Марка 2 разьдзел
Паводле Марка Сьвятое Дабравесьце
Пераклад Антонія Бокуна → Дабравесце паводле Марка. З аўдыёкасет
І праз [некалькі] дзён Ён зноў увайшоў у Капэрнаум, і пачулі, што Ён у доме.
І праз некалькі дзён Ён зноў прыйшоў у Капернаум, і пачулі, што Ён дома.
І адразу сабралася мноства, што нават пры дзьвярах не маглі зьмясьціцца, і Ён гаварыў ім слова.
І сабралася іх шмат, так што не ўмяшчаліся ўжо і пры дзвярах, і Ён казаў ім слова.
І прыходзяць да Яго са спараліжаваным, якога несьлі чацьвёра.
І прыйшлі да Яго чацвёра са спаралізаваным на руках.
І, ня здолеўшы прайсьці да Яго дзеля натоўпу, раскрылі дах там, дзе Ён быў, і, зрабіўшы дзіру, спусьцілі ложак, на якім ляжаў спараліжаваны.
Патаму, што не маглі падступіцца да Яго з-за натоўпу, яны узняліся на дах, раскрылі яго у месцы над Ім, і спусцілі на постілкі спаралізаванага.
І Ісус, убачыўшы веру іхнюю, кажа спараліжаванаму: «Дзіця, адпускаюцца грахі твае».
Убачыўшы іх веру, Ісус сказаў спаралізаванаму: «Сыне, адпускаюцца твае грахі».
Былі ж там некаторыя кніжнікі, якія сядзелі і разважалі ў сэрцах сваіх:
Сядзелі ж там некаторыя кніжнікі і разважалі ў сэрцах свайх:
«Што гэта Ён кажа блюзьнерства? Хто можа адпускаць грахі, калі ня Сам Бог?»
«Што Ён гэтак кажа? Блюзніць Бога! Хто можа адпускаць грахі, апрача аднаго Бога?»
А Ісус, адразу пазнаўшы духам Сваім, што яны гэтак думаюць, кажа ім: «Што вы гэтак разважаеце ў сэрцах вашых?
Ісус, адразу ўведаўшы духам Сваім, што яны так разважаюць сабе, сказаў ім: «Што гэта вы разважаеце ў сэрцах сваіх?
Што лягчэй, сказаць спараліжаванаму: “Адпускаюцца твае грахі”, ці сказаць: “Устань, вазьмі ложак твой і хадзі”?
Што лягчэй: сказаць спаралізаванаму: «Адпускаюцца твае грахі», ці сказаць: «Устань, і вазьмі сваю постілку, і хадзі»?
Але, каб вы ведалі, што Сын Чалавечы мае ўладу на зямлі адпускаць грахі», — кажа спараліжаванаму:
Але каб вы ведалі, што Сын Чалавечы мае ўладу адпускаць грахі на зямлі — кажа Ён спаралізаванаму:
«Табе кажу: “Устань, вазьмі ложак твой і ідзі ў дом твой”».
«Табе кажу: Устань, вазьмі сваю постілку і ідзі ў свой дом!»
І той адразу ўстаў і, узяўшы ложак, выйшаў перад усімі, так што ўсе дзівіліся і славілі Бога, кажучы: «Мы такога ніколі ня бачылі».
адсутнічае
І зноў выйшаў [Ісус] да мора, і ўвесь натоўп пайшоў да Яго, і Ён навучаў іх.
І Ён зноў выйшаў да мора; і ўвесь натоўп прыходзіў да Яго, і Ён вучыў іх.
І, праходзячы, убачыў Ён Левія Алфеявага, які сядзеў на мытні, і кажа яму: «Ідзі за Мною!» І той, устаўшы, пайшоў за Ім.
І праходзячы, убачыў Ён Левія Алфеевага, што сядзеў ля мытні, і сказаў яму: «Ідзі ўслед за Мною!» І той устаў, і пайшоў услед за Ім.
І сталася, калі Ён узьлягаў у доме ягоным, узьлягала разам з Ісусам і вучнямі Ягонымі шмат мытнікаў і грэшнікаў, бо было многа іх, і яны ішлі за Ім.
