячэньня ахвярніка.
І быў абракаючым першага дня свой аброк Наасон Амінадавёнак ад плямені Юдзінага.
У першы дзень прынёс прынашэньне сваё Наасон, сын Амінадаваў, ад племя Юдавага;
І аброк ягоны быў: адна срэбная міса вагою сто трыццаць, адна срэбная крапельная чара семдзясят сыкляў, подле сыклю сьвятыні, абедзьве поўныя ценькае мукі, рашчыненай на аліве, на аброк хлебны,
і прынашэньне ягонае было: адна срэбраная міса, вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнаю мукою, зьмяшанаю з алеем, у прынашэньне хлебнае,
Ложка адна дзесяцёх сыкляў, залатая, поўная кадзіла,
адно залатое кадзіла ў семдзесят сікляў, напоўненае дымленьнем,
Адно цялё-бычок, адзін баран, адзін аднагодні баранчык на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
На аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Наасона Амінадавёнка.
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Наасона, сына Амінадававага.
На другі дзень дабліжыў Нафанаель Цуаронак, князь плямені сыноў Іссасхаровых.
На другі дзень прынёс Натанаіл, сын Цуараў, правадыр племя Ісахаравага;
Ён дабліжыў дар свой: адну срэбную місу вагою сто трыццаць, адну срэбную крапельную чару семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
ён прынёс ад сябе прынашэньне: адну срэбраную місу вагою ў сто трыццаць сікляў, адну срэбраную чару ў семдзесят сікляў, па сіклі сьвяшчэнным, напоўненых пшанічнай мукою, зьмяшанаю з алеем, у прынашэньне хлебнае,
Адну залатую ложку зь дзесяцёх сыкляў, поўную кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычка, аднаго барана, аднаго аднагодняга баранчыка, на ўсепаленьне,
адно цяля, аднаго барана, адно ягня-адналетка, на цэласпаленьне,
Адно казянё на аброк за грэх,
аднаго казла ў ахвяру за грэх,
І на аброк супакойны два з буйнога статку, пяць казлоў, пяць аднагодніх баранчыкаў. Гэта аброк Нафанаеля Цуаронка.
і ў ахвяру мірную двух валоў, пяць бараноў, пяць казлоў, пяць ягнят-адналетак; вось прынашэньне Натанаіла, сына Цуаравага.
На трэйці дзень князь сыноў Завулонавых Еляў Гелонёнак.
На трэці дзень правадыр сыноў Завулонавых Эліяў, сын Хэлонаў;
Дар ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Адна залатая ложка зь дзесяцёх сыкляў, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на аброк супакойны два з буйнога статку, пяць казлоў, пяць аднагодніх баранчыкаў. Гэта аброк Елява Гелонёнка.
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Эліява, сына Хэлонавага.
На чацьверты дзень князь сыноў Рувінавых Еліцур Шэдэўронак.
На чацьвёрты дзень правадыр сыноў Рувімавых Эліцур, сын Шадаураў;
Дар ягоны: адна срэбная міса вагою сто трыццаць сыкляў, адна срэбная крапельная чара семдзясят сыкляў, подле сыклю святыні, абедзьве поўныя ценькае мукі, рашчыненае на аліве, на аброк хлебны,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Адна залатая ложка зь дзесяцёх сыкляў, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на аброк супакойны два з буйнога статку, пяць казлоў і пяць аднагодніх баранчыкаў. Гэта дар Еліцура Шэдэўронка.
і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Эліцура, сына Шадауравага.
На пяты дзень князь сыноў Сымонавых Шэлумель Цурышаддаёнак.
На пяты дзень правадыр сыноў Сымонавых Шалумііл, сын Цурышадаеў;
Дар ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Ложка адна зь дзесяцёх сыкляў залатая, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на аброк супакойны два з буйнога статку, пяць бараноў, пяць казлоў і пяць аднагодніх баранчыкаў. Гэта дар Шэлумеля Цурышаддаёнка.
і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Шалумііла, сына Цурышадаевага.
На шосты дзень князь сыноў Ґадовых Елясаф Дэгуелёнак.
На шосты дзень правадыр сыноў Гадавых Эліясаф, сын Рэгуілаў:
Дар ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю святыні, абедзьве поўныя ценькае мукі, рашчыненае на аліве, на аброк хлебны,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Адна залатая ложка зь дзесяцёх сыкляў, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на аброк супакойны два з буйнога статку, пяць казлоў і пяць аднагодніх баранчыкаў. Гэта дар Елясафа Дэгуелёнка.
і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Эліясафа, сына Дэгуілавага.
На сёмы дзень князь сыноў Яхрэмавых Елішама Амігудзёнак.
На сёмы дзень правадыр сыноў Яфрэмавых Элішама, сын Амуілаў;
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыневае на аліве, на аброк хлебны,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Адна залатая ложка зь дзесяцёх сыкляў, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Елішамы Амігудзёнка.
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Элішамы, сына Аміудавага.
На восьмы дзень князь сыноў Манасавых Ґамалель Педацуронак.
На восьмы дзень правадыр сыноў Манасііных Гамалііл, сын Пэдацураў;
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Адна залатая ложка зь дзесяцёх сыкляў, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Ґамалеля Педацуронка.
