3 Яна 1 разьдзел

 

 

Старэйшына — улюбёнаму Гаію, якога я люблю ў праўдзе.

 

Старэйшы — дарагому Гаю, якога я люблю ў праўдзе.

Улюбёны, малюся, каб ты ва ўсім меў вялікі поспех і быў здаровы, як мае вялікі поспех твая душа.

 

Улюбёны, малюся, каб ты быў спраўны і здаровы так, як спраўная душа твая.

Бо я вельмі ўзрадаваўся, калі прыходзілі браты і сведчылі аб тваёй праўдзе, як ты і жывеш у праўдзе.

 

Вельмі ўзрадаваўся я з прыбыцця братоў, якія засведчылі праўду тваю ды як ты жывеш у праўдзе.

Для мяне няма большай радасці, як чуць, што мае дзеці жывуць у праўдзе.

 

Для мяне няма большай радасці, як пачуць, што дзеці мае жывуць у праўдзе.

Улюбёны, ты верна дзейнічаеш у тым, што ты робіш для братоў і да таго чужаземных,

 

Улюбёны, верна робіш, калі рупішся дзеля братоў і дзеля падарожных,

якія засведчылі пра тваю любоў перад царквою; і ты добра зробіш, калі правядзеш іх, як належыць, дзеля Бога;

 

якія аддалі сведчанне тваёй любові перад царквою. Ты добра зробіш, калі выправіш іх у дарогу, як годна перад Богам.

бо яны дзеля [Яго] Імя выйшлі, нічога не ўзяўшы ад язычнікаў.

 

Бо выправіліся яны ў дарогу ў імя [Яго], не прымаючы нічога ад паганаў.

Так што мы павінны падтрымліваць такіх, каб нам зрабіцца супрацоўнікамі праўды.

 

Таму мусім гасцінна прымаць такіх, каб быць саўдзельнікамі праўды.

Я сёе-тое напісаў царкве; але Дыятрэф, які любіць першынстваваць у іх, не прымае нас.

 

Я напісаў для царквы, але той, які хоча мець першынство сярод іх, Дыятрэф, не прызнае нас.

Таму, калі я прыйду, то нагадаю пра яго ўчынкі, якія ён вытварае, плявузгаючы на нас ліхімі словамі; і, не задавальняючыся гэтым, ён і сам не прымае братоў, і забараняе тым, хто хоча прыняць, і выганяе з царквы.

 

Таму вось, калі прыбуду, нагадаю пра яго ўчынкі, што ён робіць, плявузгаючы на нас ліхімі словамі; і быццам яму яшчэ гэтага не хапае, сам не прымае братоў і тым, якія прымаюць, перашкаджае і выганяе з царквы.

Улюбёны, пераймай не ліхое, а добрае. Хто творыць дабро, той — ад Бога; хто творыць ліха, той не бачыў Бога.

 

Улюбёны, не наследуй ліхому, але таму, што добрае. Хто добрае робіць, ёсць ад Бога, а хто робіць благое, той не бачыў Бога.

Пра Дзімітрыя засведчана ўсімі, і самою праўдай; і мы таксама сведчым, і ты ведаеш1, што наша сведчанне праўдзівае.

 

Пра Дэметра ўсе добра сведчаць, і нават сама праўда; і мы таксама сведчым, і ты ведаеш, што сведчанне наша праўдзівае.

Шмат я меў напісаць табе, але не хачу пісаць табе чарнілам і пяром;

 

Шмат я меў напісаць, але не хачу пісаць табе чарнілам і пяром;

а спадзяюся хутка ўбачыць цябе, і мы пагаворым з вуснаў у вусны.

 

спадзяюся, што хутка цябе ўбачу і тады пагаворым з вуснаў у вусны.

Мір табе. Вітаюць цябе сябры. Прывітай сяброў пайменна. [Амін].

 

Супакой табе. Вітаюць цябе сябры. Прывітай сяброў пайменна. Амін.