Яна 17 разьдзел
Паводле Яна Сьвятое Дабравесьце
Пераклад Чарняўскага 2017 → Пераклад Л. Гарошка
Так прамаўляў Ісус; і, падняўшы вочы Свае да неба, сказаў: «Ойча, прыйшла гадзіна: праслаў Сына Твайго, каб і Сын Твой праславіў Цябе,
Так сказаў Ісус і падняў Свае вочы да неба і мовіў: Ойча, прыйшла гадзіна, услаў Сына Твайго, каб і Сын Твой уславіў Цябе,
як Ты даў Яму ўладу над кожным целам, каб усім, каго Ты даў Яму, Ён даў ім жыццё вечнае.
бо Ты даў Яму ўладу над усякім целам, каб Ён усяму, што Ты даў Яму, даў-бы вечнае жыцьцё.
А гэтае жыццё вечнае ў тым, каб пазналі Цябе, адзінага праўдзівага Бога, і Таго, Каго Ты паслаў, Ісуса Хрыста.
Гэтае-ж вечнае жыцьцё ёсьць у тым, каб пазналі Цябе адзінага праўдзівага Бога і Таго, што Ты Яго паслаў, Ісуса Хрыста.
Я праславіў Цябе на зямлі, завяршыў справу, якую Ты Мне даў, каб зрабіў;
Я ўславіў Цябе на зямлі, завяршыў дзела, што Ты даў Мне зрабіць.
а цяпер праслаў Мяне Ты, Ойча, у Цябе Самога славаю, якую Я меў у Цябе перш, чым паўстаў свет.
Дык цяпер услаў Мяне Ты, Ойча, у Цябе Самога тэй славаю, якую Я меў у Цябе раней існаваньня сьвету.
Я аб’явіў імя Тваё людзям, якіх Ты Мне даў са свету. Яны былі Твае, і Ты іх Мне даў, і яны збераглі слова Тваё.
Я абвясьціў імя Тваё людзям, якіх Ты даў Мне ад сьвету; яны былі Твае і Ты даў Мне іх, і яны захавалі Слова Тваё.
Цяпер яны пазналі, што ўсё, што Ты Мне даў, гэта ад Цябе ёсць.
Цяпер яны зразумелі, што ўсё, што Ты даў Мне, гэта ад Цябе.
Бо словы, якія Ты Мне даў, Я перадаў ім, і яны іх прынялі, ды праўдзіва пазналі, што Я ад Цябе выйшаў, і яны ўверылі, што Ты Мяне паслаў.
Бо словы, якія Ты даў Мне, Я аддаў ім і яны прынялі і сапраўды зразумелі, што Я зыйшоў ад Цябе, і паверылі, што Ты Мяне паслаў.
Я за іх прашу, не прашу за свет, але за тых, якіх Ты Мне даў, бо яны — Твае,
За іх прашу, не за ўвесь сьвет прашу, але за тых, якіх Ты Мне даў, бо яны Твае.
і ўсё Маё — Тваё, і Тваё — Маё; і Я ў іх праслаўлены.
І ўсё Маё Тваё і Тваё Маё; і ў іх Я ўславіўся.
Я ўжо не ў свеце, але яны ў свеце, Я ж іду да Цябе. Ойча Святы, у імя Тваё захавай тых, якіх Мне даў, каб былі яны адно, як і Мы.
Я ўжо не на сьвеце, а яны на сьвеце; Я-ж да Цябе іду. Ойча Сьвяты! захвай іх ў імя Тваё, тых якіх Ты Мне даў, каб яны былі адно, як і Мы.
Калі Я быў з імі ў свеце, Я захоўваў іх у імя Тваё, тых, якіх Ты Мне даў, і ўсцярог, і ніхто з іх не загінуў, толькі сын загубы, каб споўнілася Пісанне.
Калі Я быў з імі, Я захаваў іх у Твайё імя тых, якіх Ты Мне даў. Я захаваў іх, і ніхто з іх ня згінуў, акрамя сына пагібелі, каб сбылося Пісаньне.
А цяпер іду да Цябе і гавару гэта на свеце, каб яны радасць Маю поўную мелі ў сабе.
Цяпер-жа іду да Цябе і гэтае гавару на сьвеце, каб яны мелі радасьць Маю ў сабе поўную.
Я перадаў ім слова Тваё, і свет іх зненавідзеў, бо яны не са свету, як і Я не са свету.
Я аддаў ім Тваё слова, і сьвет зьненавідзеў іх, бо яны не са сьвету, як і Я не са сьвету.
Не прашу, каб іх узяў са свету, але каб іх захаваў ад ліха.
Не прашу, каб Ты забраў іх са сьвету, але каб захаваў іх ад злога.
Яны не са свету, як і Я не са свету.
Яны не са сьвету, як і Я не са сьвету.
Асвяці іх у праўдзе Тваёй; Слова Тваё ёсць праўда.
Асьвяці іх Тваею праўдаю, Тваё слова — праўда!
Як Ты Мяне паслаў у свет, і Я іх паслаў у свет,
Як Ты паслаў Мяне ў сьвет, так і Я пасылаю іх у сьвет.
і за іх Я прысвячаю Сябе Самога, каб і яны былі асвечаны ў праўдзе.
І за іх Я пасьвячаю Сябе, каб яны былі асьвячаны праўдаю.
Я не толькі за іх прашу, але і за тых, што праз словы іх павераць у Мяне,
каб усе былі адно; як Ты, Ойча, ува Мне, а Я ў Табе, каб і яны былі ў Нас, каб свет уверыў, што Ты Мяне паслаў.
І славу, якую Ты Мне даў, Я перадаў ім, каб яны былі адно, як і Мы адно,
Я ў іх, і Ты ўва Мне так, каб былі ў адзінстве дасканалымі, і каб свет пазнаў, што Ты Мяне паслаў ды палюбіў іх, як і Мяне палюбіў.
Ойча, хачу, каб тыя, якіх Ты Мне даў, былі са Мной там, дзе Я, каб бачылі славу Маю, якую Ты Мне даў, бо Ты Мяне палюбіў перад стварэннем свету.
Ойча справядлівы, свет Цябе не пазнаў, але Я Цябе пазнаў, і яны пазналі, што Ты Мяне паслаў,
і Я з’явіў ім імя Тваё, і з’яўляю, каб любоў, якою Ты палюбіў Мяне, у іх была, і Я ў іх».
