Да Эфэсянаў 5 разьдзел
Пасланьне да Эфэсянаў
Пераклад Чарняўскага 2017 → Пераклад Рыма-Каталіцкага Касцёла
Дык будзьце паслядоўнікамі Бога, як сыны найдаражэйшыя,
Дык вось, наследуйце Бога, як дзеці ўмілаваныя,
і жывіце ў любові, як і Хрыстос узлюбіў нас і выдаў Самога Сябе за нас як дар і ахвяру Богу на водар прыемнасці.
і паступайце ў любові, як і Хрыстус палюбіў нас і аддаў сябе за нас як дар і ахвяру Богу на прыемны пах.
Распуста ж і ўсякая нячыстасць або сквапнасць хай і не ўзгадваюцца ў вас, як і належыць у святых,
А распуста, і ўсялякая нячыстасць, і сквапнасць няхай нават не згадваюцца сярод вас, як гэта належыць святым.
і разбэшчанасць ці брыдкаслоўе, ці насмешка непрыстойная — неадпаведаюць, але лепш падзяка.
Таксама і непрыстойнасць, і пустаслоўе, і вульгарнасць нягожыя для вас. Наадварот, няхай лепш будзе падзяка.
Вось, гэта вы ведаеце, што ні адзін распуснік або нячысты ці сквапны, што з’яўляецца служыцелем ідалаў, не мае ўдзелу ў Валадарстве Хрыстовым і Божым.
Вы павінны ведаць, што ніякі распуснік, або нячысты, ці сквапны, гэта значыць ідалапаклоннік, не мае спадчыны ў Валадарстве Хрыста і Бога.
Хай ніхто вас не зводзіць пустымі словамі, бо за гэта прыйшоў гнеў Божы на сыноў непакорлівасці.
Няхай ніхто не зводзіць вас марнымі словамі, бо праз гэта прыходзіць Божы гнеў на непаслухмяных сыноў.
Дык не станьцеся супольнікамі іх.
Не будзьце ж іх супольнікамі.
Бо былі вы калісьці цемраю, а цяпер вы — святло ў Госпадзе, дык і жывіце, як сыны святла.
Калісьці вы былі цемрай, а цяпер вы святло ў Пану. Паступайце, як дзеці святла.
Плод жа Духа выяўляецца ва ўсякай дабрыні, і справядлівасці, і праўдзе.
Бо плод святла ёсць ва ўсялякай дабрыні, справядлівасці і праўдзе.
Выпрабоўвайце, што падабаецца Госпаду,
Імкніцеся да таго, што даспадобы Пану.
і не прымайце ўдзелу ў бясплённых справах цемры, але лепш выкрывайце.
Не бярыце ўдзел у бясплённых справах цемры, а лепш выкрывайце іх.
Бо сорамна і казаць аб тым, што робіцца імі патаемна.
Бо пра тое, што яны робяць патаемна, нават сорамна казаць.
Усё, што выклікае дакаранні, выяўляецца ў святле,
А ўсё, што выкрываецца праз святло, становіцца яўным, бо ўсё, што становіцца яўным, ёсць святло.
бо ўсё, што выяўляецца, ёсць святло. Таму і сказана: «Устань, які спіш, і паўстань з мёртвых, і будзе свяціць табе Хрыстос».
Таму сказана: «Прачніся, які спіш, і ўваскрэсні, і Хрыстус асветліць цябе».
Дык глядзіце, браты, асцярожна хадзіце, не як неразумныя, але як мудрыя,
Глядзіце дакладна, як паступаеце, не як неразумныя, а як мудрыя.
выкарыстоўваючы час, бо дні цяпер ліхія.
Выкарыстоўвайце час, бо дні ліхія.
Дзеля таго не будзьце неразважлівымі, але разумейце, што ёсць воля Госпада.
Не будзьце ж неразважнымі, але пазнавайце, што ёсць воляй Пана.
І не ўпівайцеся віном, у якім распуста, але напаўняйцеся Духам,
І не ўпівайцеся віном, ад якога бывае распуста, але напаўняйцеся Духам,
гаворачы між сабою псальмамі, і гімнамі, і песнямі духоўнымі; спяваючы і граючы Госпаду ў сэрцах вашых.
настаўляючы саміх сябе псальмамі, гімнамі і духоўнымі песнямі, спяваючы і праслаўляючы Пана ў вашых сэрцах.
Дзякуйце заўсёды Богу і Айцу за ўсё ў імя Госпада нашага Ісуса Хрыста,
Дзякуйце заўсёды за ўсё Богу і Айцу ў імя Пана нашага Езуса Хрыста.
падпарадкоўваючыся адзін аднаму ў страху Божым.
Падпарадкоўвайцеся адзін аднаму ў боязі Хрыстовай.
Жанчыны падпарадкоўвайцеся мужам сваім, як Госпаду,
Жонкі, падпарадкоўвайцеся сваім мужам, як Пану,
бо муж — галава жанчыны, як Хрыстос — галава Царквы і Ён жа — Збаўца цела.
бо муж — галава жонкі, як і Хрыстус — Галава Касцёла. Ён — Збаўца цела.
Але, як Царква падпарадкавана Хрысту, так і жонкі мужам сваім ва ўсім.
Таму, як Касцёл падпарадкоўваецца Хрысту, так і жонкі падпарадкоўваюцца ва ўсім мужам.
Мужы, любіце жонак сваіх, як і Хрыстос любіць Царкву і Самога Сябе выдаў за яе,
Мужы, любіце сваіх жонак, як і Хрыстус палюбіў Касцёл і аддаў сябе за яго,
каб асвяціць яе, ачышчаючы лазняй воднаю ў слове,
каб асвяціць яго, ачысціўшы купеллю вады і словам,
каб Яму паставіць Сабе Царкву слаўнай, без пляміны ці зморшчыны або чагосьці падобнага, але каб была яна святая і беззаганная.
каб ён з’явіўся перад Ім слаўным Касцёлам, які не мае плямы, ці заганы, ці чаго-небудзь падобнага, і каб ён быў святы і беззаганны.
Так і мужы павінны любіць жонак сваіх, як уласныя целы. Хто сваю жонку любіць, сам сябе любіць.
Так павінны мужы любіць сваіх жонак, як сваё цела. Хто любіць сваю жонку, любіць самога сябе.
Бо ніхто ніколі не меў у нянавісці цела свайго, але корміць і спагадае яму, як Госпад Царкве,
Бо ніхто ніколі не меў нянавісці да свайго цела, але корміць і даглядае яго, як і Хрыстус свой Касцёл,
бо мы — члены Цела Яго, косць з касцей Яго ды цела з цела Яго.
бо мы члены Ягонага цела.
Дзеля таго пакіне чалавек бацьку свайго і маці і злучыцца з жонкай сваёй, і будуць двое адным целам.
Таму пакіне мужчына бацьку свайго і маці і злучыцца са сваёй жонкай, і будуць двое адным целам.
Гэта вялікая таямніца; а я кажу аб Хрысце і Царкве.
Вялікая таямніца гэтая, а кажу я ў дачыненні да Хрыста і да Касцёла!
Вось жа і вы, усякі па сабе, кожны хай любіць жонку сваю, як самога сябе, а жонка хай баіцца мужа.
Дык няхай кожны з вас любіць сваю жонку так, як самога сябе, а жонка няхай паважае мужа.