Лукаша 3 разьдзел

 

 

У пятнаццаты ж год гаспадараньня Тыбэрыя кесара (і) гаспадаруючага Понція Пілата (у) Юдэі, і зьяўляючагася чацьвертаўладнікам Галілеі — Гірада, Піліпа ж, брата ягонага — зьяўляючагася чацьвертаўладнікам Ітурэі і Траханіцкай краіны, і Лісанія зьяўляючагася чацьвертаўладнікам (у) Абілінэі;

 

А ў пятнаццаты год панаваньня цэзара Тыбэрыя, калі Понці Пілат панаваў у Юдэі, Ірад быў тэтрархам у Галілеі, Філіп, брат ягоны, — тэтрархам у Ітурэі і Траханіцкай краіне, а Лісані — тэтрархам у Абіліне,

пры архірэях Ганьне і Каяхве было Слова Божае да Яана, Захаравага сына, у пустэльні.

 

пры першасьвятарах Аньне і Каяфе было слова Божае да Яна, сына Захарыі, у пустыні.

І (ён) прайшоў па ўсёй ваколіцы Ярдану, абвяшчаючы хрышчэньне пакаяньня дзеля дараваньня грахоў,

 

І ён праходзіў па ўсіх ваколіцах Ярданскіх, прапаведуючы хрышчэньне навяртаньня дзеля адпушчэньня грахоў,

як напісана ў кнізе слоў Гісаі прарока, які кажа: голас крычачага ў пустэльні: прыгатуйце шлях Госпада, простымі зрабіце сьцежкі Яму;

 

як напісана ў кнізе словаў прарока Ісаі, які кажа: «Голас таго, хто кліча ў пустыні: “Падрыхтуйце шлях Госпаду, простымі рабіце сьцежкі Яго;

кожны дол няхай напоўніцца, і кожная гара і ўзгорак няхай панізіцца, і крывулі стануць простымі, і няроўныя дарогі (стануць) гладкімі;

 

усякі дол няхай напоўніцца, і ўсякая гара і ўзгорак няхай панізяцца, крывізны няхай выпрастуюцца, і няроўныя шляхі зробяцца гладкімі;

і ўбачыць кожнае цела збаўленьне Божае.

 

і ўгледзіць усякае цела збаўленьне Божае”».

І вось казаў (ён) людзям, якія прыходзілі хрысьціцца ад яго: спародзьзе яхідзінавае! хто нахіліў вас уцякаць ад надыходзячага гневу?

 

І казаў ён натоўпам, якія прыходзілі хрысьціцца ў яго: «Спараджэньні яхідны, хто перасьцярог вас, каб уцякалі ад гневу, які надыходзіць?

Зрабіце ж плады годныя пакаяньня, і ня думайце гаварыць самі сабе: ба́цьку маем Абрагама, бо кажу вам, што Бог можа з каменьняў гэтых стварыць дзяцей Абрагаму.

 

Зрабіце плады, годныя навяртаньня, і не пачынайце гаварыць у сабе: “Бацьку маем Абрагама”, бо кажу вам, што Бог можа з камянёў гэтых падняць дзяцей Абрагаму.

Бо ўжо і сякера каля караня дрэваў ляжыць; усякае дрэва, якое плоду добрага ня прыносіць, сьсякаецца й кіда́ецца ў вагонь.

 

Ужо і сякера ля кораня дрэваў ляжыць; усякае дрэва, якое не прыносіць добрага плоду, сьсякаецца і кідаецца ў агонь».

І пыталіся ў яго людзі, кажучы: што ж (нам) рабіць?

 

І спытаўся ў яго натоўп, кажучы: «Дык што нам рабіць?»

Адказаўшы ж (ён) ім гаворыць: хто мае дзьве адзежыны, той няхай дасьць таму, хто ня мае, і, хто мае ежу, няхай робіць гэтаксама.

 

А ён, адказваючы, кажа ім: «Хто мае дзьве вопраткі, няхай дасьць таму, хто ня мае; і хто мае ежу, няхай робіць тое самае».

Прыйшлі ж і мытнікі ахрысьціцца і сказалі яму: настаўнік! што на́м рабіць?

 

Прыйшлі і мытнікі хрысьціцца, і сказалі яму: «Настаўнік, што нам рабіць?»

Ён жа адказаў ім: нічога большага за загаданае вам ня спаганяйце.

 

А ён сказаў ім: «Нічога не бярыце больш таго, што вам загадана».

Пыталіся ў яго таксама і жаўнеры, кажучы: а нам што рабіць? І сказаў ім: ні ў ко́га ня вымагайце грошы і ня паклёпнічайце, і будзьце задаволены сваёй платай.

 

Пыталіся ў яго таксама жаўнеры, кажучы: «А нам што рабіць?» І ён сказаў ім: «Нікога ня крыўдзьце, не абмаўляйце і задавальняйцеся сваёю платай».

