Нээміі 7 разьдзел

 

 

А калі адбудаваны быў мур, і калі паставіў я дзверы, і паставіў прыдзверных, спевакоў і левітаў,

 

І сталася, калі мур быў пабудаваны, і я паставіў вароты, і былі прызначаныя прыдзьвернікі, і сьпевакі, і лявіты,

над Ерузалімам паставіў я брата свайго Ханані, і кіраўніком у крэпасці Хананію, — бо здаваўся ён, як быццам, чалавекам праўдзівым і больш за іншых баяўся Бога, —

 

я прызначыў Ханані, брата майго, і Хананію, начальніка сталіцы, над Ерусалімам, бо ён быў чалавек праўдзівы і баяўся Бога [больш], чым шмат хто.

і сказаў я ім: «Не адчыняйце брамы Ерузаліма, пакуль не прыпячэ сонца, і, яшчэ пакуль спякотна, замкніце браму і так трымайце; і пастаўце вартаўнікоў з жыхароў Ерузаліма: кожнага па сваёй чарзе, і кожнага насупраць дома яго».

 

І я, кажучы, сказаў ім: «Няхай ня будуць адчыненыя брамы Ерусаліму, пакуль не прыпячэ сонца; і пакуль [людзі] стаяць [на нагах], няхай зачыняюць вароты і замыкаюць. І прызначце варту з жыхароў Ерусаліму, кожнага на варту ягоную і кожнага насупраць дому ягонага».

Але горад быў вельмі абшырны і вялікі, і народа ў ім было мала, і не было адбудаваных дамоў.

 

Але горад займаў абшар і быў вялікі, а народу [было] мала ў ім, і не было дамоў адбудаваных.

А Бог мой даў у сэрца маё, і сабраў я князёў, і кіраўнікоў, і народ з мэтаю перапісаць іх; і знайшоў я кнігу перапісу тых, хто прыйшоў спачатку, і ў ёй было напісана:

 

І палажыў мне Бог у сэрцы маім, і я сабраў шляхту, кіраўнікоў і народ, каб зрабіць попіс. І я знайшоў кнігу попісу тых, якія прыйшлі напачатку, і знайшоў, што напісана ў ёй:

«Гэта сыны краіны, якія вярнуліся з няволі перасялення, каго вывеў Набукаданосар, цар Бабілона, і вярнуліся яны ў Ерузалім і ў Юдэю, кожны ў свой горад.

 

«Гэта сыны зямлі гэтай, якія прыйшлі з палону выгнаньня, якіх перасяліў Навухаданосар, валадар Бабілонскі, і яны вярнуліся ў Ерусалім і Юдэю, кожны ў горад свой.

Прыйшлі яны з Зарабабэлем, Ешуа, Нэгэміем, Азарыем, Рааміем, Нагамані, Мардахэем, Бэльсанам, Мэспарам, Бэгваем, Навумам, Баанам. Лік мужоў народа ізраэльскага:

 

Яны прыйшлі з Зэрубабэлем, Ешуам, Нээіміем, Азарыем, Рааміем, Нахаманіем, Мардэхаем, Більшанам, Міспэрэтам, Бігваем, Нэхумам, Баанаю. [Вось] лік мужчынаў народу Ізраіля:

сыноў Пароса — дзве тысячы сто семдзесят два;

 

сыноў Пароша — дзьве тысячы сто семдзясят два;

сыноў Сафаціі — трыста семдзесят два;

 

сыноў Шэфатыі — трыста семдзясят два;

сыноў Арэ — шэсцьсот пяцьдзесят два;

 

сыноў Араха — шэсьцьсот пяцьдзясят два;

сыноў Пагатмааба, гэта сыны Ешуа і Ёаба — дзве тысячы восемсот васемнаццаць;

 

сыноў Пахат-Маава, з сыноў Ешуа і Ёава, — дзьве тысячы васемсот васямнаццаць;

сыноў Элама — тысяча дзвесце пяцьдзесят чатыры;

