Да Эфэсянаў 5 разьдзел
Пасланьне да Эфэсянаў
Пераклад Чарняўскага 2017 → Пераклад Чарняўскага — арыгінал
Дык будзьце паслядоўнікамі Бога, як сыны найдаражэйшыя,
Дык будзьце наслядоўнікамі Бога, як браты найдаражэйшыя,
і жывіце ў любові, як і Хрыстос узлюбіў нас і выдаў Самога Сябе за нас як дар і ахвяру Богу на водар прыемнасці.
і жывіце ў міласьці, як і Хрыстус узьлюбіў нас і выдаў самога сябе за нас на ахвяру і гостыю на ўспадабаньне Богу.
Распуста ж і ўсякая нячыстасць або сквапнасць хай і не ўзгадваюцца ў вас, як і належыць у святых,
Распуста ж і усякая нячыстасьць або сквапнасьць (хцівасьць) хай і не ўпамінаюцца ў вас, як належыць сьвятым,
і разбэшчанасць ці брыдкаслоўе, ці насмешка непрыстойная — неадпаведаюць, але лепш падзяка.
або разбэшчанасьць ці ліхая гаворка, ці насьмешка неадпаведная, а толькі падзяка Богу.
Вось, гэта вы ведаеце, што ні адзін распуснік або нячысты ці сквапны, што з’яўляецца служыцелем ідалаў, не мае ўдзелу ў Валадарстве Хрыстовым і Божым.
Вось гэта ведайце і будзьце перакананымі, што ні адзін распусьнік або нячысты ці сквапны, што зьяўляецца ідаласлужэньнем, ня мае ўдзелу ў валадарстве Хрыстовым і Божым.
Хай ніхто вас не зводзіць пустымі словамі, бо за гэта прыйшоў гнеў Божы на сыноў непакорлівасці.
Хай ніхто вас ня зводзіць пустымі словамі. Дзеля іх жа паў гнеў Божы на сыноў недаверства.
Дык не станьцеся супольнікамі іх.
Дык не станьцеся ўдзельнікамі іх лёсу.
Бо былі вы калісьці цемраю, а цяпер вы — святло ў Госпадзе, дык і жывіце, як сыны святла.
Былі бо вы калісьці цемраю, а цяпер вы — сьвятло праз Госпада, дык як сыны сьвятла і жывіце.
Плод жа Духа выяўляецца ва ўсякай дабрыні, і справядлівасці, і праўдзе.
Плод жа сьвятла выяўляецца ўсякай дабратой і справядлівасьцю, і праўдай.
Выпрабоўвайце, што падабаецца Госпаду,
Глядзіце, што падабаецца Богу.
і не прымайце ўдзелу ў бясплённых справах цемры, але лепш выкрывайце.
Не прымайце ўдзелу ў бясплодных справах цемры, а выкрывайце іх.
Бо сорамна і казаць аб тым, што робіцца імі патаемна.
Бо не прыстойна і казаць аб тым, што робіцца тайна, хаваючыся.
Усё, што выклікае дакаранні, выяўляецца ў святле,
Усё, што ганіцца, становіцца яўным, бо ўсё, што выкрывае, зьяўляецца сьвятлом.
бо ўсё, што выяўляецца, ёсць святло. Таму і сказана: «Устань, які спіш, і паўстань з мёртвых, і будзе свяціць табе Хрыстос».
Таму Пісьмо Сьвятое кажа: "Устань, каторы сьпіш, і падыміся з умёршых, і асьвеціць цябе Хрыстус".
Дык глядзіце, браты, асцярожна хадзіце, не як неразумныя, але як мудрыя,
І так глядзіце, браты, асьцярожна вядзіце сябе, не як неразумныя,
выкарыстоўваючы час, бо дні цяпер ліхія.
але як мудрыя, карыстаючыся часам, бо дні цяпер ліхія.
Дзеля таго не будзьце неразважлівымі, але разумейце, што ёсць воля Госпада.
Дзеля таго не станьцеся неагляднымі, але разумеючымі волю Божую.
І не ўпівайцеся віном, у якім распуста, але напаўняйцеся Духам,
Не піце лішне віна, у якім прычына распуснасьці, але напаўняйцеся Духам Сьвятым,
гаворачы між сабою псальмамі, і гімнамі, і песнямі духоўнымі; спяваючы і граючы Госпаду ў сэрцах вашых.
сьпяваючы між сабою псальмы і гімны, і кантыкі духоўныя; сьпявайце і хваліце Госпада ў сэрцах вашых.
Дзякуйце заўсёды Богу і Айцу за ўсё ў імя Госпада нашага Ісуса Хрыста,
Дзякуйце заўсёды Богу і Айцу за ўсё ў імя Госпада нашага Езуса Хрыстуса.
падпарадкоўваючыся адзін аднаму ў страху Божым.
Падпарадкоўвайцеся адны адным у баязьні Хрыстовай.
Жанчыны падпарадкоўвайцеся мужам сваім, як Госпаду,
Жанчыны хай слухаюць мужоў сваіх, як Госпада,
бо муж — галава жанчыны, як Хрыстос — галава Царквы і Ён жа — Збаўца цела.
бо муж — галава жанчыны, як Хрыстус — галава Касьцёла, сам Збаўца — галавой цела свайго.
Але, як Царква падпарадкавана Хрысту, так і жонкі мужам сваім ва ўсім.
Але, як Касьцёл падчыняецца Хрыстусу, так і жонкі ў ва ўсім мужам сваім.
Мужы, любіце жонак сваіх, як і Хрыстос любіць Царкву і Самога Сябе выдаў за яе,
Мужы, любіце жонак сваіх, як і Хрыстус любіць Касьцёл і самога сябе выдаў за яго,
каб асвяціць яе, ачышчаючы лазняй воднаю ў слове,
каб асьвяціць яго, ачышчаючы купельлю вады і словам жыцьця,
каб Яму паставіць Сабе Царкву слаўнай, без пляміны ці зморшчыны або чагосьці падобнага, але каб была яна святая і беззаганная.
каб стварыць самому сабе слаўны касьцёл, без пляміны ці зморшчыны або чагосьці падобнага, але каб б сьвяты і беззаганны.
Так і мужы павінны любіць жонак сваіх, як уласныя целы. Хто сваю жонку любіць, сам сябе любіць.
Так і мужы павінны мілаваць жонак сваіх, як уласныя целы. Хто сваю жонку любіць, сам сябе любіць.
Бо ніхто ніколі не меў у нянавісці цела свайго, але корміць і спагадае яму, як Госпад Царкве,
Ніхто бо ніколі не меў у нянавісьці цела свайго, але корміць і спагадае яму, як Хрыстус Касьцёлу,
бо мы — члены Цела Яго, косць з касцей Яго ды цела з цела Яго.
бо мы зьяўляемся таксама часткамі цела Яго, мы з цела Яго і з касьцей Ягоных.
Дзеля таго пакіне чалавек бацьку свайго і маці і злучыцца з жонкай сваёй, і будуць двое адным целам.
"Дзеля таго пакіне чалавек бацькоў сваіх і прылучыцца к жонцы сваёй, і будуць двое ў адным целе".
Гэта вялікая таямніца; а я кажу аб Хрысце і Царкве.
Гэта вялікая таямніца, а я скажу: у Хрыстусе і ў Касьцёле.
Вось жа і вы, усякі па сабе, кожны хай любіць жонку сваю, як самога сябе, а жонка хай баіцца мужа.
Вось жа і вы паасобку і кожны з вас хай любіць жонку сваю, як сам сябе, а жонка хай жа паважае мужа свайго.
