Марка 2 разьдзел
Паводле Марка Сьвятое Дабравесьце
Пераклад Сабілы і Малахава → Дабравесце паводле Марка. З аўдыёкасет
І зноў праз некалькі дзён прыйшоў (Ён) у Капэрнавум. І разыйшлася чутка што Ён у доме.
І праз некалькі дзён Ён зноў прыйшоў у Капернаум, і пачулі, што Ён дома.
І адразу былі сабраны многія, так што больш ня заставалася мейсца нават каля дзьвераў; і (Ён) гаварыў ім Слова.
І сабралася іх шмат, так што не ўмяшчаліся ўжо і пры дзвярах, і Ён казаў ім слова.
І прыходзяць да Яго са спаралізаваным, якога несьлі чацьвёра;
І прыйшлі да Яго чацвёра са спаралізаваным на руках.
і ня маючы магчымасьці падыйсьці да Яго цераз народ разабралі дах (дома), дзе (Ён) быў і, пракапаўшыся апускаюць пасьцель на якой ляжаў спаралізаваны.
Патаму, што не маглі падступіцца да Яго з-за натоўпу, яны узняліся на дах, раскрылі яго у месцы над Ім, і спусцілі на постілкі спаралізаванага.
І ўбачыўшы веру іхную, Ісус гаворыць спаралізаванаму: дзіця! дарованы табе грахі твае.
Убачыўшы іх веру, Ісус сказаў спаралізаванаму: «Сыне, адпускаюцца твае грахі».
Былі ж там нікаторыя з кніжнікаў, якія сядзелі і разважалі ў сэрцах сваіх:
Сядзелі ж там некаторыя кніжнікі і разважалі ў сэрцах свайх:
чаму Гэты так блюзьнерыць? Хто можа дараваць грахі, акрамя аднаго Бога?
«Што Ён гэтак кажа? Блюзніць Бога! Хто можа адпускаць грахі, апрача аднаго Бога?»
І адразу пазнаўшы Духам Сваім, што так (яны) разважаюць самі ў сабе, Ісус сказаў ім: чаму так разважаеце ў сэрцах вашых?
Ісус, адразу ўведаўшы духам Сваім, што яны так разважаюць сабе, сказаў ім: «Што гэта вы разважаеце ў сэрцах сваіх?
Што лягчэй сказаць спаралізаванаму: «дарованы табе грахі» ці сказаць: «устань і вазьмі пасьцелю сваю і хадзі?»
Што лягчэй: сказаць спаралізаванаму: «Адпускаюцца твае грахі», ці сказаць: «Устань, і вазьмі сваю постілку, і хадзі»?
Але каб (вы) ведалі, што Сын Чалавечы мае ўладу на зямлі дараваць грахі, — гаворыць спаралізаванаму,
Але каб вы ведалі, што Сын Чалавечы мае ўладу адпускаць грахі на зямлі — кажа Ён спаралізаванаму:
табе кажу: устань і вазьмі пасьцелю тваю, і ідзі ў дом твой.
«Табе кажу: Устань, вазьмі сваю постілку і ідзі ў свой дом!»
І (ён) адразу ўстаў, і, узяўшы пасьцелю, выйшаў перад усімі, так што ўсе пачалі давацца дзіву і славіць Бога, кажучы: ніколі такога (мы яшчэ) ня бачылі.
адсутнічае
І выйшаў (Ён) ізноў да мора; і ўвесь народ ішоў да Яго, і (Ён) вучыў іх.
І Ён зноў выйшаў да мора; і ўвесь натоўп прыходзіў да Яго, і Ён вучыў іх.
І, праходзячы міма, убачыў Левія Алхвеявага, які сядзеў на мытні, і кажа яму: ідзі за Мною. І (той), устаўшы, пайшоў усьлед за Ім.
І праходзячы, убачыў Ён Левія Алфеевага, што сядзеў ля мытні, і сказаў яму: «Ідзі ўслед за Мною!» І той устаў, і пайшоў услед за Ім.
І сталася, калі Ісус узьляжаў за ядой у доме ягоным (Левія), узьляжалі зь Ім і вучнямі Ягонымі шмат мытнікаў і грэшнікаў; было іх многа, бо яны хадзілі за Ім.