 

сыноў Эляма — тысяча дзьвесьце пяцьдзясят чатыры;

сыноў Зэтуа — восемсот сорак пяць;

 

сыноў Затту — васемсот сорак пяць;

сыноў Захая — семсот шэсцьдзесят;

 

сыноў Заккая — семсот шэсьцьдзясят;

сыноў Бэнуі — шэсцьсот сорак восем;

 

сыноў Біннуя — шэсьцьсот сорак восем;

сыноў Бэбая — шэсцьсот дваццаць восем;

 

сыноў Бэвая — шэсьцьсот дваццаць восем;

сыноў Азгада — дзве тысячы трыста дваццаць два;

 

сыноў Азгада — дзьве тысячы трыста дваццаць два;

сыноў Аданікама — шэсцьсот шэсцьдзесят сем;

 

сыноў Аданікама — шэсьцьдзясят сем;

сыноў Бэгвая — дзве тысячы шэсцьсот сем;

 

сыноў Бігвая — дзьве тысячы шэсьцьсот сем;

сыноў Адзіна — шэсцьсот пяцьдзесят пяць;

 

сыноў Адына — шэсьцьсот пяцьдзясят пяць;

сыноў Атэра, што былі з сыноў Эзэкіі — дзевяноста восем;

 

сыноў Атэра з [сыноў] Хізкіі — дзевяноста восем;

сыноў Гасума — трыста дваццаць восем;

 

сыноў Хашума — трыста дваццаць восем;

сыноў Бэсая — трыста дваццаць чатыры;

 

сыноў Бэцая — трыста дваццаць чатыры;

сыноў Гарэфа — сто дванаццаць;

 

сыноў Харыфа — сто дваццаць;

сыноў Габаона — дзевяноста пяць;

 

сыноў Гібэона — дзевяноста пяць;

сыноў Бэтлехэма і Нэтофы — сто восемдзесят восем;

 

людзей з Бэтлеему і Нэтофы — сто восемдзясят восем;

мужчын з Анатота — сто дваццаць восем;

 

людзей з Анатоту — сто дваццаць восем,

мужчын з Бэтазмавэта — сорак два;

 

людзей з Бэт-Азмавэту — сорак два;

мужчын з Карыят-Ярыма, Кафіры і Бэрота —семсот сорак тры;

 

людзей з Кірыят-Ярыму, Кэфіры і Бээроту — семсот сорак тры;

мужчын з Рамы і Габы — шэсцьсот дваццаць адзін;

 

людзей з Рамы і Гевы — шэсьцьсот дваццаць адзін;

мужчын з Міхмаса — сто дваццаць два;

 

людзей з Міхмасу — сто дваццаць два;

мужчын з Бэтэля і Гая — сто дваццаць тры;

 

людзей з Бэтэлю і Гаю — сто дваццаць тры;

мужчын з Нэбы другога — пяцьдзесят два;

 

людзей з Нэво другога — пяцьдзясят два;

мужчын з Элама другога — тысяча дзвесце пяцьдзесят чатыры;

 

сыноў Эляма другога — тысяча дзьвесьце пяцьдзясят чатыры;

сыноў з Гарыма — трыста дваццаць;

 

сыноў Харыму — трыста дваццаць;

сыноў з Ерыхона — трыста сорак пяць;

 

сыноў Ерыхону — трыста сорак пяць;

сыноў з Лода, Хадыда і Она — семсот дваццаць адзін;

 

сыноў Лоду, Хадыду і Она — семсот дваццаць адзін;

сыноў з Сэны — тры тысячы дзевяцьсот трыццаць.

 

сыноў Сэнаі — тры тысячы дзевяцьсот трыццаць;

Святароў: сыноў Ядаі з дому Ешуа — дзевяцьсот семдзесят тры;

 

сьвятары: сыноў Едая, з дому Ешуа — дзевяцьсот семдзясят тры;

сыноў Эмэра — тысяча пяцьдзесят два;

 

сыноў Імэра — тысяча пяцьдзясят два;

сыноў Пасура — тысяча дзвесце сорак сем;

 

сыноў Пашхура — тысяча дзьвесьце сорак сем;

сыноў Гарыма — тысяча семнаццаць.

