Лукаша 3 разьдзел

 

 

У пятнаццаты ж год гаспадараньня Тыбэрыя кесара (і) гаспадаруючага Понція Пілата (у) Юдэі, і зьяўляючагася чацьвертаўладнікам Галілеі — Гірада, Піліпа ж, брата ягонага — зьяўляючагася чацьвертаўладнікам Ітурэі і Траханіцкай краіны, і Лісанія зьяўляючагася чацьвертаўладнікам (у) Абілінэі;

 

У пятнаццаты год панавання цэзара Тыберыя, калі Понцій Пілат быў намеснікам Юдэі, а Ірад быў тэтрархам Галілеі, Філіп, брат ягоны, тэтрархам Ітурэі і Траханіцкай зямлі, а Лізанія тэтрархам Абілены,

пры архірэях Ганьне і Каяхве было Слова Божае да Яана, Захаравага сына, у пустэльні.

 

пры першасвятарах Анне і Каяфе, было скіравана слова Божае да Яна, сына Захарыі, у пустыні.

І (ён) прайшоў па ўсёй ваколіцы Ярдану, абвяшчаючы хрышчэньне пакаяньня дзеля дараваньня грахоў,

 

Ён прайшоў усе ваколіцы Ярдана, абвяшчаючы хрост пакаяння дзеля адпушчэння грахоў,

як напісана ў кнізе слоў Гісаі прарока, які кажа: голас крычачага ў пустэльні: прыгатуйце шлях Госпада, простымі зрабіце сьцежкі Яму;

 

як напісана ў кнізе слоў прарока Ісаі: «Голас таго, хто кліча ў пустыні:“Падрыхтуйце дарогу Пану,простымі рабіце сцежкі Яму!

кожны дол няхай напоўніцца, і кожная гара і ўзгорак няхай панізіцца, і крывулі стануць простымі, і няроўныя дарогі (стануць) гладкімі;

 

Кожная даліна ўзвысіцца,кожная гара і пагорак панізяцца,і выбоістыя дарогі стануць раўнінай,а ланцугі гор — далінаю.

і ўбачыць кожнае цела збаўленьне Божае.

 

І ўбачыць кожнае целаБожае збаўленне”».

І вось казаў (ён) людзям, якія прыходзілі хрысьціцца ад яго: спародзьзе яхідзінавае! хто нахіліў вас уцякаць ад надыходзячага гневу?

 

Ён казаў натоўпам, якія прыходзілі да яго хрысціцца: «Племя змяінае, хто навучыў вас уцякаць ад будучага гневу?

Зрабіце ж плады годныя пакаяньня, і ня думайце гаварыць самі сабе: ба́цьку маем Абрагама, бо кажу вам, што Бог можа з каменьняў гэтых стварыць дзяцей Абрагаму.

 

Прынясіце ж годны плён пакаяння і не думайце казаць сабе: “Маем Абрагама за бацьку”; бо кажу вам, што Бог можа з камянёў гэтых абудзіць дзяцей Абрагаму.

Бо ўжо і сякера каля караня дрэваў ляжыць; усякае дрэва, якое плоду добрага ня прыносіць, сьсякаецца й кіда́ецца ў вагонь.

 

Ужо і сякера прыкладзена да карэння дрэў. Таму кожнае дрэва, якое не дае добрага плоду, будзе ссечана і кінута ў агонь».

І пыталіся ў яго людзі, кажучы: што ж (нам) рабіць?

 

І пыталіся ў яго людзі, кажучы: «Што мы павінны рабіць?»

Адказаўшы ж (ён) ім гаворыць: хто мае дзьве адзежыны, той няхай дасьць таму, хто ня мае, і, хто мае ежу, няхай робіць гэтаксама.

 

Ён казаў ім у адказ: «Хто мае дзве вопраткі, няхай аддасць таму, хто не мае, і хто мае ежу, няхай зробіць тое самае».

Прыйшлі ж і мытнікі ахрысьціцца і сказалі яму: настаўнік! што на́м рабіць?

 

Прыйшлі і мытнікі хрысціцца і сказалі яму: «Настаўнік, што мы павінны рабіць?»

Ён жа адказаў ім: нічога большага за загаданае вам ня спаганяйце.

 

Ён адказаў ім: «Нічога больш за вызначанае вам не спаганяйце».

Пыталіся ў яго таксама і жаўнеры, кажучы: а нам што рабіць? І сказаў ім: ні ў ко́га ня вымагайце грошы і ня паклёпнічайце, і будзьце задаволены сваёй платай.

 

Пыталіся ў яго таксама і жаўнеры, кажучы: «А мы што павінны рабіць?» Ён адказаў ім: «Нікога не крыўдзіце, не абвінавачвайце несправядліва і задавольвайцеся сваёй платай».

