Лукаша 3 разьдзел

 

 

На пятнаццаты год панавання цэзара Тыберыя, калі Понцкі Пілат кіраваў у Юдэі, а Ірад быў тэтрархам Галілеі, а брат яго Піліп — тэтрархам Ітурэі і Траханіцкай краіны, а Лісанія — тэтрархам Абіліны,

 

А ў пятнаццаты год кіравання кесара Тыберыя, калі Понцій Пілат быў намеснікам Іудзеі, а чацвёртаўладальнікам Галілеі быў Ірад, Філіп жа, яго брат, быў чацвёртаўладальнікам Ітурэі і Траханіцкай зямлі, а Лісаній чацвёртаўладальнікам Авіліны,

пры першасвятарах Анну і Каяфу было слова Бога да Яна, сына Захарыі, у пустыні.

 

пры першасвятары Ганну і Каіяфе, было слова Божае да Іаана, сына Захарыевана, у пустэльні.

І прайшоў ён усю зямлю вакол Ярдана, прапаведуючы хрост навяртання дзеля адпушчэння грахоў,

 

І ён прайшоў усё наваколле Іардана, абвяшчаючы хрышчэнне пакаяння дзеля адпушчэння грахоў,

як напісана ў кнізе прамоў Ісаі прарока, які гаворыць: «Голас лямантуючага ў пустыні: “Рыхтуйце дарогу Госпаду, прастуйце сцежкі Яму.

 

як напісана ў кнізе слоў прарока Ісаіі: «Голас прапаведніка ў пустэльні: «Падрыхтуйце дарогу Госпаду, простымі зрабіце Яму сцежкі;

Хай усякая яма будзе засыпана, і кожная гара і ўзгорак хай будуць паніжаны, і крывізны хай стануць роўнымі, а церні — гладкімі дарогамі,

 

кожны дол няхай напоўніцца, а кожная гара і пагорак няхай панізяцца, і крывое няхай выпрастаецца, і выбоістыя дарогі стануць гладкімі;

і ўбачыць усякая плоць збаўленне Бога”».

 

і ўбачыць кожнае стварэнне выратаванне Божае».

І натоўпам, што прыходзілі да яго атрымаць хрост, гаварыў: «Змяінае племя, хто паказаў вам, што пазбегнеце будучага гневу?

 

Дык ён казаў натоўпам, што выходзілі, каб хрысціцца ў яго: Гадзючыя выпадкі, хто паказаў вам уцякаць ад будучага гневу?

Чыніце належныя плады навяртання, і перастаньце хваліцца між сабой: “Маем бацьку Абрагама”; бо кажу вам, што Бог можа з гэтых камянёў падняць сыноў Абрагаму.

 

Дык стварыце годныя плады пакаяння і не пачынайце казаць самім сабе: «Бацька ў нас Аўраам». Бо кажу вам, што Бог можа з гэтых камянёў узняць дзяцей Аўрааму.

Ужо, вось, сякера прыстаўлена да карэнняў дрэў, кожнае дрэва, што не дае добрага плода, будзе ссечана і кінута ў агонь».

 

Ужо ж і сякера ляжыць пры корані дрэў; дык кожнае дрэва, што добрага плоду не родзіць, ссякаюць і кідаюць у агонь.

Дык пыталіся ў яго натоўпы: «Што тады маем рабіць?»

 

І натоўпы пыталіся ў яго, кажучы: Дык што нам рабіць?

Адказваючы, ён гаварыў ім: «Хто мае дзве вопраткі, хай дасць таму, хто не мае. І хто мае ежу, хай зробіць падобна».

 

Ён жа ў адказ ім казаў: Хто мае два хітоны, няхай дасць таму, хто не мае, і хто мае ежу, няхай гэтак жа зробіць.

Прыходзілі таксама мытнікі, каб атрымаць хрост, і яны сказалі яму: «Вучыцелю, што мы маем рабіць?»

 

Прыйшлі ж і зборшчыкі падаткаў хрысціцца і сказалі яму: Настаўніку, што нам рабіць?

А ён ім сказаў: «Нічога не патрабуйце больш таго, што вам прызначана».

 

І ён ім сказаў: Не спаганяйце нічога больш, чым вызначана вам.

Пыталіся ў яго таксама жаўнеры, кажучы: «А што мы маем рабіць?» А ён ім казаў: «Нікога не біце, не нагаворвайце і будзьце задаволены сваёю платаю».

 

Пыталіся ж у яго і воіны, кажучы: А нам што рабіць? — І сказаў ім: Ні ў кога нічога не вымагайце, не даносьце і задавальняйцеся сваёю платаю.

А калі народ сумняваўся ды ўсе ў душы пачыналі разважаць пра Яна, ці ён часам не Хрыстос,

 

Калі ж народ чакаў і ўсе разважалі ў сваіх сэрцах пра Іаана, ці не Хрыстос ён,

Ян адказваў, кажучы ўсім: «Я хрышчу вас вадою. Але ідзе дужэйшы за мяне, Катораму я не варты развязаць рамень Яго пасталоў. Ён будзе вас хрысціць Духам Святым і агнём.

