ПОЧИНАЕТЬСЯ КНИГА «ДЕАНИЯ И ПОСЪЛАНИЯ АПОСТОЛЬСКАЯ», ЗОВЕМАЯ «АПОСТОЛЪ». З БОЖИЮ ПОМОЧЬЮ СПРАВЪЛЕНА ДОКТОРОМЪ ФРАНЪЦИСКОМЪ СКОРИНОЮ С ПОЛОЦЬКА
«ДЕАНИЯ СВЕТЫХЪ АПОСТОЛЪ» КНИГЪ ПРЕДМОВА БОГУ КО ЧТИ ПОЧИНАЕТСЕ
Великий Лука Анътиохийский — в лекарскихъ наукахъ докторъ пренавченый и евангелистъ Ісусъ Христовъ предивный, товаришъ славнаго всехъ народовъ учителя и апостола Господьня Павла, онже, будучи лекаремъ телеснымъ досконалымъ, видяй вси речи телесные, иже суть суетны и минущи, возжеле быти лекаремъ душъ наших, еже на образъ и на подобенство превечного Бога створеныхъ. Зналъ убо, иже не толико живъ естъ человекъ хлебом или лекарствомъ, но боле всякимъ словомъ, еже походить изъ устъ Божіихъa, Которымже небеса утвердишеся, земля основана быстьb, водам пределы положены сут и вси видимые и невидимые речи сотворены быша, еже мимо идуть. Слово толико само Господьне пребываеть во вся векиc. Прото светый Лука писалъ ест о слове Божиемъ навышшей, наистей и нарядней, нежели иные, яко самъ о томъ на початку Еввангелия своего, пиша ко Феофилу, светчить, глаголя: «...изволися и мне, последовавшу выше всехъ испытно, по ряду писати»d.
Почалъ бо от бывших прежде нарожения Слова Божия, яко о дивномъ зачатіи Иоанна Предтечи, о нароженіи егоe; таже о благовестованіи архангела Гаврила ко Девици, Матери Божией Маріиf, о нихже ни единый еввангеліста писалъ естъ.
Потомъ о нароженіи нашего Спасителя Ісуса Христа, Сына Божіяg, о принесеніи Его во храмъ Божійh и о гаданіи со докторы во церквиi истее, нежели иные, выписуеть. Таж по ряду о житіи, о навченіи, о добродеаніи, о страданіи, о вмученіи и о воскресеніи Его из мертвых, яко и иніи еввангелисты, кажеть.
В сей пакъ книзе Деаній Апостольскыхъ, на початку ихъ, великую часть светого Еввангелия Христова выписуеть, по чемъ быхомъ ведали, яко Господь уступовалъ на небо, намъ путь за собою указуя; которого часу — четыредесятого дня по востаніи Его из мертвых; на которомъ месте — на горе Елеонъ, версту от Ерусалима — суботенъ имущи путь, занежъ Іудеи не можаху дале в суботу ходити, толико тысещу ступеней, иже ест верста едина; кто при томъ былъ — светыеj апостоли и множество мужей от Галилеи; кто сведетелствовалъ о Немъ, яко имать пріити судити живыхъ и мертвыхъ, — два мужа во одежди белой.
Теже о Святомъ Духу, како на апостолы во огненыхъ языцехъ бысть, прежде обещаный, сошедлъ, и яко начаша разными языки слово Божие проповедати, и яко ся почала вера Христова розмножати.
Прото якоже писалъ естъ первей во светомъ чтеніиk от начала нарожения Господа нашего Ісуса Христа, такожъ и сезде даж до вознесения на небеса житие Его все ширей, ясней и досконалей, нежели иные еввангелисты, выписуеть.
Затымъ починаеть жития, или деания, светых апостолъ, а наболей дву верховных — светого Петра и светого Павла, емуже товаришемъ былъ, доводне ска зы вати.
А тако имате в сей хвалебной книзе о початку, о розмножении и о утверженіи Церкви христианское и яко ся напредъ почали называти христиане, то естъ «помазанъники Божіи и цари будущего века». Теже яко ся почали празники Господьскые, яко Великъдень и неделя, на небо Воступление и Пятьдесятница: яко бо по выштіи сыновъ Ізраилевых з неволи египетское пятдесятого дня данъ естъ Ветхый Законъ, тако по выкупленіи нашемъ из моци бесовъское пятдесятого дня сосланъ ест Духъ Светый. Ту знайдешъ о церковной службе, еже естъ во преломленіи посвещеного хлеба. Ту знайдешъ о церковной науце, еже вся обща христианомъ имети.
Ту знайдешъ о церковной единоте, иже всемъ с любовию молитися вкупе. Ту ест о первоепископехъ, о перводиаконехъ, о первомученикохъ, о первоучителехъ, о первосветителехъ, о первочудотворъцехъ и о всехъ иныхъ веры Христовы розмножителехъ.
А тако светый Лука-евангелиста во первыхъ книгахъ своих о зернети, сокровенномъ в землиl, писалъ ест, во сих же других пишеть о том же возрастающем, процветающем и плодъ безчисленый выдающемъ. Яко на первомъ казаніи светого Петра приступиша ко вере Христове и крестишеся мужевъ боле трехъ тысещъ, што жъ пакъ потомъ, наболей епистолами и проповеданиемъ светого Павла и иных светыхъ апостолъ, ониже всю вселенную навратиша.
Пророком убо данъ былъ духъ единым языкомъ еврейскимъ или халдейскимъ ко людемъ глаголати, апостолом же и верующимъ во Христа данъ бысть Духъ Светый всеми языки, еже суть подъ солнецемъ, правду Божию, слово избавления и Царство Небесъное провещевати. Они же насъ от тяжкостей и от бременъ Ветхаго Закона вызволили суть; нового жития небесного на земли живущихъ навчили суть; веру, надежу, любовь проповедали суть, да бы иные на свете збирали сокровіща, иные крепости, иные богатства, иные премудрости, не наследуючи сего суетнаго и отменнаго веку, не боячися мучителей, ни смерти, ни диавола, не гневаючи, ни злоречечи, ни обидечи ближнего своего. И к тому яко ся имамы заховати ко братіи своей, яко к родителемъ, яко ко старейшимъ, яко ко младшимъ, яко ко немощнымъ, яко ко иноверкомъ и яко ко всякому человеку.
Наболей пакъ светый Лука в сей книзе ку концу пишеть о навращеніи дивномъ ко вере Христове светого апостола Павла, о проповеданіи его, о хоженіи и плаваніи его по морю даже до Рима. И тако скончеваеть книгу сию.
Конець Сказанию.
a [Мацвея, 4:4; Другога Закону, 8:3].
b [Псалом 101:26; Прытчы, 3:19; Ісаі, 48:13; Да Габрэяў, 1:10].
c [Псалом 110:3; Ісаі, 40:8; 1-е Пятра, 1:25].
d [Лукі, 1:3].
e [Лукі, 1:5-17].
f [Лукі, 1:26-35].
g [Лукі, 2:1-20].
h [Лукі, 2:27].
i [Лукі, 2:42-47].
j Erratum: свестые.
k во светомъ чтеніи — у Евангеллі.
l [Лукі, 13:19].
Деания Светыхъ Апостолъ, уступ
Public Domain — народны здабытак.
2022, укладальнік — Бразгуноў Алесь.