Калі ж народ мучыўся думкай, і разважалі ўсе ў сэрцах сваіх пра Яана, ці ня Хрыстос ён,

 

Калі народ чакаў і калі ўсе разважалі ў сэрцах сваіх пра Яна, ці не Месія ён,

адказаў Яан усім, кажучы: я сапраўды хрышчу вас вадою. Але ідзе Дужэйшы за мяне, у Якога я ня варты разьвязаць рамень абутку Ягонага; Ён будзе хрысьціць вас Духам Сьвятым і агнём;

 

Ян адказаў усім: «Я вадою хрышчу вас, але ідзе мацнейшы за мяне, якому я няварты развязаць раменьчык на Яго сандалях. Ён вас будзе хрысціць Духам Святым і агнём.

і гархва Ягоная ў Руцэ Ягонай, і (Ён) ачысьціць гумно Сваё і зьбярэ пшаніцу ў сьвіран Свой, а мяккіну спаліць агнём няпагасным.

 

Лапату трымае ў руцэ сваёй, каб ачысціць гумно сваё і сабраць пшаніцу ў засекі свае, а мякіну спаліць агнём непагасным».

І вось, і многае другое, навучаючы, дабравесьціў (ён) народу.

 

Шмат чаго іншага прапаведаваў ён, абвяшчаючы Добрую Навіну народу.

Гірад жа чацьвертаўладнік, дакараны ім за Гірадзіяду, жонку брата ягонага Піліпа, і за ўсё, што Гірад зрабіў благога,

 

А тэтрарх Ірад, якога Ян дакараў за Ірадыяду, жонку яго брата Філіпа, і за ўсё зло, якое ўчыніў Ірад,

дадаў да ўсяго і тое, што пасадзіў Яана ў вязьніцу.

 

да ўсяго дадаў яшчэ і тое, што замкнуў Яна ў вязніцы.

І сталася, як хрысьціўся ўвесь народ, і Ісус ахрысьціўшыся маліўся, адчынілася неба,

 

Калі хрысціўся ўвесь народ і калі Езус, прыняўшы хрост, маліўся, раскрылася неба,

і зыйшоў на Яго Дух Сьвяты ў цялесным выглядзе, як галуб, і быў голас зь неба, ка́жучы: Ты Сын Мой улюблены, Цябе (Я) упадабаў!

 

і Дух Святы ў цялесным выглядзе, як голуб, сышоў на Яго, і быў голас з неба: «Ты Сын Мой умілаваны, Цябе ўпадабаў Я».

І Сам Ісус быў гадоў каля трыццаці, пачынаючы (Сваё служэньне), і быў, як думалі, Сын Язэпаў, Íліяў,

 

Езус, пачынаючы служэнне сваё, меў каля трыццаці гадоў і быў, як лічылі, сынам Юзафа, сына Элія,

Маттатаў, Ле́віяў, Ме́льхіяў, Яанаў, Язэпаў,

 

Матата, Левія, Мэльхія, Яная, Юзафа,

Маттаціяў, Амо́саў, Навумаў, Ясьлімаў, Нагеяў,

 

Матація, Амоса, Навума, Эслія, Нагея,

Маатаў, Маттаціяў, Самеяў, Язэпаў, Юдаў,

 

Маата, Матація, Сэмэя, Ёсэха, Ёды,

Яананаў, Рысаяў, Зараба́бэляў, Салятыілаў, Нірыяў,

 

Янана, Рэсы, Зарабабэля, Салятыэля, Нэрыя,

Мэльхіяў, Адзіяў, Касамаў, Ялмадамаў, Іраў,

 

Мэльхія, Адзія, Касама, Эльмадама, Эра,

Ясіяў, Яліязэраў, Іярымаў, Маттатаў, Ле́віяў,

 

Езуса, Эліязэра, Ярыма, Матата, Левія,

Сымонаў, Юдаў, Язэпаў, Яананаў, Яліякімаў,

 

Сімяона, Юды, Юзафа, Ёнама, Эліяхіма,

Мэлеаяў, Маінанаў, Маттатаяў, Натанаў, Давідаў,

 

Мэлея, Мэны, Матата, Натана, Давіда,

Ясеяў, Абідаў, Баозаў, Салмонаў, Наасонаў,

 

Есэя, Абэда, Бааза, Сальмона, Наасона,

Амінадабаў, Арамаў, Ясромаў, Хварэсаў, Юдаў,

 

Амінадаба, Адміна, Арні, Эзрома, Фарэса, Юды,

Якубаў, Ісагакаў, Абрагамаў, Тараў, Нахораў,

 

Якуба, Ісаака, Абрагама, Тарэя, Нахора,

Сэрухаў, Рагабаў, Хвалекаў, Ябераў, Салаў,

 

Сэруха, Рахаба, Фалека, Эбэра, Салія,

Каінанаў, Архваксадаў, Сэмаў, Нояў, Ламехаў,

 

Каінама, Арфаксада, Сэма, Ноя, Ламеха,

Матусалаў, Янохаў, Ярэдаў, Малеляіляў, Каінанаў,

 

Матусала, Эноха, Ярэда, Малелеэля, Каінама,

Яносаў, Сэтаў, Адамаў, Божы.

 

Эноса, Сэта, Адама, сына Бога.