Да Эфэсянаў 5 разьдзел
Пасланьне да Эфэсянаў
Пераклад Чарняўскага 2017 → Пераклад Л. Дзекуць-Малея
Дык будзьце паслядоўнікамі Бога, як сыны найдаражэйшыя,
Дык будзьце насьлядоўцамі Бога, як умілаваныя дзе́ці,
і жывіце ў любові, як і Хрыстос узлюбіў нас і выдаў Самога Сябе за нас як дар і ахвяру Богу на водар прыемнасці.
і хадзеце ў любві, як і Хрыстос палюбіў нас і выдаў Сябе́ за нас, як дар і ахвяру Богу, на пах прые́мны.
Распуста ж і ўсякая нячыстасць або сквапнасць хай і не ўзгадваюцца ў вас, як і належыць у святых,
А блуд і ўсякая нячыстасьць або прагавітасьць няхай і не ўспамінаюцца ў вас, як і гожа сьвятым;
і разбэшчанасць ці брыдкаслоўе, ці насмешка непрыстойная — неадпаведаюць, але лепш падзяка.
ані агідныя і благія словы або жарты і няпрыстойнасьці; але ле́пш падзяка.
Вось, гэта вы ведаеце, што ні адзін распуснік або нячысты ці сквапны, што з’яўляецца служыцелем ідалаў, не мае ўдзелу ў Валадарстве Хрыстовым і Божым.
Бо ве́дайце, што ніякі блудзень, ці нячысты, ці хцівец, які хваліць ідалаў, ня мае спадчыны ў Царстве Хрыста і Бога.
Хай ніхто вас не зводзіць пустымі словамі, бо за гэта прыйшоў гнеў Божы на сыноў непакорлівасці.
Няхай ніхто ня зводзіць вас пустымі словамі, бо за гэтае прыходзіць гне́ў Божы на сыноў спраціўле́ньня.
Дык не станьцеся супольнікамі іх.
Дык ня будзьце супольнікамі іх.
Бо былі вы калісьці цемраю, а цяпер вы — святло ў Госпадзе, дык і жывіце, як сыны святла.
Вы былі калісь це́мрай, а цяпе́р — сьвятло́ ў Госпадзе: паступайце-ж, як дзе́ці сьвятла́,
Плод жа Духа выяўляецца ва ўсякай дабрыні, і справядлівасці, і праўдзе.
бо плод Духа ёсьць у ўсякай дабраце́ і праведнасьці, і праўдзе;
Выпрабоўвайце, што падабаецца Госпаду,
выпрабоўвайце, што ўгодна Богу,
і не прымайце ўдзелу ў бясплённых справах цемры, але лепш выкрывайце.
і ня прыймайце ўчасьця ў бясплодных дзе́яньнях це́мры, а ле́пш дакарайце.
Бо сорамна і казаць аб тым, што робіцца імі патаемна.
Бо аб тым, што робіцца імі тайна, сорамна й гаварыць.
Усё, што выклікае дакаранні, выяўляецца ў святле,
Усякі-ж дакор робіцца яўным ад сьвятла́, бо ўсё, што робіцца яўным, ёсьць сьвятло;
бо ўсё, што выяўляецца, ёсць святло. Таму і сказана: «Устань, які спіш, і паўстань з мёртвых, і будзе свяціць табе Хрыстос».
дык і кажа: устань, сьпя́чы, і ўскрэсьні з мертвых, і асьве́ціць цябе́ Хрыстос.
Дык глядзіце, браты, асцярожна хадзіце, не як неразумныя, але як мудрыя,
Дык глядзе́це, паступайце асьцярожна, не як бязглуздыя, але як мудрыя,
выкарыстоўваючы час, бо дні цяпер ліхія.
выкупляючы час, бо дні хітрыя.
Дзеля таго не будзьце неразважлівымі, але разумейце, што ёсць воля Госпада.
Дзеля гэтага ня будзьце неразважлівымі, але пазнавайце, што́ ёсьць Воля Божая.
І не ўпівайцеся віном, у якім распуста, але напаўняйцеся Духам,
І ня ўпівайцеся віном, бо ў ім распуста, але напаўняйцеся Духам,
гаворачы між сабою псальмамі, і гімнамі, і песнямі духоўнымі; спяваючы і граючы Госпаду ў сэрцах вашых.
гаворачы ад сябе́ псальмамі і гымнамі, і пе́сьнямі духоўнымі, пяючы і іграючы Госпаду ў сэрцах вашых,
Дзякуйце заўсёды Богу і Айцу за ўсё ў імя Госпада нашага Ісуса Хрыста,
дзякуючы заўсёды і за ўсё Богу і Айцу ў імя Госпада нашага Ісуса Хрыста,
падпарадкоўваючыся адзін аднаму ў страху Божым.
пакараючыся сабе́ ўзае́мна ў страху Божым.
Жанчыны падпарадкоўвайцеся мужам сваім, як Госпаду,
Жанчыны, пакарайцеся сваім мужом, як Госпаду,
бо муж — галава жанчыны, як Хрыстос — галава Царквы і Ён жа — Збаўца цела.
бо муж ёсьць галава жаны, як і Хрыстос галава Царквы́, і Ён жа збавіцель це́ла;
Але, як Царква падпарадкавана Хрысту, так і жонкі мужам сваім ва ўсім.
але, як царква́ пакараецца Хрысту, гэтак і жонкі сваім мужом у-ва ўсім.
Мужы, любіце жонак сваіх, як і Хрыстос любіць Царкву і Самога Сябе выдаў за яе,
Мужы, любе́це жонкі свае́, як і Хрыстос палюбіў Царкву і выдаў Сябе́ за яе́,
каб асвяціць яе, ачышчаючы лазняй воднаю ў слове,
каб асьвяціць яе́, ачысьціўшы купальняй воднаю у слове;
каб Яму паставіць Сабе Царкву слаўнай, без пляміны ці зморшчыны або чагосьці падобнага, але каб была яна святая і беззаганная.
каб паставіць яе́ Сабе́ слаўнаю, Царкву гэную, бяз плямы ці заганы ці чаго гэткага, але каб яна была сьвятая і беззаганная.
Так і мужы павінны любіць жонак сваіх, як уласныя целы. Хто сваю жонку любіць, сам сябе любіць.
Гэтак павінны мужы любіць сваіх жанок, як це́лы свае́: хто любіць жонку сваю, самога сябе́ любіць.
Бо ніхто ніколі не меў у нянавісці цела свайго, але корміць і спагадае яму, як Госпад Царкве,
Бо ніхто ніколі ня ме́ў не́навісьці да свайго це́ла, але жывіць і грэець яго, як і Госпад Царкву;
бо мы — члены Цела Яго, косць з касцей Яго ды цела з цела Яго.
бо мы — чле́ны це́ла Яго, ад це́ла Яго і ад касьце́й Яго.
Дзеля таго пакіне чалавек бацьку свайго і маці і злучыцца з жонкай сваёй, і будуць двое адным целам.
Дзеля гэтага пакіне чалаве́к айца свайго і матку і прыле́піцца да жонкі свае́й, і будуць двое ў адным це́ле (Быцьцё 2:24).
Гэта вялікая таямніца; а я кажу аб Хрысце і Царкве.
Тайна гэтая валікая; я-ж кажу аб Хрысьце́ і Царкве́.
Вось жа і вы, усякі па сабе, кожны хай любіць жонку сваю, як самога сябе, а жонка хай баіцца мужа.
Дык і вы, усякі па сабе́, кожны хай любіць жонку сваю як самога сябе́; жонка-ж няхай баіцца мужа свайго.
