Да Рымлян 12 Да Рымлян 12 разьдзел

¹ Дык малю вас, браты міласэрдзям Божым, пасьвяціце целы свае на аброк жывы, сьвяты, Богу любы, значыцца разумную службу сваю;

² І не тарнуйцеся да веку гэтага, але адмяніцеся аднаўленьням думкі свае, каб вы пераканаліся што за добрая а прыемная а дасканальная воля Божая.

³ Бо подле ласкі, данае імне, кажу кажнаму з памеж вас: ня думайце празь сябе болей, чымся належа думаць; але думайце сьціпла, кажны подле меры веры, каторую Бог удзяліў яму.

⁴ Бо, як у вадным целе ў нас шмат чаланоў, але ня ў вусіх чаланоў тая самая дзейнасьць,

⁵ Так нас шмат складае адно цела ў Хрысту, а паасобку адны адным сяброве.

⁶ Але, маючы розныя дары, подле ласкі, данае нам: ці прароцтва, подле меры веры;

⁷ Ці то службы — у службе; ці хто вучэньня — у вучэньню;

⁸ Ці хто навучае — у навучаньню; хто падзяляецца — у прасьціні; хто кіруе — кіруй улегліва; хто чыне міласэрдзе, чыні рада.

⁹ Міласьць хай будзе без прыдаваньня; гідзьцеся ліха, ліпніце да дабра;

¹⁰ У брацкай любосьці адны да адных будзьце кукежныя; у павазе адны адных выпераджайце;

¹¹ З рупатлівасьцяй не агіляйцеся; духам гарыце; Спадару служыце;

¹² У надзеі цешчася; у ватугах будзьце вытрывалыя, у малітве кажначасныя;

¹³ Да патрэбаў сьвятых будзьце падзельлівыя, да гасьціннасьці ганіцеся.

¹⁴ Дабраслаўце тых, што перасьлядуюць вас; дабраслаўце а ня клініце.

¹⁵ Цешчася з тымі, што цешацца; плачча з тымі, што плачуць.

¹⁶ Майце тую самую павагу адны да адных; не мудрагельце высака, але да нізкіх хініцеся; ня будзьце мудрыя ў вачох сваіх;

¹⁷ Нікому ліхам за ліха не аддавайце; дбайце праз тое, што добрае ў вачох усіх людзёў.

¹⁸ Калі магчыма, паколькі залежа ад вас, шукайце супакою з усімі людзьмі.

¹⁹ Ня імсьціцеся самы, любовыя, але дайце месца гневу Божаму. Бо напісана: «Помста ў Мяне, Я адплачу, кажа Спадар».

²⁰ Дык, «Калі твой непрыяцель галодны, дай яму есьці; калі сьмягне, дай яму піць, бо, так робячы, ты зьбярэш на галаву ягоную жар».

²¹ Ня будзь пераможаны ліхам, але перамагай ліха дабром.