 

сыноў Харыма — тысяча сямнаццаць;

Левітаў: сыноў Ешуа, гэта значыць, сыноў з дома Кадмігэля, Бэнуі і Адовіі — семдзесят чатыры.

 

лявіты: сыны Ешуа [з дому] Кадміэля, сыны Гадава — семдзясят чатыры;

Спевакоў: сыноў Асафа — сто сорак восем.

 

сьпевакі: сыны Асафа — сто сорак восем;

Прыдзверных: сыноў Сэлума, сыноў Атэра, сыноў Тэльмона, сыноў Акуба, сыноў Гатыты, сыноў Сабая — сто трыццаць восем.

 

прыдзьвернікі: сыны Шальлюма, сыны Атэра, сыны Тальмона, сыны Аккува, сыны Хатыты, сыны Шавая — сто трыццаць восем;

Нявольнікаў: сыноў Сігі, сыноў Гасуфы, сыноў Табаота,

 

нэтынэі: сыны Цыхі, сыны Хасуфы, сыны Табаота,

сыноў Кера, сыноў Сіа, сыноў Падона,

 

сыны Кероса, сыны Сіі, сыны Падона,

сыны Лебаны, сыны Хагаба, сыны Сэмлі,

 

сыны Лебана, сыны Хагавы, сыны Шальмая,

сыны Ханана, сыны Гідэля, сыны Гахара,

 

сыны Ханана, сыны Гіддэля, сыны Гахара,

сыны Рааі, сыны Разіна, сыны Нэкоды,

 

сыны Рэаі, сыны Рэцына, сыны Нэкоды,

сыны Газама, сыны Озы, сыны Пасэа,

 

сыны Газама, сыны Уззы, сыны Пасэаха,

сыны Бэсы, сыны маанітаў, сыны нэфусаў,

 

сыны Бэсая, сыны Мэуніма, сыны Нэфушэсіма,

сыны Бакбука, сыны Гакуфы, сыны Харгура,

 

сыны Бакбука, сыны Хакуфа, сыны Хархура,

сыны Баслута, сыны Магіды, сыны Гарсы,

 

сыны Бацліта, сыны Мэхіды, сыны Харшы,

сыны Бэркаса, сыны Сісары, сыны Тэмы,

 

сыны Баркоса, сыны Сісэры, сыны Тамаха,

сыны Насіі, сыны Гатыфы.

 

сыны Нэцаяха, сыны Хатыфы;

Сыноў нявольнікаў Саламона: сыны Сатая, сыны Сафэрэта, сыны Пэруды,

 

сыны слугаў Салямона: сыны Сатая, сыны Сафэрэта, сыны Пэрыды,

сыны Яалы, сыны Даркона, сыны Гідэля,

 

сыны Яалы, сыны Даркона, сыны Гіддэля,

сыны Сафаціі, сыны Гатыла, сыны Пахэрэта Гасэбаіма, сыны Амона.

 

сыны Шэфатыі, сыны Хатылы, сыны Пахэрэт-Гацэбаіма, сыны Амона.

Усіх нявольнікаў і сыноў нявольнікаў Саламона — трыста дзевяноста два».

 

Усіх нэтынэяў, сыноў слугаў Салямона — трыста дзевяноста два».

А вось тыя, што выйшлі з Тэльмэлы, Тэльгарсы, Хэруба, Адона і Эмэра і не змаглі давесці, што род бацькоў іх і паходжанне іх выводзіцца з Ізарэля:

 

А вось тыя, якія прыйшлі з Тэль-Мэляху, Тэль-Харшы, Керуб-Адону і Іммэру, але яны не маглі паказаць дому бацькоў сваіх і насеньня свайго, ці яны з Ізраілю:

сыны Далаі, сыны Тобіі, сыны Нэкоды — шэсцьсот сорак два;

 

сыны Дэлаі, сыны Товіі, сыны Нэкоды — шэсьцьсот сорак два.

