Да Філімона 1 разьдзел
Пасланьне да Філімона
Пераклад Яна Станкевіча → Пераклад Чарняўскага — арыгінал
Паўла, вязень Хрыста Ісуса, а Цімох брат, Хілімону любоваму й супрацаўню нашаму
Павал, вязень Хрыстуса Езуса і Цімафей (Тыматэй), брат — Філімону ўмілаванаму і нашаму супрацоўніку
А сястры Апфе а Архіпу, сябру-жаўнеру нашаму, а царкве, што ў доме ягоным:
і Апіі, сястры найдаражэйшай, і Архіпу, спаўжаўнеру нашаму — Касьцёлу, які ў тваім доме знаходзіцца.
Ласка вам а супакой ад Бога, Айца нашага, а Спадара Ісуса Хыста.
Ласка вам і мір (супакой) ад Бога Айца нашага і Госпада Езуса Хрыстуса.
Дзякую Богу свайму, заўсёды мянуючы цябе ў малітвах сваіх,
Дзякую я заўсёды Богу майму, колькі разоў успамінаю цябе ў сваіх малітвах,
Чуючы празь міласьць а веру тваю, каторую маеш да Спадара Ісуса і да ўсіх сьвятых,
чуючы аб любові тваёй і веры, якую маеш да Госпада Езуса і да ўсіх сьвятых.
Каб учасьце твае ў веры папрыяла ў супоўным пазнаньню кажнага добрага, каторае ёсьць у нас узглядам Хрыста.
Каб уздзеяньне веры тваёй стала бачным у пазнаньні ўсякай добрай дзейнасьці вашай у Езусе Хрыстусе.
Бо мы маем вялікую радасьць а пацеху зь міласьці твае, бо табою, браце, пасілена сэрца сьвятых.
Вось вялікую радасьць меў я, браце, і пацеху з любові тваёй, бо сэрца сьвятых успакоілася праз цябе.
Затым, маючы вялікую ў Хрысту адвагу расказаваць табе, што належыцца,
Хоць я і маю вялікае паручэньне ад Езуса Хрыстуса загадаць табе, што да справы належыць,
Зь міласьці я валей дужа прашу, будучы такі, як Паўла, стары, а цяпер і вязень Ісуса Хрыста;
то ўсёж такі дзеля любові лепш папрашу цябе, знаючы цябе, я Павал, старык, а цяпер і вязень Езуса Хрыстуса.
Дужа прашу цябе за дзяцё мае Анісіма, каторага я радзіў у зялезах сваіх.
Прашу цябе за майго сына, якога нарадзіў я ў кайданах — Онэзіма,
(Ён быў калісь бескарысны табе, але цяпер карысны табе й імне),
які калісьці быў табе непатрэбен, а які цяпер і мне і табе карысны,
Каторага я паслаў назад да цябе, ты ж прыймі яго, як мае сэрца.
яго табе вяртаю. Дык ты прымі яго, як маё сэрца.
Я зычыў дзяржаць яго пры сабе, каб ён мог замест цябе паслужыць імне ў зялезах дзеля Дабравесьці;
Хацеў я яго пры сабе затрымаць, каб мне за цябе нёс паслугу ў апавяшчэньні Эвангеліі, калі я ў кайданах.
Але бяз згоды твае нічога не хацеў рабіць, каб добры ўчынак твой быў ня высілены, а самахво-тны.
Але без парады з табою не хацеў рашацца, каб часам вымушаным не было дабрадзейства тваё, але дабравольным.
Бо можа дзеля тога ён адхінуўся на час, каб ты меў яго супоўна на векі,
Можа быць, што ён адлучыўся ад цябе толькі на кароткі час, каб ты ўзяў яго навек, ужо не як нявольніка,
Ужо не як нявольніка, але вышэй за нявольніка, любовага брата, асабліва імне, і пагатове табе, і подле цела, і ў Спадару.
але за слугу і брата найдаражэйшага, прўда і мне, але тым больш табе адносна цела і ў Госпадзе.
Дык, калі ты маеш мяне за сябру, прыймі яго, як мяне.
Дык калі маеш мяне за сябра, прымі яго, як мяне.
Але калі ён цябе ўкрыўдзіў у чым або што вінен, лічы гэта зь мяне.
Калі ж ён у чым пакрыўдзіў цябе, або што вінен, гэта на мяне залічы.
Я, Паўла, напісаў собскаю рукою сваёй: я заплачу; не кажу табе, што ты запраўды сябе самога імне вінен.
Я Павал напісаў уласнаю рукою, я сплачу табе, каб пры тым несказаць табе, што і ты сам належыш мне.
Але, браце, я хацеў бы мець карысьць ізь цябе ў Спадару, пасілі сэрца мае ў Хрысту.
Так яно, браце! Хачу я табою паслужыцца ў Госпадзе. Падтрымай маё жаданьне ў Госпадзе.
Будучы пэўны паслухменства твайго, я напісаў табе, ведаючы, што ты зробіш і болей, чымся я кажу.
Спадзяючыся на тваю паслухмянасьць, напісаў табе, ведаючы, што і больш таго, аб чым прашу, зробіш.
Але заразом прыгатуй імне гасподу, бо я спадзяюся, што пераз малітвы вашы буду вам даны.
Адначасова прашу, прыгатуй Мне кватэру, бо спадзяюся, дзякуючы вашым малітвам, што буду вернены вам.
Здаровае цябе Епафра, сувязень мой у Хрысту Ісусу,
Вітае цябе Эпафрас, спаўвязень мой у Езусе Хрыстусе,
Марка, Арыстарх, Дзімас, Лука, супрацаўні мае.
Марак, Арыстарх Дэмас і Лукаш, мае памочнікі.
Ласка Спадара нашага Ісуса Хрыста будзь із духам тваім.
Ласка Госпада нашага Езуса Хрыстуса з духам вашым. Аман.
