Да Эфэсянаў 5 разьдзел
Пасланьне да Эфэсянаў
Пераклад Чарняўскага 2017 → Пераклад Праваслаўнай Царквы
Дык будзьце паслядоўнікамі Бога, як сыны найдаражэйшыя,
Дык вось, будзьце перайма́льнікамі Бога, як дзеці ўзлю́бленыя,
і жывіце ў любові, як і Хрыстос узлюбіў нас і выдаў Самога Сябе за нас як дар і ахвяру Богу на водар прыемнасці.
і жывіце ў любові, як і Хрыстос узлюбіў нас і аддаў Сябе за нас у прынашэнне і ахвяру Богу як пах водарны.
Распуста ж і ўсякая нячыстасць або сквапнасць хай і не ўзгадваюцца ў вас, як і належыць у святых,
А блуд і ўсялякая нечыстата́ або хцівасць не павінны нават зга́двацца сярод вас, як гэта ма́е быць у святых;
і разбэшчанасць ці брыдкаслоўе, ці насмешка непрыстойная — неадпаведаюць, але лепш падзяка.
таксама бессаромнасць і бязглу́здыя размовы ці непрысто́йныя жарты — гэта нягожа, а лепш падзяка;
Вось, гэта вы ведаеце, што ні адзін распуснік або нячысты ці сквапны, што з’яўляецца служыцелем ідалаў, не мае ўдзелу ў Валадарстве Хрыстовым і Божым.
бо тое ведайце, што ніякі блуднік, альбо нячысты, альбо хцівец, гэта значыць ідаласлужыцель, не ма́е спадчыны ў Царстве Хрыста і Бога.
Хай ніхто вас не зводзіць пустымі словамі, бо за гэта прыйшоў гнеў Божы на сыноў непакорлівасці.
Няхай ніхто не падманвае вас пустымі словамі, бо за гэта прыходзіць гнеў Божы на сыноў праціўлення:
Дык не станьцеся супольнікамі іх.
дык не майце нічога супольнага з імі.
Бо былі вы калісьці цемраю, а цяпер вы — святло ў Госпадзе, дык і жывіце, як сыны святла.
Вы калісьці былі цемраю, а цяпер — святло ў Госпадзе: паводзьце сябе, як дзеці святла,
Плод жа Духа выяўляецца ва ўсякай дабрыні, і справядлівасці, і праўдзе.
бо плод Духа — ва ўсякай добрасці, праведнасці і ісціне;
Выпрабоўвайце, што падабаецца Госпаду,
распазнавайце, што́ даспадобы Богу,
і не прымайце ўдзелу ў бясплённых справах цемры, але лепш выкрывайце.
і не ўдзельнічайце ў бясплодных справах цемры, а, наадварот, выкрывайце.
Бо сорамна і казаць аб тым, што робіцца імі патаемна.
Бо пра тое, што яны тайна робяць, сорамна і гаварыць.
Усё, што выклікае дакаранні, выяўляецца ў святле,
А ўсё вы́крытае робіцца яўным ад святла, бо ўсё, што робіцца яўным, — гэта святло;
бо ўсё, што выяўляецца, ёсць святло. Таму і сказана: «Устань, які спіш, і паўстань з мёртвых, і будзе свяціць табе Хрыстос».
таму ска́зана: «устань, хто спіць, і ўваскрэсні з мёртвых, і асве́тліць цябе Хрыстос».
Дык глядзіце, браты, асцярожна хадзіце, не як неразумныя, але як мудрыя,
Дык глядзіце, наколькі асцярожна вы паводзіце сябе, будзьце не як неразумныя, а як мудрыя,
выкарыстоўваючы час, бо дні цяпер ліхія.
даражыце часам, бо дні ліхія.
Дзеля таго не будзьце неразважлівымі, але разумейце, што ёсць воля Госпада.
Таму не будзьце неразва́жнымі, а спасціга́йце, у чым воля Божая.
І не ўпівайцеся віном, у якім распуста, але напаўняйцеся Духам,
І не ўпівайцеся віном, ад якога бывае распуснасць; а напаўняйцеся Духам,
гаворачы між сабою псальмамі, і гімнамі, і песнямі духоўнымі; спяваючы і граючы Госпаду ў сэрцах вашых.
звяртаючыся адзін да аднаго псалмамі, і гімнамі, і песнямі духоўнымі, спяваючы і апяваючы ў сэрцах вашых Госпада,
Дзякуйце заўсёды Богу і Айцу за ўсё ў імя Госпада нашага Ісуса Хрыста,
дзякуючы заўжды за ўсё Богу і Айцу, у імя Госпада нашага Іісуса Хрыста,
падпарадкоўваючыся адзін аднаму ў страху Божым.
падпарадко́ўваючыся адзін аднаму ў страху Божым.
Жанчыны падпарадкоўвайцеся мужам сваім, як Госпаду,
Жонкі, падпарадкоўвайцеся сваім мужам, як Госпаду,
бо муж — галава жанчыны, як Хрыстос — галава Царквы і Ён жа — Збаўца цела.
бо муж ёсць галава жонкі, як і Хрыстос — галава Царквы, і Ён жа Спасіцель цела.
Але, як Царква падпарадкавана Хрысту, так і жонкі мужам сваім ва ўсім.
Але як Царква падпарадкоўваецца Хрысту, так і жонкі сваім мужам ва ўсім.
Мужы, любіце жонак сваіх, як і Хрыстос любіць Царкву і Самога Сябе выдаў за яе,
Мужы, любíце сваіх жонак, як і Хрыстос узлюбіў Царкву і аддаў Сябе за яе,
каб асвяціць яе, ачышчаючы лазняй воднаю ў слове,
каб асвяціць яе, ачы́сціўшы ў купелі воднай праз слова;
каб Яму паставіць Сабе Царкву слаўнай, без пляміны ці зморшчыны або чагосьці падобнага, але каб была яна святая і беззаганная.
каб паставіць яе перад Сабой як слаўную Царкву, якая не ма́е пля́мы, ці зага́ны, ці чаго-небудзь падобнага, а каб яна была святой і бездакорнай.
Так і мужы павінны любіць жонак сваіх, як уласныя целы. Хто сваю жонку любіць, сам сябе любіць.
Так павінны мужы любíць сваіх жонак, як свае целы: хто лю́біць сваю жонку, той лю́біць самога сябе.
Бо ніхто ніколі не меў у нянавісці цела свайго, але корміць і спагадае яму, як Госпад Царкве,
Бо ніхто ніколі не меў нянавісці да сваёй плоці, а корміць і грэе яе, як і Гасподзь Царкву,
бо мы — члены Цела Яго, косць з касцей Яго ды цела з цела Яго.
таму што мы члены Цела Яго, ад плоці Яго і ад касцей Яго.
Дзеля таго пакіне чалавек бацьку свайго і маці і злучыцца з жонкай сваёй, і будуць двое адным целам.
Таму пакіне чалавек бацьку свайго і маці і прыле́піцца да жонкі сваёй, і будуць двое адной плоццю.
Гэта вялікая таямніца; а я кажу аб Хрысце і Царкве.
Тайна гэтая вялікая; а гавару я ў адносінах да Хрыста і да Царквы.
Вось жа і вы, усякі па сабе, кожны хай любіць жонку сваю, як самога сябе, а жонка хай баіцца мужа.
Так кожны з вас няхай лю́біць сваю жонку, як самога сябе; а жонка няхай баіцца свайго мужа.