Калі ж народ мучыўся думкай, і разважалі ўсе ў сэрцах сваіх пра Яана, ці ня Хрыстос ён,

 

І народу, які чакаў і разважаў у сэрцах сваіх адносна Яна, ці не Хрыстос ён,

адказаў Яан усім, кажучы: я сапраўды хрышчу вас вадою. Але ідзе Дужэйшы за мяне, у Якога я ня варты разьвязаць рамень абутку Ягонага; Ён будзе хрысьціць вас Духам Сьвятым і агнём;

 

адказаў Ян усім, кажучы: «Я хрышчу вас вадою, але ідзе Дужэйшы за мяне, у Якога я ня варты разьвязаць рамень сандалаў Ягоных. Ён будзе хрысьціць вас Духам Сьвятым і агнём.

і гархва Ягоная ў Руцэ Ягонай, і (Ён) ачысьціць гумно Сваё і зьбярэ пшаніцу ў сьвіран Свой, а мяккіну спаліць агнём няпагасным.

 

Веялка Ягоная ў руцэ Яго, і Ён ачысьціць ток Свой, і зьбярэ пшаніцу ў сьвіран Свой, а салому спаліць агнём незгасальным».

І вось, і многае другое, навучаючы, дабравесьціў (ён) народу.

 

І шмат іншага дабравесьціў ён народу, навучаючы яго.

Гірад жа чацьвертаўладнік, дакараны ім за Гірадзіяду, жонку брата ягонага Піліпа, і за ўсё, што Гірад зрабіў благога,

 

А Ірад тэтрарх, дакараны ім за Ірадыяду, жонку Філіпа, брата ягонага, і за ўсё, што Ірад зрабіў злога,

дадаў да ўсяго і тое, што пасадзіў Яана ў вязьніцу.

 

дадаў да ўсяго і тое, што замкнуў Яна ў вязьніцу.

І сталася, як хрысьціўся ўвесь народ, і Ісус ахрысьціўшыся маліўся, адчынілася неба,

 

І сталася, калі хрысьціўся ўвесь народ, і Ісус, ахрысьціўшыся, маліўся, адчынілася неба,

і зыйшоў на Яго Дух Сьвяты ў цялесным выглядзе, як галуб, і быў голас зь неба, ка́жучы: Ты Сын Мой улюблены, Цябе (Я) упадабаў!

 

і Дух Сьвяты зыйшоў на Яго ў цялесным выглядзе, як голуб, і быў голас з неба, які казаў: «Ты — Сын Мой Улюбёны; у Табе Я маю ўпадабаньне».

І Сам Ісус быў гадоў каля трыццаці, пачынаючы (Сваё служэньне), і быў, як думалі, Сын Язэпаў, Íліяў,

 

І меў Ісус, пачынаючы [служэньне], гадоў каля трыццаці, і быў, як думалі, сын Язэпаў, Гэліяў,

Маттатаў, Ле́віяў, Ме́льхіяў, Яанаў, Язэпаў,

 

Мататаў, Левіяў, Мэльхіяў, Янаяў, Язэпаў,

Маттаціяў, Амо́саў, Навумаў, Ясьлімаў, Нагеяў,

 

Мататыяў, Амосаў, Навумаў, Эсьліяў, Нагеяў,

Маатаў, Маттаціяў, Самеяў, Язэпаў, Юдаў,

 

Магатаў, Мататыяў, Сэмэяў, Язэпаў, Юдаў,

Яананаў, Рысаяў, Зараба́бэляў, Салятыілаў, Нірыяў,

 

Яанаяў, Рэсаеў, Зэрубабэляў, Салятыэляў, Нэрыяў,

Мэльхіяў, Адзіяў, Касамаў, Ялмадамаў, Іраў,

 

Мэльхіяў, Аддыяў, Касамаў, Эльмадамаў, Іраў,

Ясіяў, Яліязэраў, Іярымаў, Маттатаў, Ле́віяў,

 

Ёсіяў, Эліезэраў, Ярымаў, Мататаў, Левіяў,

Сымонаў, Юдаў, Язэпаў, Яананаў, Яліякімаў,

 

Сымонаў, Юдаў, Язэпаў, Янанаў, Эліякімаў,

Мэлеаяў, Маінанаў, Маттатаяў, Натанаў, Давідаў,

 

Мэлеаяў, Маінанаў, Мататаў, Натанаў, Давідаў,

Ясеяў, Абідаў, Баозаў, Салмонаў, Наасонаў,

 

Есэяў, Абэдаў, Боазаў, Сальмонаў, Наасонаў,

Амінадабаў, Арамаў, Ясромаў, Хварэсаў, Юдаў,

 

Амінадабаў, Арамаў, Эсромаў, Пэрэсаў, Юдаў,

Якубаў, Ісагакаў, Абрагамаў, Тараў, Нахораў,

 

Якубаў, Ісаакаў, Абрагамаў, Тэрахаў, Нахораў,

Сэрухаў, Рагабаў, Хвалекаў, Ябераў, Салаў,

 

Сэрухаў, Рагаваў, Фалекаў, Гэбэраў, Салаў,

Каінанаў, Архваксадаў, Сэмаў, Нояў, Ламехаў,

 

Каінанаў, Арфаксадаў, Сэмаў, Нояў, Лямэхаў,

Матусалаў, Янохаў, Ярэдаў, Малеляіляў, Каінанаў,

 

Мэтушаляхаў, Энохаў, Ярэдаў, Магалялеэляў, Кейнанаў,

Яносаў, Сэтаў, Адамаў, Божы.

 

Эносаў, Сэтаў, Адамаў, Божы.