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Гамалііла, сына Пецадуравага.
На дзявяты дзень князь сыноў Веняміновых Авідан Гідэонёнак.
На дзявяты дзень правадыр сыноў Веньямінавых Авідан, сын Гідэонаў;
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынашэньне ягонае: адна срэбраная міса вагою ў сто трыццаць сікляў, адна срэбраная чара зь семдзесят сікляў, па сіклі сьвяшчэнным, напоўненыя пшанічнаю мукою, зьмяшанаю з алеем, у прынашэньне хлебнае,
Адна залатая ложка зь дзесяцёх сыкляў, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Авідана Ґідэонёнка.
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Авідана, сына Гідэонавага.
На дзясяты дзень князь сыноў Дановых Агіезэр Амішаддаёнак.
На дзясяты дзень правадыр сыноў Данавых Ахіезэр, сын Амішадаеў;
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Адна залатая ложка зь дзесяцёх сыкляў, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Агіезэра Амішаддаёнка.
і ў ахвяру мірную два валы, пяць бараноў, пяць казлоў, пяць цялят-адналетак; вось прынашэньне Ахіезэра, сына Амішадаевага.
На адзінанцаты дзень князь сыноў Ашэравых Пагіель Охранёнак.
На адзінаццаты дзень правадыр сыноў Асіравых Пагііл, сын Ахранаў;
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Адна залатая ложка зь дзесяцёх сыкляў, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта дар Пагіеля Охранёнка.
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Пагііла, сына Ахранавага.
На двананцаты дзень князь сыноў Неффалімовых Агіра Енанёнак.
На дванаццаты дзень правадыр сыноў Нэфталімавых Ахіра, сын Энанаў;
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Адна залатая ложка зь дзесяцёх сыкляў, поўная кадзіла,
адно залатое кадзіла ў дзесяць сікляў, напоўненае дымленьнем,
Адно цялё-бычок, адзін баран, адзін аднагодні баранчык, на ўсепаленьне,
адно цяля, адзін баран, адно ягня-адналетак, на цэласпаленьне,
Адно казянё на аброк за грэх,
адзін казёл у ахвяру за грэх,
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Агіры Енанёнка.
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Ахіры, сына Энанавага.
Во дары пры пасьвячэньню аброчніка, у дзень памазаньня яго, ад князёў Ізраелявых: срэбных місаў двананцаць, крапельных срэбных чараў двананцаць, залатых ложак двананцаць;
Вось прынашэньні правадыроў Ізраілевых пры асьвячэньні ахвярніка ў дзень памазаньня яго: дванаццаць срэбраных місаў, дванаццаць срэбраных чараў, дванаццаць залатых кадзілаў;
Па сто трыццаць сыкляў срэбла ў кажнай місе і па семдзясят у кажнай крапельнай чары; усяго срэбла ў гэтых судзінах дзьве тысячы чатырыста сыкляў, подле сыклю сьвятыні.
па сто трыццаць сікляў срэбра ў кожнай місе і па семдзесят у кожнай чары: так, усяго срэбра ў гэтым посудзе па дзьве тысячы чатырыста сікляў, па сіклі сьвяшчэнным;
Залатых ложак двананцаць, поўных кадзіла, дзесяць у кажнай ложцы, подле сыклю сьвятыні; усяго золата ў ложках сто дваццаць сыкляў.
залатых кадзілаў, напоўненых дымленьнем, дванаццаць, у кожным кадзіле па дзесяць сікляў, па сіклі сьвяшчэнным: усяго золата ў кадзілах сто дваццаць сікляў;
Увесь буйны статак на ўсепаленьне: двананцаць валоў, двананцаць бараноў, двананцаць аднагодніх баранчыкаў, а пры іх хлебны аброк; і на аброк за грэх двананцаць казлоў;
на цэласпаленьне ўсяго дванаццаць цялят з быдла буйнога, дванаццаць бараноў, дванаццаць ягнят-адналетак і пры іх хлебнае прынашэньне, і ў ахвяру за грэх дванаццаць казлоў,
І ўсяго із статку буйнога аброку супакойнага дваццаць чатыры валы, шасьцьдзясят бараноў, шасьцьдзясят казлоў, шасьцьдзясят аднагодніх баранчыкаў. Гэта дары пры пасьвячэньню аброчніка просьле памазаньня яго.
і ў ахвяру мірную ўсяго з буйнога быдла дваццаць чатыры цяляці, шэсьцьдзясят бараноў, шэсьцьдзясят казлоў, шэсьцьдзясят ягнят-адналетак; вось прынашэньні пры асьвячэньні ахвярніка пасьля памазаньня яго.
І як Масей уходзіў у будан збору, каб гутарыць ізь Ім, чуў голас, гукаючы яму зь века, каторае над скрыняю сьветчаньня памеж двух херуваў, і Ён гукаў яму.
Калі Майсей уваходзіў у скінію сходу, каб гаварыць з Госпадам, чуў голас, які гаварыў яму з даха, які над каўчэгам адкрыцьця паміж двума херувімамі, і ён гаварыў яму.