 

Іаан адказаў, кажучы ўсім: Я вадою хрышчу вас; а ідзе Мацнейшы за мяне, у Якога я няварты развязаць раменьчык Яго сандаляў; Ён вас будзе хрысціць Святым Духам і агнём;

Ён трымае ў руцэ Сваёй веялку і ачысціць ток Свой, ды збярэ пшаніцу ў свіран Свой, а салому спаліць у агні незгасальным».

 

у Яго руцэ веялка, каб ачысціць Свой умалот і сабраць пшаніцу ў Сваё сховішча, а мякіну спаліць незгасальным агнём.

Многаму таксама іншаму навучаючы, абвяшчаў народу добрую вестку.

 

Дык, і шмат у чым іншым настаўляючы, ён дабравесціў народу.

Але Ірад, тэтрарх, які дакараўся Янам дзеля Ірадыяды, жонкі брата яго, ды дзеля іншых ліхіх учынкаў, якія ўчыніў Ірад,

 

А Ірад, чацвёртаўладнік, выкрываны ім за Ірадыяду, жонку свайго брата, і за ўсё ліхое, што Ірад зрабіў,

дадаў да ўсяго і тое, што пасадзіў Яна ў вязніцу.

 

дадаў да ўсяго і тое, што зняволіў Іаана ў турму.

І сталася, калі ўвесь народ хрысціўся і Ісус быў ахрышчаны і маліўся, адкрылася неба,

 

І сталася: калі хрысціўся ўвесь народ і Ісус, ахрысціўшыся, маліўся, расчынілася неба,

і Дух Святы цялесна ў выглядзе голуба сышоў на Ісуса. І азваўся голас з неба: «Ты — Сын Мой улюбёны, у Табе Маё ўпадабанне».

 

і зышоў Святы Дух у цялесным выглядзе, як голуб на Яго, і голас з неба пачуўся: Ты Мой Сын Улюбёны, у Табе знайшоў Я задавальненне.

Ісус меў каля трыццаці гадоў, калі пачынаў Сваё служэнне, і быў, як лічылася, сынам Язэпа, сынам Гэлі,

 

А Сам Ісус, пачынаючы Сваё служэнне, меў гадоў каля трыццаці, быў, як думалі, Сын Іосіфаў, Іліеў,

сынам Матата, сынам Леві, сынам Мэльха, сынам Яная, сынам Язэпа,

 

Матфатаў, Лявіеў, Мялхіеў, Іяннаеў, Іосіфаў,

сынам Мататыі, сынам Амоса, сынам Навума, сынам Эслі, сынам Нагі,

 

Матафіеў, Амосаў, Навумаў, Гесліеў, Нагееў,

сынам Маата, сынам Мататыі, сынам Сямэя, сынам Язэха, сынам Ёды,

 

Маафаў, Матафіеў, Семяінаў, Іасіхаў, Іадаеў,

сынам Ёана, сынам Рэсы, сынам Зарабабэля, сынам Салатыэля, сынам Нэра,

 

Іаананаў, Рысаеў, Дзарававелеў, Салафіілеў, Нірыеў,

сынам Мэльха, сынам Адзі, сынам Касама, сынам Эльмадама, сынам Гэра,

 

Мялхіеў, Аддзеў, Касамаў, Элмадамаў, Іраў,

сынам Ешуа, сынам Эліязэра, сынам Ярыма, сынам Матата, сынам Леві,

 

Ісусаў, Эліедзераў, Іарымаў, Матфатаў, Лявіеў,

сынам Сімяона, сынам Юды, сынам Язэпа, сынам Ёны, сынам Эліякіма,

 

Сімяонаў, Іудаў, Іосіфаў, Іананаў, Эліякімаў,

сынам Мэлея, сынам Мэны, сынам Матата, сынам Натана, сынам Давіда,

 

Меляаеў, Мяннаеў, Матафаеў, Нафанаў, Давідаў,

сынам Ясэя, сынам Абэда, сынам Баоза, сынам Салмона, сынам Наасона,

 

Іессееў, Авідаў, Ваозаў, Салаў, Наасонаў,

сынам Амінадаба, сынам Адміна, сынам Арні, сынам Эсрома, сынам Пэрэса, сынам Юды,

 

Амінадаваў, Адмінаў, Арніеў, Гесромаў, Фарэсаў, Іудаў,

сынам Якуба, сынам Ізаака, сынам Абрагама, сынам Тэраха, сынам Нахора,

 

Іякаваў, Ісаакаў, Аўраамаў, Фараў, Нахораў,

сынам Сэруга, сынам Рагава, сынам Пэлега, сынам Гебэра, сынам Салы,

 

Сярухаў, Рагаваў, Фалекаў, Эвераў, Салаў,

сынам Кайнана, сынам Арпаксада, сынам Сэма, сынам Ноя, сынам Ламэха,

 

Каінамаў, Арфаксадаў, Сімаў, Ноеў, Ламехаў,

сынам Мэтусалаха, сынам Гэноха, сынам Ярэда, сынам Малаліэля, сынам Кайнана,

 

Мафусалаў, Энохаў, Іярэтаў, Малеляілаў, Каінамаў,

сынам Эноса, сынам Сэта, сынам Адама, сынам Бога.

 

Эносаў, Сіфаў, Адамаў, Божы.