Нэгэміі 10 Нэгэміі 10 разьдзел

¹ Такім чынам, дзеля ўсяго гэтага мы заключаем і падпісваем дагавор, і паставяць на ім пячатку князі нашы, левіты нашы і нашы святары».

² А паставілі пячаткі: Нэгэмія намеснік, сын Гахаліі, і Сэдэцыя,

³ Сарая, Азарыя, Ярэмія,

⁴ Пасур, Амарыя, Мэльхія,

⁵ Гат, Сэбанія, Мэлух,

⁶ Гарым, Мэрамот, Абдзія,

⁷ Даніэль, Гэнтан, Барух,

⁸ Масалам, Абія, Міямін,

⁹ Маазія, Бэльгай, Сямэя — гэта святары.

¹⁰ Затым левіты: Ешуа, сын Азаніі, Бэнуй, адзін з сыноў Гэнадада, Кадмігэль

¹¹ і браты іх: Сэбанія, Годыя, Келіта, Палая, Ханан,

¹² Міха, Рагоб, Гасабія,

¹³ Закхур, Сэрэбія, Сэбанія,

¹⁴ Годыя, Бані, Баніну.

¹⁵ Кіраўнікі народа: Парос, Пагатмааб, Элам, Зэтуа, Бані,

¹⁶ Буні, Азгад, Бэбай,

¹⁷ Адонія, Бэгвай, Адзін,

¹⁸ Атэр, Эзэкія, Азур,

¹⁹ Годыя, Гасум, Бэсай,

²⁰ Гарэф, Анатот, Нэбай,

²¹ Мэгпія, Масала, Гэзір,

²² Мэсазабэль, Садок, Едуа,

²³ Пэлція, Ханан, Аная,

²⁴ Осія, Хананія, Гасуб,

²⁵ Алогас, Палея, Сабэк,

²⁶ Рэгум, Хасабна, Маасія,

²⁷ Ахія, Ханан, Анан,

²⁸ Мэлух, Гарым, Баана.

²⁹ І астатнія з народа, святары, левіты, прыдзверныя і спевакі, нявольнікі ды ўсе, якія аддзяліліся ад чужых народаў дзеля закону Божага; жонкі іх, сыны іх і дочкі іх, — усе, хто мог зразумець,

³⁰ далучыліся да выдатнейшых братоў сваіх, прысягаючы і абяцаючы, што будуць хадзіць паводле закону Божага, які дадзены праз руку Майсея, паслугача Божага, і што будуць спаўняць і пільнаваць усе прыказанні Госпада, Бога нашага, і пастановы Яго, і законы Яго,

³¹ і што не будзем аддаваць дачок сваіх за чужынцаў, і не будзем браць дачок іх за жонак для сыноў сваіх.

³² І калі ў дзень суботні чужынцы выставяць тавары і ўсякія харчы на продаж, дык не будзем браць ад іх у суботу і ў дзень асвячоны; а ў сёмы год мы даруем усякі доўг.

³³ І ўстанаўліваем сабе законы, каб штогод даваць трэцюю частку сікля на патрэбу дома Бога нашага,

³⁴ на пакладныя хлябы і на заўсёдную ахвяру з ежы, на заўсёднае цэласпаленне на суботы, на дні маладзіка, на святы і на асвячонае, і на ахвяру за грэх, каб атрымаць ачышчэнне для Ізраэля, ды на ўсякую патрэбу дома Бога нашага.

³⁵ Такім чынам, кінулі мы жэрабя пра ахвяру з дроў сярод святароў, і левітаў, і народа, каб па пакаленнях бацькоў нашых у вызначаны час, з года ў год дастаўляць дровы ў дом Бога нашага, каб яны гарэлі на ахвярніку Госпада, Бога нашага, як напісана было ў законе,

³⁶ і каб з года ў год мы прыносілі першароднае зямлі нашай і першыя плады з кожнага дрэва ў дом Госпада,

³⁷ і, як напісана было ў законе, каб першароднае з сыноў нашых, і з жывёлы нашай, і з валоў нашых, і з авечак нашых прыносіць у дом Бога нашага для святароў, якія служаць у доме Бога нашага;

³⁸ і пяршыні харчоў нашых, і ўзліванняў нашых, і плады з кожнага дрэва, таксама пяршыні вінаграду і аліўкавага алею мы будзем прыносіць святарам у камору дома Бога нашага, і дзесяціну з нашай зямлі — левітам. Самі левіты атрымоўваюць дзесяціны з усіх гарадоў гаспадаркі нашай.

³⁹ А святар, сын Аарона, хай будзе разам з левітамі, калі яны будуць збіраць дзесяціны, і хай левіты прынясуць дзесятую частку дзесяціны ў камору скарбоўні ў доме Бога нашага.

⁴⁰ Бо ў камору павінны прыносіць сыны Ізраэля і сыны Леві пяршыні збожжа, віна і аліўкавага алею; і там хай будуць пасвечаныя пасудзіны, і святары, якія служаць, і прыдзверныя, і спевакі. І мы не пакінем дом Бога нашага.