І вось Ён прылёг у доме сваім, і шмат мытнікаў і грэшнікаў прыляглі разам з Ім, і Яго вучнямі; так як было ў Яго іх шмат, і ўсе яны ішлі ўслед за Ім.
А кніжнікі і фарысэі, бачачы, што [Ісус] есьць з мытнікамі і грэшнікамі, казалі вучням Ягоным: «Чаму Ён есьць і п’е з мытнікамі і грэшнікамі?»
І кніжнікі з фарысеяў, убачыўшы, што Ён есць з грэшнікамі і мытнікамі, казалі Яго вучням: «Як гэта Ён есць з мытнікамі і грэшнікамі?»
І, пачуўшы гэта, Ісус кажа ім: «Не здаровыя патрабуюць лекара, але хворыя. Я прыйшоў клікаць ня праведнікаў, але грэшнікаў да навяртаньня».
І пачуўшы, Ісус кажа ім: «Не здаровыя маюць патрэбу ў лекары, а хворыя. Я прыйшоў паклікаць не праведных, а грэшных да пакаяння».
І посьцілі вучні Янавы і фарысэйскія. Дык прыходзяць і кажуць Яму: «Чаму вучні Янавы і фарысэйскія посьцяць, а Твае вучні ня посьцяць?»
А вучні Іаанавы і фарысеі пасцілі, і прыходзяць яны і кажуць Яму: «Чаму Іаанавы вучні ды фарысеі пасцяць, а Твае вучні не пасцяць?»
І сказаў ім Ісус: «Ці ж могуць посьціць сыны вясельля, калі малады з імі? Пакуль маюць жаніха ў сябе, ня могуць посьціць.
І сказаў ім Ісус: «Ці могуць сыны шлюбнага заручэння пасціць, калі з імі побач Жаніх? Пакуль Жаніх з імі, не могуць пасціць.
А надыйдуць дні, калі жаніха забяруць ад іх, і тады будуць посьціць у тыя дні.
Але прыйдуць дні калі будзе ўзяты ад іх Жаніх і тады яны будуць пасціць.
Ніхто не прышывае латкі з новай тканіны да старога адзеньня, бо новая латка разьдзярэ старое, і дзіра зробіцца большая.
Ніхто не прышывае лапікоў з новай тканіны да старога адзення, бо прышытае яго разарве: новае разарве старое, і дзірка будзе горшая,
І ніхто не ўлівае новага віна ў старыя мяхі, бо новае віно прарве мяхі, і віно выцячэ, і мяхі прападуць; але новае віно трэба ўліваць у новыя мяхі».
і ніхто не ўлівае маладое віно ў старыя мяхі, а то віно прарве іх, і віно прападае і мяхі; а віно маладое уліваюць у новыя мяхі».
І сталася Яму ў суботу праходзіць праз палеткі, і вучні Ягоныя пачалі дарогаю зрываць каласы.
І выпала Яму ў суботу праходзіць збажыною, і Яго вучні пачалі дарогаю рваць калосся і есці.
І фарысэі гаварылі Яму: «Глядзі, чаму яны робяць у суботу, што ня сьлед!»
І фарысеі сказалі Яму: «Паглядзі, чаму яны робят тое, чаго нельга рабіць у суботу?»
А Ён сказаў ім: «Ці ж вы не чыталі, што зрабіў Давід, калі быў у патрэбе і галодны сам і тыя, што з ім?
І Ён кажа ім: «Ці вы ніколі не чыталі, што зрабіў Давід, калі меў патрэбу і быў сам галодны і тыя, што былі з ім?
Як увайшоў ён у Дом Божы ў [дні] Абіятара першасьвятара і еў хлябы пакладныя, якія нельга яму было есьці, а толькі сьвятарам, і даў таксама тым, што з ім былі?»
Ён жа ўвайшоў у Божы дом першасвятара Авіяфары і з’еў хлябы ахверавання, якіх нельга было есці нікому, апрача святароў, і Ён даў таксама тым, што былі разам з ім?»
І казаў ім: «Субота для чалавека, а не чалавек для суботы.
І Ён казаў ім: субота для чалавека дадзена, а не чалавек для суботы;
Таму Сын Чалавечы ёсьць Гаспадар і суботы».
Так што Сын Чалавечы Гаспадар і суботы.
