О сошествии Духа Светого на апостолы, ониже разноличными языки мовять. Жидове тому ся дивили. Петръ имъ правду являеть с Светого Писма. И приступило их ко вере Христове и крестилися яко три тысещи.
1 (Зачало 3) И егда скончевалися дние пятьдесятнице, быша вси единодушно вкупе.
2 И бысть скоръ съ небеси шумъ якобы приходящего духа бурна, и исполнися домъ, идеже бяху седяще,
3 и явишася имъ разделены языци, яко огнены, седе же на единомъ кождомъ их.
4 И наполнишеся вси Духа Свята, и начаша глаголати иными языки, якоже Духъ даяше провещавати имъ.
5 Быша же во Ерусалиме живущие Іудеи, мужи богуговеіные от всякого языка, еже под небесемъ.
6 Бывшу же гласу сему, снидеся народъ и изумелися, яко слышали единый каждый их своимъ языкомъ глаголющихъ.
7 Бояхуся же вси и дивляхуся, ркуще к собе: «Не се ли сие вси, ониже глаголють, Галилеяне суть?
8 И какожъ мы слышим единый каждый языкъ свой, в немже зродихомся?
9 Парфи, и Меді, и Аламите, и живущие во Междоречии, во Іудеи же и Каппадокии, въ Понте и во Асии,
10 во Фригии и Панфилии, во Египте и во странахъ Ливійскихъ, иже по Киринеи, и приходящие Римляне, Іудеи же и пришельци,
11 Критяне и Аравляне слышимъ их, глаголющих наши ми языки величия Божия».
12 Чуждяху же ся вси и стязахуся, другъ ко другу ркуще: «Что убо хощеть сее быти?»
13 Иные же, ругающеся, глаголаху, яко местомa сии исполнены суть.
14 (Зачало 4) Ставъ же Петръ со единеминадесет, воздвиже глас свой и рече имъ: «Мужие Іудейстіи и живущие во Ерусалиме вси! Се, вамъ разумно да будет и во уши приимите слова моя.
15 Не яко же вы мните сие пияни суть, ибо естъ часъ третий дня,
16 но сее ест, еже речено пророком Іоилем:
17 b “И будет во последняя дни, глаголеть Господь, излию Духа Моего на всяку плоть, и прорекуть сынове ваши и дщеры ваши, и юноше ваши видения узрять, и старци ваши сония видять,
18 ибо на рабы моя и на рабыня моя во дни оны излею от Духа Моего, и прорекуть.
19 И дамъ чудеса на небесі горе и знамена на земли низу: кровь, и огнь, и курение дыма.
20 Солньце преложится во тму и луна во кровь прежде, нежли приидеть день Господень великий и просвещеный.
21 И будеть: всякъ, онже призоветь имя Господьне, спасеться”c.
22 (Зачало 5) Мужие Израілсти! Слыште словеса сия: Ісуса Назоренина, мужа, от Бога извесьтвованна в васъ силами, и чудесы, и знаменми, яже сотвори Имъ Богъ посреди вас,
23 сего, нарекованнымъ советом и проразумениемъ Божиімъ продана приемше от безаконныхъ рукъ, пригвожьше, убисте.
24 Егоже Богъ воскреси, разрешивъ болезни смерътныя, якоже не бяше возможно удержатіся Ему от нея.
25 Давыдъ убо глаголеть о Немъ: d“Предзрехъ Господа предо мною всегда, яко одесную мене ест, да ся не подвижу.
26 Сего ради возвеселися серце мое и возрадовася языкъ мой. Еще же и плоть моя въселится на упование,
27 яко не оставиш души моея во аде ни даси же Преподобному своему видети истления.
28 Сказал ми еси пут живота и исполниши мя веселия с лицем Твоимъ”.
29 Мужи братие! Достоить рещи к вамъ со дерзнове ниемъ о патриаръсе Давыде, яко умре и погребенъ быстьe, и гробъ его в насъ естъ даже жо сего дня,
30 пророкъ убо сый и ведый, яко клятвою ему кляся Богъ от плода чреслъ его по плоти воздвигнути Христа и посадити на престоле его.
31 Сия предведев, глаголалъ ест о воскресении Христове, яко не оставися душа Его во аде ани плоть Его виде истления.
32 Сего Ісуса воскреси Богъ, Емуже вси мы есъмы сведетели,
33 десницею убо Божиею вознесеся, обетование же Духа Светаго приемъ от Отца, излия сее, еже вы ныне видите и слышите.
34 Не взыде бо Давыдъ на небо, самъ же глаголеть: “Рече Господь Господеви моему: седи одесную мене,
35 дондеже положуf врагы твоя подножие ногама Твоима”g.
36 Сего ради твердо да разумеете, вес доме Израілев, яко и Господа, и Помазанника вчини Бог сего Ісуса, Егоже вы распясте».
37 Слышавши же сия, умилишеся серци и рекоша ко Петру и ко прочим апостоломъ: «Что сотворим, мужие братия?»
38 (Зачало 6) Петръ же рече къ нимъ: «Покайтеся, и да креститеся кажды въ вас во имя Ісуса Христа во оставление греховъ, и приимете даръ Светаго Духа,
39 вамъ бо ест обетование, и чадомъ вашимъ, и всемъ дальним, елико их аще призоветь Господь, Богъ нашъ».
40 И инеми же словесы многими сведетелствоваше и моляше их, глаголя: «Отдельтеся от рода сего лукаваго».
41 Некии же, любезно приемъше слово его, крестишеся. И приложишеся к нимъ въ день той душъ яко три тысещи.
42 Бяху же тривающе во вчении апостолстемъ, и во общении, и во преломлении хлеба, и в молитвахъ.
43 Бысть же на всякой души страхъ, многа бо чудеса и знамена апостолы бываша во Ерусалиме.
44 Вси же веровавшие беша случени и имеаху вся обща;
45 власти же и именія продаваху и розделеваху всемъ, чего же единый каждый требоваше.
46 И по вся дни терпяще единомыслено во церкви, и ломячи по домехъ хлебъ, приимаху пищу в радости и во простости серца,
47 хваляще Бога и имеюще ласку ко всем людем. Господь же прилагаше на всяк день спасающеяся к церкви.
a Ad marginem: вино ново.
b Іаіля, 2[28:32].
c Да Рымлянаў, 10[:13].
d Псалом 15[:28-32].
e 3 Царстваў, 13[:22].
f Erratum: пеложу.
g Псалом 109[:1].
Знайшлі памылку ў тэксце? Вылучыце яе і націсніце:
Ctrl + Enter
Деания Светыхъ Апостолъ, 2 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.