Яна 17 разьдзел
Паводле Яна Сьвятое Дабравесьце
Пераклад Праваслаўнай Царквы → Пераклад Л. Гарошка
Прамо́віўшы гэта, Іісус узвёў вочы Свае да неба і сказаў: Ойча! прыйшоў час: прасла́ў Сы́на Твайго, каб і Сын Твой прасла́віў Цябе,
Так сказаў Ісус і падняў Свае вочы да неба і мовіў: Ойча, прыйшла гадзіна, услаў Сына Твайго, каб і Сын Твой уславіў Цябе,
бо Ты даў Яму ўла́ду над усякай пло́ццю, каб усяму, што Ты даў Яму, даў Ён жыццё вечнае;
бо Ты даў Яму ўладу над усякім целам, каб Ён усяму, што Ты даў Яму, даў-бы вечнае жыцьцё.
а жыццё вечнае ў тым, каб зна́лі Цябе, адзíнага íсціннага Бога, і Таго, Каго Ты пасла́ў: Іісуса Хрыста.
Гэтае-ж вечнае жыцьцё ёсьць у тым, каб пазналі Цябе адзінага праўдзівага Бога і Таго, што Ты Яго паслаў, Ісуса Хрыста.
Я прасла́віў Цябе на зямлí: завяршы́ў спра́ву, якую Ты даў Мне зрабіць;
Я ўславіў Цябе на зямлі, завяршыў дзела, што Ты даў Мне зрабіць.
і цяпер прасла́ў Мяне Ты, Ойча, у Цябе Само́га той сла́ваю, якую Я меў у Цябе ране́й, чым стаў існава́ць свет.
Дык цяпер услаў Мяне Ты, Ойча, у Цябе Самога тэй славаю, якую Я меў у Цябе раней існаваньня сьвету.
Я адкрыў імя́ Тваё лю́дзям, якіх Ты даў Мне ад свету; яны былí Твае, і Ты даў іх Мне, і яны захава́лі слова Тваё;
Я абвясьціў імя Тваё людзям, якіх Ты даў Мне ад сьвету; яны былі Твае і Ты даў Мне іх, і яны захавалі Слова Тваё.
цяпер зразуме́лі яны, што ўсё, што Ты даў Мне, гэта ад Цябе;
Цяпер яны зразумелі, што ўсё, што Ты даў Мне, гэта ад Цябе.
бо сло́вы, якія Ты даў Мне, Я даў ім, і яны прынялí і сапраўды́ зразуме́лі, што Я ад Цябе вы́йшаў, і ўве́равалі, што Ты паслаў Мяне.
Бо словы, якія Ты даў Мне, Я аддаў ім і яны прынялі і сапраўды зразумелі, што Я зыйшоў ад Цябе, і паверылі, што Ты Мяне паслаў.
Я за іх малю́, не за ўвесь свет малю́, але за тых, каго Ты даў Мне, бо яны Твае;
За іх прашу, не за ўвесь сьвет прашу, але за тых, якіх Ты Мне даў, бо яны Твае.
і ўсё Маё — Тваё, і Тваё — Маё; і Я прасла́віўся ў іх;
І ўсё Маё Тваё і Тваё Маё; і ў іх Я ўславіўся.
і Я ўжо не ў свеце, а яны ў свеце, Я ж да Цябе іду́. Ойча Святы́! захава́й іх у імя́ Тваё, тых, каго Ты даў Мне, каб яны былí адно, як і Мы.
Я ўжо не на сьвеце, а яны на сьвеце; Я-ж да Цябе іду. Ойча Сьвяты! захвай іх ў імя Тваё, тых якіх Ты Мне даў, каб яны былі адно, як і Мы.
Калі Я быў з імі ў свеце, Я захо́ўваў іх у імя́ Тваё; тых, каго Ты даў Мне, Я збяро́г, і ніхто з іх не загíнуў, толькі сын пагíбелі, каб збыло́ся Пісанне;
Калі Я быў з імі, Я захаваў іх у Твайё імя тых, якіх Ты Мне даў. Я захаваў іх, і ніхто з іх ня згінуў, акрамя сына пагібелі, каб сбылося Пісаньне.
цяпер жа Я да Цябе іду́ і гавару гэта ў свеце, каб яны ме́лі ў сабе радасць Маю́ по́ўную.
Цяпер-жа іду да Цябе і гэтае гавару на сьвеце, каб яны мелі радасьць Маю ў сабе поўную.
Я даў ім сло́ва Тваё, і свет узненавíдзеў іх, бо яны не ад свету, як і Я не ад свету;
Я аддаў ім Тваё слова, і сьвет зьненавідзеў іх, бо яны не са сьвету, як і Я не са сьвету.
Я не малю́, каб Ты ўзяў іх са све́ту, але каб захава́ў іх ад зла;
Не прашу, каб Ты забраў іх са сьвету, але каб захаваў іх ад злога.
яны не ад све́ту, як і Я не ад све́ту;
Яны не са сьвету, як і Я не са сьвету.
асвяцí іх íсцінаю Тваёю: сло́ва Тваё ёсць íсціна.
Асьвяці іх Тваею праўдаю, Тваё слова — праўда!
Як Ты пасла́ў Мяне ў свет, так і Я пасла́ў іх у свет,
Як Ты паслаў Мяне ў сьвет, так і Я пасылаю іх у сьвет.
і за іх Я прысвяча́ю Сябе́, каб і яны былí асвячо́ныя íсцінай.
І за іх Я пасьвячаю Сябе, каб яны былі асьвячаны праўдаю.
Не за іх жа толькі малю́, але і за тых, што ве́руюць у Мяне дзя́куючы слову іх,
няхай усе будуць адно: як Ты, Ойча, ува Мне, і Я ў Табе, так няхай і яны ў Нас будуць адно, каб уве́раваў свет, што Ты пасла́ў Мяне;
і славу, якую Ты даў Мне, Я даў ім; каб яны былí адно, як Мы адно:
Я ў іх, і Ты ўва Мне; няхай будуць яны ў даскана́лым адзíнстве, і няхай спазна́е свет, што Ты пасла́ў Мяне і ўзлюбíў іх, як узлюбíў Мяне.
Ойча! хачу, каб ты́я, каго Ты даў Мне, там, дзе і Я, былí са Мною, каб яны бачылі славу Маю́, якую Ты даў Мне, бо ўзлюбíў Мяне ране́й заснава́ння све́ту.
Ойча Пра́ведны! і свет Цябе не спазна́ў; а Я Цябе спазна́ў, і яны спазна́лі, што Ты пасла́ў Мяне;
і Я паве́даў ім імя́ Тваё і паве́даю, каб любоў, якою Ты ўзлюбíў Мяне, у іх была́, і Я ў іх.
