Марка 4 разьдзел
Паводле Марка Сьвятое Дабравесьце
Пераклад Васіля Сёмухі → Пераклад Л. Гарошка
І зноў пачаў вучыць каля мора; і сабралася да Яго мноства людзей, так што Ён увайшоў у лодку і быў на моры, а ўвесь люд быў на зямлі каля мора.
адсутнічае
І вучыў іх прытчамі многа і ў вучэньні Сваім казаў ім:
адсутнічае
слухайце: вось, выйшаў сейбіт сеяць;
адсутнічае
і калі сеяў, сталася так, што іншае ўпала ўскрай дарогі, і наляцелі птушкі і падзяўблі тое;
адсутнічае
іншае ўпала на камяністую мясьціну, дзе няшмат было зямлі, і неўзабаве ўзышло, таму што зямля была там ня глыбокая;
адсутнічае
а калі ўзышло сонца, завяла і, як ня мела карэньня, засохла;
адсутнічае
іншае ўпала на церне, і церне вырасла і заглушыла насеньне, яно не дало плоду;
адсутнічае
а іншае ўпала на добрую зямлю і дало плод, які ўзыйшоў і вырас, і ўрадзіла тое трыццаць, тое шэсьцьдзясят і тое сто.
адсутнічае
І сказаў ім: хто мае вушы, каб чуць, няхай чуе!
адсутнічае
Калі ж застаўся бязь людзей, усе, хто быў вакол Яго разам з дванаццацьцю, спыталіся ў Яго пра прытчу.
адсутнічае
І сказаў ім: вам дадзена ведаць тайны Царства Божага, а тым, вонкавым, усё бывае ў прытчах,
адсутнічае
каб яны сваімі вачыма глядзелі, і ня ўбачылі; сваімі вушамі чулі, і не ўразумелі, каб не навярнуліся, і не дараваны былі ім грахі.
адсутнічае
І кажа ім: не разумееце гэтай прытчы? як жа вам уразумець усе прытчы?
адсутнічае
Сейбіт слова сее.
адсутнічае
Пасеянае ўскрай дарогі азначае тых, у якіх сеецца слова, але да якіх, калі пачуюць, адразу прыходзіць сатана і хапае слова, пасеянае ў сэрцах іхніх.
адсутнічае
Такім самым чынам і пасеянае на камяністых мясьцінах азначае тых, якія, калі пачуюць слова, адразу з радасьцю прымаюць яго,
адсутнічае
але ня маюць у сабе кораня і нясталыя; потым, калі настане ўціск і ганеньне за слова, адразу спакушаюцца.
адсутнічае
Пасеянае ў церне азначае тых, што чуюць слова,
адсутнічае
але ў якіх турботы веку гэтага, панада багацьця і іншыя жаданьні, уваходзячы ў іх, заглушаюць слова, і яно бывае бяз плоду.
адсутнічае
А пасеянае на добрай зямлі азначае тых, якія слухаюць слова і прымаюць, і родзяць плод, адзін у трыццаць, другі ў шэсьцьдзясят, той ўстакроць.
адсутнічае
І сказаў ім: ці на тое прыносіцца сьвечка, каб паставіць яе пад пасудзіну альбо пад ложак? ці не на тое, каб ставіць яе на сьвечніку?
адсутнічае
Няма нічога таемнага, што ня выйшла б на яву; і нічога няма схаванага, што ня выйшла б наверх.
адсутнічае
Калі хто мае вушы, каб чуць, няхай пачуе!
адсутнічае
І сказаў ім: заўважайце, што чуеце: якою мераю мерыце, такою адмерана будзе вам і дададзена будзе вам, слухачам.
адсутнічае
Бо, хто мае, таму дадзена будзе, а хто ня мае, у таго адымецца і тое, што мае.
адсутнічае
І сказаў: Царства Божае падобнае на тое, як калі чалавек кіне насеньне ў зямлю,
адсутнічае
і сьпіць, і ўстае ноччу і днём, і як насеньне ўзыходзіць і расьце, ня ведае ён;
адсутнічае
бо зямля сама сабою родзіць спачатку зеляніну, потым колас, потым поўнае зерне ў коласе;
адсутнічае
калі ж высьпее плод, адразу пасылае серп, таму што настала жніво.
адсутнічае
І сказаў: да чаго прыпадобнім Царства Божае? альбо празь якую прытчу выявім яго?
адсутнічае
Яно — як зерне гарчычнае, якое, калі сеецца ў зямлю, ёсьць найменшае з усіх зярнят на зямлі:
адсутнічае
а як пасеяна, узыходзіць і робіцца большае за ўсякую траву, і пускае вялікае гольле, так што пад ценем ягоным могуць хавацца птушкі нябесныя.
адсутнічае
І такімі многімі прытчамі прапаведаваў ім слова, колькі яны маглі чуць;
адсутнічае
і бяз прытчы не казаў ім, а вучням сам-насам тлумачыў усё.
адсутнічае
Увечары таго самага дня сказаў ім: пераправімся на той бок.
І сказаў ім таго-ж дня вечарам: "Пераплывём на другі бераг".
І яны, адпусьціўшы людзей, узялі Яго з сабою, як Ён быў, у лодку; зь Ім былі і іншыя лодкі.
І адправіўшы народ, яны ўзялі Яго з сабою, як быў у чаўне; і з Ім былі другія чаўны.
І паднялася вялікая бура; хвалі білі ў лодку, так што яна ўжо напаўнялася вадою.
І ўзьнялася вялікая бура; хвалі білі ў човен так, што ён ужо пачаў напаўняцца вадою.
А Ён спаў на карме на ўзгалоўі. Яго будзяць і кажуць Яму: Настаўнік! няўжо Табе ня рупіць, што мы гінем?
А Ён быў на карме і спаў на падушцы. І будзяць Яго ды кажуць Яму: "Настаўнік! няўжо Цябе ня рупіць, што мы гінем?"
І ўстаўшы, Ён загразіў ветру і сказаў мору: суйміся, перастань. І вецер аціх, і зрабілася вялікая ціша.
І ўстаўшы забараніў ветру і сказаў мору: "Змоўкні, сьціхні!" І вецер заціх ды настала вялікая цішыня.
І сказаў ім: чаго вы такія палахлівыя? чаму ў вас няма веры?
І сказаў ім: "Чаму вы гэткія палахлівыя? Як гэта вы яшчэ ня маеце веры?"
І ўбаяліся страхам вялікім і гаварылі і паміж сабою: хто ж гэта, што і вецер і мора слухаюцца Яго?
І агарнуў іх вялікі страх і гаварылі між сабою: "Хто гэта, што і вецер і мора паслушныя Яму?"