І вось Ён прылёг у доме сваім, і шмат мытнікаў і грэшнікаў прыляглі разам з Ім, і Яго вучнямі; так як было ў Яго іх шмат, і ўсе яны ішлі ўслед за Ім.
А кніжнікі і хварысэі ўбачыўшы Яго, як есьць з мытнікамі і грэшнікамі, сказалі вучням Ягоным: чаму Ён есьць і п’е з мытнікамі і грэшнікамі?
І кніжнікі з фарысеяў, убачыўшы, што Ён есць з грэшнікамі і мытнікамі, казалі Яго вучням: «Як гэта Ён есць з мытнікамі і грэшнікамі?»
І, пачуўшы, Ісус кажа ім: ня здаровыя маюць патрэбу ў лекары, а хворыя; Я прыйшоў заклíкаць да пакаяньня ня праведнікаў а грэшнікаў.
І пачуўшы, Ісус кажа ім: «Не здаровыя маюць патрэбу ў лекары, а хворыя. Я прыйшоў паклікаць не праведных, а грэшных да пакаяння».
А вучні Яана і хварысэяў пасьцілі. І прыходзяць, і кажуць Яму: чаму вучні Яана і хварысэяў посьцяць, а Твае вучні ня посьцяць?
А вучні Іаанавы і фарысеі пасцілі, і прыходзяць яны і кажуць Яму: «Чаму Іаанавы вучні ды фарысеі пасцяць, а Твае вучні не пасцяць?»
І сказаў ім Ісус: ня могуць пасьціць сыны палацу шлюбнага, у якім Малады знаходзіцца разам зь імі. Столькі часу сколькі зь імі Малады, ня могуць пасьціць.
І сказаў ім Ісус: «Ці могуць сыны шлюбнага заручэння пасціць, калі з імі побач Жаніх? Пакуль Жаніх з імі, не могуць пасціць.
Але прыйдуць дні калі Малады ад іх будзе ўзяты, і тады будуць пасьціць у тыя дні.
Але прыйдуць дні калі будзе ўзяты ад іх Жаніх і тады яны будуць пасціць.
І ніхто ня прышывае латкі з новай тканіны да вопраткі старой: бо прышытая да старой вопраткі новая латка аддзярэцца, і дзірка стане яшчэ горшай.
Ніхто не прышывае лапікоў з новай тканіны да старога адзення, бо прышытае яго разарве: новае разарве старое, і дзірка будзе горшая,
І ніхто ня налівае віна маладога ў мяхі старыя: бо віно маладое прарывае мяхі (старыя), і віно выцякае, і мяхі прападуць. Але віно маладое трэба ўліваць у мяхі новыя.
і ніхто не ўлівае маладое віно ў старыя мяхі, а то віно прарве іх, і віно прападае і мяхі; а віно маладое уліваюць у новыя мяхі».
І давялося Яму праходзіць у суботу цераз пасевы, і вучні Ягоныя даро́гай пача́лі зрываць калосьсе,
І выпала Яму ў суботу праходзіць збажыною, і Яго вучні пачалі дарогаю рваць калосся і есці.
і хварысэі казалі Яму: глядзі што (яны) робяць у суботу, чаго нельга (рабіць).
І фарысеі сказалі Яму: «Паглядзі, чаму яны робят тое, чаго нельга рабіць у суботу?»
А Ён казаў ім: няўжо (вы) ніколі ня чыталі, што зрабіў Давід калі меў патрэбу і згаладаўся сам і тыя, што былí зь ім?
І Ён кажа ім: «Ці вы ніколі не чыталі, што зрабіў Давід, калі меў патрэбу і быў сам галодны і тыя, што былі з ім?
Як увайшоў (ён) у Дом Бога у (час) архірэя Абіятару і з’еў хлябы ахвярныя, якіх ня можна было есьці нікому, акрамя сьвятароў і даў і тым што былí зь ім?
Ён жа ўвайшоў у Божы дом першасвятара Авіяфары і з’еў хлябы ахверавання, якіх нельга было есці нікому, апрача святароў, і Ён даў таксама тым, што былі разам з ім?»
І казаў ім: субота дзеля чалавека сталася, а ня чалавек дзеля суботы;
І Ён казаў ім: субота для чалавека дадзена, а не чалавек для суботы;
пагэтаму Сын Чалавечы ёсьць Гаспадар і суботы.
Так што Сын Чалавечы Гаспадар і суботы.
