Быццё 5 разьдзел
Быццё
Пераклад Антонія Бокуна → Пераклад Чарняўскага 2017
Вось кніга радаводу Адама. У дзень, калі Бог стварыў Адама, зрабіў яго на падабенства Божае,
Вось запіс радаводу Адама. У дзень, калі Бог стварыў чалавека, зрабіў яго на падабенства Божае.
мужчыну і жанчыну стварыў іх, і дабраславіў іх, і назваў іх імя “чалавек” у дзень стварэньня іх.
Мужчынам і жанчынай стварыў іх, і дабраславіў іх, і даў ім імя «чалавек» тады, калі былі створаны.
І жыў Адам сто трыццаць гадоў, і нарадзіў [сына] на падабенства сваё, як вобраз свой, і назваў імя яго Сэт.
Пражыў Адам сто трыццаць гадоў, і нарадзіўся ў яго сын, на вобраз і падабенства яго, і ён даў яму імя Сэт.
І было дзён Адама па нараджэньні Сэта васемсот гадоў, і нарадзіў ён сыноў і дачок.
І было дзён Адама па нараджэнні Сэта восемсот гадоў, меў яшчэ сыноў і дачок.
І былі ўсе дні Адама, якія ён жыў, дзевяцьсот трыццаць гадоў, і ён памёр.
І быў увесь прамежак часу, што пражыў Адам, дзевяцьсот трыццаць гадоў, і ён памёр.
І жыў Сэт сто пяць гадоў, і нарадзіў Эноса.
Таксама Сэт пражыў сто пяць гадоў і меў сына Эноса.
І жыў Сэт па нараджэньні Эноса васемсот сем гадоў, і нарадзіў сыноў і дачок.
Па нараджэнні Эноса пражыў Сэт восемсот сем гадоў і меў яшчэ сыноў і дачок.
І былі ўсе дні Сэта дзевяцьсот дванаццаць гадоў, і ён памёр.
І было ўсіх дзён Сэта дзевяцьсот дванаццаць гадоў, і ён памёр.
І жыў Энос дзевяноста гадоў, і нарадзіў Кейнана.
А Энос пражыў дзевяноста гадоў і меў сына Кенана.
І жыў Энос па нараджэньні Кейнана васемсот пятнаццаць гадоў, і нарадзіў сыноў і дачок.
І пражыў Энос па нараджэнні Кенана восемсот пятнаццаць гадоў, і меў сыноў і дачок.
І былі ўсе дні Эноса дзевяцьсот пяць гадоў, і ён памёр.
І было ўсіх дзён Эноса дзевяцьсот пяць гадоў, і ён памёр.
І жыў Кейнан семдзясят гадоў, і нарадзіў Магалялеэля.
Таксама Кенан пражыў семдзесят гадоў і меў сына Малаліэля.
І жыў Кейнан па нараджэньні Магалялеэля васемсот сорак гадоў, і нарадзіў сыноў і дачок.
І пражыў Кенан па нараджэнні Малаліэля восемсот сорак гадоў, і меў яшчэ сыноў і дачок.
І былі ўсе дні Кейнана дзевяцьсот дзесяць гадоў, і ён памёр.
І было ўсіх дзён Кенана дзевяцьсот дзесяць гадоў, і ён памёр.
І жыў Магалялеэль шэсьцьдзясят пяць гадоў, і нарадзіў Ярэда.
Пражыў вось Малаліэль шэсцьдзесят пяць гадоў і меў сына Ярэда.
І жыў Магалялеэль па нараджэньні Ярэда васемсот трыццаць гадоў, і нарадзіў сыноў і дачок.
І пражыў Малаліэль па нараджэнні Ярэда восемсот трыццаць гадоў, і меў сыноў і дачок.
І былі ўсе дні Магалялеэля васемсот дзевяноста пяць гадоў, і ён памёр.
І было ўсіх дзён Малаліэля восемсот дзевяноста пяць гадоў, і ён памёр.
І жыў Ярэд сто шэсьцьдзясят два гады, і нарадзіў Эноха.
Пражыў Ярэд сто шэсцьдзесят два гады і меў сына Гэноха.
І жыў Ярэд па нараджэньні Эноха васемсот гадоў, і нарадзіў сыноў і дачок.
І жыў Ярэд па нараджэнні Гэноха восемсот гадоў, і меў сыноў і дачок.
І былі ўсе дні Ярэда дзевяцьсот шэсьцьдзясят два гады, і ён памёр.
І было ўсіх дзён Ярэда дзевяцьсот шэсцьдзесят два гады, і ён памёр.
І жыў Энох шэсьцьдзясят пяць гадоў і нарадзіў Мэтушэляха.
Гэнох жыў шэсцьдзесят пяць гадоў і меў сына Матусала.
І хадзіў Энох з Богам па нараджэньні Мэтушэляха трыста гадоў, і нарадзіў сыноў і дачок.
І хадзіў Гэнох з Богам па нараджэнні Матусала трыста гадоў, і меў сыноў і дачок.
І былі ўсе дні Эноха трыста шэсьцьдзясят пяць гадоў.
І было ўсіх дзён Гэноха трыста шэсцьдзесят пяць гадоў.
І хадзіў Энох з Богам, і ня стала яго, бо забраў яго Бог.
І хадзіў ён з Богам, і знік, бо забраў яго Бог.
І жыў Мэтушэлях сто восемдзясят сем гадоў, і нарадзіў Лямэха.
Таксама Матусал пражыў сто восемдзесят сем гадоў і меў сына Ламэха.
І жыў Мэтушэлях па нараджэньні Лямэха семсот восемдзясят два гады, і нарадзіў сыноў і дачок.
І жыў Матусал па нараджэнні Ламэха семсот восемдзесят два гады і меў сыноў і дачок.
І былі ўсе дні Мэтушэляха дзевяцьсот шэсьцьдзясят дзевяць гадоў, і ён памёр.
І было ўсіх дзён Матусала дзевяцьсот шэсцьдзесят дзевяць гадоў, і ён памёр.
І жыў Лямэх сто восемдзясят два гады, і нарадзіў сына,
Пражыў жа Ламэх сто восемдзесят два гады і меў сына,
і назваў яго імя Ной, кажучы: «Ён пацешыць нас у рабоце нашай і ў працы рук нашых на зямлі, якую пракляў ГОСПАД».
і даў яму імя Ной, кажучы: «Ён суцешыць нас у рабоце нашай і ў працы рук нашых на зямлі, якую Госпад пракляў».
І жыў Лямэх па нараджэньні Ноя пяцьсот дзевяноста пяць гадоў, і нарадзіў сыноў і дачок.
І жыў Ламэх па нараджэнні Ноя пяцьсот дзевяноста пяць гадоў, і меў яшчэ сыноў і дачок.
І былі ўсе дні Лямэха семсот семдзясят сем гадоў, і ён памёр.
І было ўсіх дзён Ламэха семсот семдзесят сем гадоў, і ён памёр.
І было Ною пяцьсот гадоў, і нарадзіў Ной Сэма, Хама і Яфэта.
А калі Ной меў пяцьсот гадоў, нарадзіліся ў яго Сэм, Хам і Яфэт.
