Да Эфэсянаў 5 разьдзел
Пасланьне да Эфэсянаў
Пераклад Анатоля Клышкi → Пераклад Рыма-Каталіцкага Касцёла
Дык будзьце пераймальнікамі Бога, як улюбёныя дзеці,
Дык вось, наследуйце Бога, як дзеці ўмілаваныя,
і жывіце ў любові, як і Хрыстос палюбіў нас і аддаў Сябе за нас як прынашэнне і ахвяру Богу ў духмяны пах.
і паступайце ў любові, як і Хрыстус палюбіў нас і аддаў сябе за нас як дар і ахвяру Богу на прыемны пах.
А распуста і ўсялякая нячысціня ці сквапнасць няхай і не ўспамінаюцца між вас, як належыць святым,
А распуста, і ўсялякая нячыстасць, і сквапнасць няхай нават не згадваюцца сярод вас, як гэта належыць святым.
і непрыстойныя паводзіны, і дурная гаворка, але лепей — падзяка.
Таксама і непрыстойнасць, і пустаслоўе, і вульгарнасць нягожыя для вас. Наадварот, няхай лепш будзе падзяка.
Бо вы гэта ведайце, што ніякі распуснік, ці нячысты, ці хцівец, які ёсць ідаласлужка, — не мае спадчыны ў царстве Хрыста і Бога.
Вы павінны ведаць, што ніякі распуснік, або нячысты, ці сквапны, гэта значыць ідалапаклоннік, не мае спадчыны ў Валадарстве Хрыста і Бога.
Няхай ніхто вас не зводзіць у зман пустымі словамі, бо з-за гэтага прыходзіць гнеў Божы на сыноў непакорлівасці.
Няхай ніхто не зводзіць вас марнымі словамі, бо праз гэта прыходзіць Божы гнеў на непаслухмяных сыноў.
Дык не рабіцеся іх супольнікамі;
Не будзьце ж іх супольнікамі.
бо некалі вы былі цемраю, а цяпер — святло ў Госпадзе; як дзеці Святла — жывіце,
Калісьці вы былі цемрай, а цяпер вы святло ў Пану. Паступайце, як дзеці святла.
бо плод Святла2 ва ўсялякай дабрыні, праведнасці і праўдзе, —
Бо плод святла ёсць ва ўсялякай дабрыні, справядлівасці і праўдзе.
правяраючы, што да спадобы Госпаду [Богу],
Імкніцеся да таго, што даспадобы Пану.
і не ўдзельнічайце ў бясплодных справах цемры. А лепей нават выкрывайце іх.
Не бярыце ўдзел у бясплённых справах цемры, а лепш выкрывайце іх.
Бо пра тое, што робіцца імі патаемна, сорамна і казаць,
Бо пра тое, што яны робяць патаемна, нават сорамна казаць.
але ўсё, што выкрываецца, выяўляецца святлом,
А ўсё, што выкрываецца праз святло, становіцца яўным, бо ўсё, што становіцца яўным, ёсць святло.
бо ўсё, што робіцца яўным, ёсць святло. Таму Ён кажа: «Уставай, хто спіць, і ўваскрэсні з мёртвых, і асвеціць цябе Хрыстос».
Таму сказана: «Прачніся, які спіш, і ўваскрэсні, і Хрыстус асветліць цябе».
Дык глядзіце ўважліва, як вы жывяце, — не як нямудрыя, а як мудрыя,
Глядзіце дакладна, як паступаеце, не як неразумныя, а як мудрыя.
выкарыстоўваючы кожную хвіліну3,
Выкарыстоўвайце час, бо дні ліхія.
Таму не будзьце неразумнымі, але пазнавайце, што ёсць воля Гасподняя4.
Не будзьце ж неразважнымі, але пазнавайце, што ёсць воляй Пана.
І не напівайцеся віном, у якім распуста, а напаўняйцеся Духам,
І не ўпівайцеся віном, ад якога бывае распуста, але напаўняйцеся Духам,
размаўляючы між сабою псалмамі, гімнамі і духоўнымі песнямі, сэрцам сваім спяваючы і іграючы псалмы Госпаду,
настаўляючы саміх сябе псальмамі, гімнамі і духоўнымі песнямі, спяваючы і праслаўляючы Пана ў вашых сэрцах.
дзякуючы заўсёды за ўсё Богу і Бацьку ў імя нашага Госпада Ісуса Хрыста,
Дзякуйце заўсёды за ўсё Богу і Айцу ў імя Пана нашага Езуса Хрыста.
падпарадкуючыся адзін аднаму ў страху перад Хрыстом5:
Падпарадкоўвайцеся адзін аднаму ў боязі Хрыстовай.
жонкі — сваім мужам, як Госпаду,
Жонкі, падпарадкоўвайцеся сваім мужам, як Пану,
бо муж ёсць галава жонкі, як і Хрыстос — галава Царквы, Ён Збаўца цела.
бо муж — галава жонкі, як і Хрыстус — Галава Касцёла. Ён — Збаўца цела.
Але, як Царква падпарадкоўваецца Хрысту, так і жонкі няхай падпарадкоўваюцца мужам ва ўсім.
Таму, як Касцёл падпарадкоўваецца Хрысту, так і жонкі падпарадкоўваюцца ва ўсім мужам.
Мужы, любіце [сваіх] жонак, як і Хрыстос палюбіў Царкву і аддаў Сябе за яе,
Мужы, любіце сваіх жонак, як і Хрыстус палюбіў Касцёл і аддаў сябе за яго,
каб асвяціць яе, ачысціўшы праз абмыванне вадою ў слове,
каб асвяціць яго, ачысціўшы купеллю вады і словам,
каб Яму паставіць перад Сабою Царкву слаўнай, якая не мае ні плямы, ні зморшчыны, ні чаго-небудзь падобнага, а каб яна была святая і беззаганная.
каб ён з’явіўся перад Ім слаўным Касцёлам, які не мае плямы, ці заганы, ці чаго-небудзь падобнага, і каб ён быў святы і беззаганны.
Так і мужы павінны любіць сваіх жонак, як свае целы. Той, хто любіць сваю жонку, любіць самога сябе.
Так павінны мужы любіць сваіх жонак, як сваё цела. Хто любіць сваю жонку, любіць самога сябе.
Бо ніхто ніколі не меў нянавісці да свайго цела, а кожны корміць і грэе яго, як і Хрыстос Царкву,
Бо ніхто ніколі не меў нянавісці да свайго цела, але корміць і даглядае яго, як і Хрыстус свой Касцёл,
таму што мы члены Яго цела, [ад Яго цела і ад Яго касцей].
бо мы члены Ягонага цела.
Таму чалавек пакіне [свайго] бацьку і маці і прылепіцца да сваёй жонкі, і будуць двое адным целам.
Таму пакіне мужчына бацьку свайго і маці і злучыцца са сваёй жонкай, і будуць двое адным целам.
Таямніца гэта вялікая, але я кажу пра Хрыста і пра Царкву.
Вялікая таямніца гэтая, а кажу я ў дачыненні да Хрыста і да Касцёла!
Аднак і вы — кожны з вас няхай любіць так сваю жонку, як самога сябе, а жонка няхай баіцца мужа.
Дык няхай кожны з вас любіць сваю жонку так, як самога сябе, а жонка няхай паважае мужа.
