1-ы Цімафею 3 1 да Цімафея 3 разьдзел

¹ Слушнае слова: калі хто імкнецца да епіскапства — добрай працы ён прагне.

² Дык біскуп павінен быць беззаганным, мужам адной жонкі, цвярозым, разважлівым, сумленным, гасцінным, здольным навучаць;

³ не п’яніцам, не забіякам, а прыязным, несварлівым, не срэбралюбцам;

⁴ каб добра кіраваў домам, трымаў дзяцей у паслухмянасці з усёй годнасцю

⁵ (А алі хто ўласным домам кіраваць не ўмее, як ён будзе клапаціцца пра Божую царкву?);

⁶ не новадалучаным, каб ён, надзьмуўшыся пыхаю, не падпаў пад суд, што і д’ябал.

⁷ Трэба, каб ён меў і добрае сведчанне ад тых, хто звонку царквы, каб яму не ўпасці ў ганьбу і пастку д’ябла.

⁸ Таксама дыяканы павінны быць паважныя, не двудушныя, якія не надужываюць віна, не хцівыя,

⁹ тыя, што маюць таямніцу веры ў чыстым сумленні.

¹⁰ Няхай жа і яны спярша будуць выпрабаваны, а пасля хай служаць, калі яны бездакорныя.

¹¹ Таксама жанчыны павінны быць паважаныя, не паклёпніцы, цвярозыя, верныя ва ўсім.

¹² Дыяканы няхай будуць мужамі адной жонкі, якія добра кіруюць сваімі дзецьмі і ўласнымі дамамі.

¹³ Бо тыя, хто добра паслужыў, набываюць сабе добрае становішча і вялікую адвагу ў веры, якая ў Хрысце Ісусе.

¹⁴ Гэта пішу табе, спадзеючыся хутка прыйсці да цябе.

¹⁵ А калі я запазнюся, каб ты ведаў, як трэба паводзіць сябе ў Божым доме, які ёсць Царква жывога Бога — слуп і падпора праўды.

¹⁶ І агульнапрызнана, вялікая таямніца пабожнасці: Хто1 з’явіўся ў целе, апраўдаў Сябе ў Духу, стаў бачны Анёлам, пра Яго абвясцілі народам, у Яго ўверавалі ў свеце і Ён быў узнесены ў славе.