і са святароў: сыны Гобіі, сыны Акоса, сыны Барзэлая, які ўзяў жонку з дачок Бэрзэлая з Галаада і быў названы іх імем.

 

А са сьвятароў: сыны Хабая, сыны Гаккоца, сыны Барзілая, які ўзяў жонку з дачок Барзілая з Гілеаду і быў названы імем іхнім.

Яны шукалі спісы свайго радаслоўя і не знайшлі; і яны былі выключаны са святарства,

 

Яны шукалі свайго запісу ў сьпісах, і ён не знайшоўся; і яны былі адлучаны ад сьвятарства,

і намеснік забараніў ім есці з пасвячонага святыні, пакуль не з’явіцца святар для ўрыму і туміму.

 

І Тыршата сказаў ім, каб яны ня елі са сьвятога сьвятых, пакуль не паўстане сьвятара з урымам і тумімам.

Уся супольнасць разам налічвала сорак дзве тысячы трыста шэсцьдзесят асоб,

 

Уся царква [налічвала] разам сорак дзьве тысячы трыста шэсьцьдзясят [чалавек],

апроч нявольнікаў і нявольніц іх, якіх было сем тысяч трыста трыццаць сем; ды яшчэ спевакоў і спявачак — дзвесце сорак пяць.

 

апрача слугаў іхніх і служак іхніх, якіх [было] сем тысячаў трыста трыццаць сем; і яны мелі дзьвесьце сорак пяць сьпевакоў і сьпявачак.

Коней мелі яны семсот трыццаць шэсць, мулаў — дзвесце сорак пяць;

 

Коней іхніх [было] семсот трыццаць шэсьць, мулаў іхніх — дзьвесьце сорак пяць,

вярблюдаў — чатырыста трыццаць пяць, аслоў — шэсць тысяч семсот дваццаць.

 

вярблюдаў — чатырыста трыццаць пяць, аслоў — шэсьць тысячаў семсот дваццаць.

Некаторыя ж кіраўнікі родаў далі на правядзенне работы: намеснік даў у скарбоўню тысячу драхмаў золата, пяцьдзесят чараў, пяцьсот трыццаць святарскіх шатаў.

 

І некаторыя з галоваў [дамоў] бацькоў далі [сродкі] на працы. Тыршата даў у скарбніцу тысячу драхмаў золата, пяцьдзясят келіхаў, пяцьсот трыццаць шатаў сьвятарскіх.

А некаторыя кіраўнікі родаў далі ў скарбоўню на правядзенне работы дваццаць тысяч драхмаў золата і дзве тысячы дзвесце мінаў срэбра.

 

І галовы [дамоў] бацькоў далі ў скарбніцу на працы дваццаць тысячаў драхмаў золата і дзьве тысячы дзьвесьце мінаў срэбра.

І астатні народ даў дваццаць тысяч драхмаў золата, ды дзве тысячы мінаў срэбра і шэсцьдзесят сем святарскіх шатаў.

 

І рэшта народу далі дваццаць тысячаў драхмаў золата, і дзьве тысячы мінаў срэбра, і шэсьцьдзясят сем шатаў сьвятарскіх.

А пасяліліся там святары і левіты; прыдзверныя ж, і спевакі, і іншыя людзі, і нявольнікі ды ўсе ізраэльцы жылі ў сваіх гарадах; і надышоў сёмы месяц; а сыны Ізраэля жылі ў сваіх гарадах.

 

І жылі сьвятары, і лявіты, і прыдзьвернікі, і сьпевакі, і нэтынэі, і [некаторыя] з народу, і ўвесь Ізраіль у гарадах сваіх. І калі настаў сёмы месяц, сыны Ізраіля [былі] ў гарадах сваіх.