Марка 4 разьдзел
Паводле Марка Сьвятое Дабравесьце
Пераклад Сабілы і Малахава → Пераклад Л. Гарошка
І ізноў пача́ў навучаць ля мора; і быў сабра́ны вакол Яго натоўп шматлюдны, так што Ён увайшоўшы ў човен быў на моры, а ўвесь народ быў на зямлі каля мора.
адсутнічае
І вучыў іх прыповесьцямі многімі і казаў ім у вучэньні Сваім:
адсутнічае
слухайце: вось выйшаў сейбіт сеяць.
адсутнічае
І сталася, калі сеяў, іншае ўпала каля дарогі, і наляцелі птушкі нябесныя і падзяўблі яго.
адсутнічае
А іншае ўпала на камяністую (мясьціну), дзе ня было шмат зямлі, і няўзабаве ўзыйшло, бо зямля была няглыбокая.
адсутнічае
А калі ўзыйшло сонца, (яно) завяла, і як ня мела карэньня, засохла.
адсутнічае
А іншае ўпала ў церні, і выраслі церні і заглушылі яго, і (яно) ня дало́ плоду.
адсутнічае
А іншае ўпала на до́брую зямлю і дало́ плод, які ўзыйшоў і вырас, і ўрадзіла іншае трыццаць, іншае шэсьцьдзясят, іншае стокрот.
адсутнічае
І казаў ім: хто мае вушы чуць, хай чуе!
адсутнічае
Калі ж (Ён) застаўся адзін (бяз народу), тыя, каторыя былі каля Яго разам з дванаццацьцю, запыталі Яго пра прыповесьць.
адсутнічае
І сказаў ім: вам да́дзена ведаць тайну Валадарства Бога. А тым, вонкавым, усё падае́цца ў прыповесьцях.
адсутнічае
Каб, угляда́ючыся, глядзелі і ня ўбачылі; і, чу́ючы, слухалі і ня маглі ўразумець, што ім трэба навярнуцца (да Мяне), і каб былí дараваны ім грахі.
адсутнічае
І кажа ім: ня разумееце гэтай прыповесьці? І як уразумееце ўсе прыповесьці?
адсутнічае
Сейбіт Слова сее.
адсутнічае
І пасеянае (Слова) пры дарозе азначае тых, якія пачуюць Слова, але адразу прыходзіць шатан і адбірае Слова, што пасеяна ў сэрцах іхных.
адсутнічае
А пасеянае (Слова) на камяністыя мясьціны азначае тых, якія, калі пачуюць Слова, зараз жа з радасьцю прыймаюць яго,
адсутнічае
але ня маюць у сабе кораня і няўгрунтаваныя; потым калі настае ўціск ці гане́ньне за Слова, адразу адступаюцца.
адсутнічае
А тыя што пасеяны ў це́рні, азначаюць тых, каторыя чуюць Слова,
адсутнічае
але турботы веку гэтага і прынада багацьця і іншыя пажаданьні ўваходзячы (у іх) заглушаюць Слова, і яно робіцца бяспло́дным.
адсутнічае
А пасеяныя ў добрую зямлю, азначаюць тых, што чуюць Слова, і прыймаюць (яго), і даюць плод у трыццаць і ў шэсьцьдзесят і ў сто (разоў).
адсутнічае
І казаў ім: ці на тое прыносіцца сьвечка, каб быць пастаўленай пад пасудзіну ці пад ложак? Не, але каб быць пастаўленай на сьвечніку.
адсутнічае
Бо няма нічога тайнага, каб ня зрабілася яўным, і нішто ня сталася схава́ным, але каб зьявілася вядомым.
адсутнічае
Калі хто мае вушы чуць, хай слухае!
адсутнічае
І казаў ім: будзьце ўважлівымі да таго, што чуеце: якою мераю мераеце, гэткаю і вам адмерана будзе і дададзена будзе вам, слухаючым.
адсутнічае
Бо хто мае, таму дадзена будзе, а хто ня мае, у таго будзе аднята і тое што мае.
адсутнічае
І казаў: Валадарства Бога ёсьць падобна таму, як калі б чалавек кінуў насеньне ў зямлю;
адсутнічае
і сьпіць, і ўстае ўначы і ўдзень, і як насеньне ўзыходзіць і расьце, ён ня ведае.
адсутнічае
Бо сама зямля родзіць сьпярша рунь, пасьля колас, пасьля поўнае зерне ў коласе,
адсутнічае
а калі высьпее плод зараз жа пасылае серп, бо надыйшло жніво.
адсутнічае
І казаў: да чаго прыпадобнім Валадарства Бога? альбо празь якую прыповесьць выявім Яго?
адсутнічае
(Яно) падобна гарчычнаму зярняці якое, калі (яно) пасеяна ў зямлю (яно) ёсьць меншае за ўсіх зярнят на зямлі.
адсутнічае
А калі пасеяна, узыходзіць і робіцца большае за ўсякую агаро́дніну, і пускае вялікае гольле, так што пад ценем ягоным могуць гнязьдзіцца птушкі нябесныя.
адсутнічае
І многімі гэткімі прыповесьцямі казаў ім Слова, колькі (яны) маглі слухаць;
адсутнічае
і бяз прыповесьці ня казаў ім, а вучням Сваім насамоце тлумачыў усё.
адсутнічае
І ўвечары таго самага дня гаворыць ім: пераправімся на той бок.
І сказаў ім таго-ж дня вечарам: "Пераплывём на другі бераг".
І адпусьціўшы народ бяруць Яго з сабою, як быў у чаўне; былі разам зь Ім і другія чаўны.
І адправіўшы народ, яны ўзялі Яго з сабою, як быў у чаўне; і з Ім былі другія чаўны.
І ўзьнімаецца вялікая бура; і хвалі білі ў човен, так што ён ужо пачаў напаўняцца (вадою).
І ўзьнялася вялікая бура; хвалі білі ў човен так, што ён ужо пачаў напаўняцца вадою.
А Ён спаў на карме, на падушцы. І будзяць Яго і кажуць Яму: Настаўнік! няўжо Цябе ня рупіць што мы гінем?
А Ён быў на карме і спаў на падушцы. І будзяць Яго ды кажуць Яму: "Настаўнік! няўжо Цябе ня рупіць, што мы гінем?"
І ўстаўшы забараніў ветру і сказаў мору: суйміся, перастань. І вецер аціх, і зрабілася вялікая ціша.
І ўстаўшы забараніў ветру і сказаў мору: "Змоўкні, сьціхні!" І вецер заціх ды настала вялікая цішыня.
І сказаў ім: чаму вы гэткія палахлівыя? чаму ня маеце веры?
І сказаў ім: "Чаму вы гэткія палахлівыя? Як гэта вы яшчэ ня маеце веры?"
І споўніліся страхам вялікім і гаварылі паміж сабою: хто ж Ён, што і вецер і мора слухаюцца Яго?
І агарнуў іх вялікі страх і гаварылі між сабою: "Хто гэта, што і вецер і мора паслушныя Яму?"
