Ісуса сына Нава 19 разьдзел

 

 

І другое жэрабя выпала сынам Сімяона па родах іх;

 

І вышла другое жэрабя Сымону, і пляменю сыноў Сымонавых, па радзімах іхных; і быў спадак іхны сярод спадку сыноў Юдзіных.

і ўласнасць іх знаходзілася сярод уласнасці сыноў Юды. Бээр-Сэба, або Сама, і Малада,

 

І было ў іх, у спадку іхным: Веер-Шэва а Шэва а Молада

і Асарсуал, і Бала, і Эсэм,

 

А Гацар-Шуал а Вала а Ацэм

і Эльталад, і Бэтул, і Хорма,

 

А Елтолад а Вефул а Горма

і Сікэлаг, і Бэтмархабот, і Асарсуса,

 

А Цыклаґ а, Веф-Маркавоф а Гацар-Суса

і Бэтлебаот, і Сараген: трынаццаць гарадоў з іх навакольнымі вёскамі.

 

А Веф-Леваоф а Шаруген: трынанцаць местаў ізь сёламі іх.

Аін, і Рэмон, і Этэр, і Асан: чатыры гарады з іх навакольнымі вёскамі.

 

Ен-Рыммон а Ефер а Ашан: чатыры месты ізь сёламі іх.

Усе вёскі вакол гэтых гарадоў аж да Баалат-Бээра, значыць Рамот-Нагэба: гэта ўласнасць сыноў Сімяона па родах іх.

 

І ўсі сёлы, каторыя наўкола местаў гэтых аж да Ваалаф-Веера, паўднявое Рамы. Гэта спадак плямені сыноў Сымонавых, па радзімах іхных.

Частка для сыноў Сімяона ўзятая была з уласнасці сыноў Юды, якая была даволі вялікай; і таму сыны Сімяона атрымалі ўласнасць між іх.

 

Зь дзелі сыноў Юдзіных спадак сыноў Сымонавых, бо дзель сыноў Юдзіных была лішне вялікая ім; затым адзяржалі спадак сынове Сымонавы сярод іхнага спадку.

І трэцяе жэрабя выпала сынам Забулона па родах іх; мяжа іх уладання была аж да Сарыда,

 

І ўзышло трэйцяе жэрабя сыном Завулонавым, па радзімах іхных, і была граніца спадку іхнага аж да Сарыду.

і ішла на захад да Мэралы, і даходзіла да Дэбасэта аж да ручая, які насупраць Екнаама,

 

Узыходзе граніца іхная да мора а Марэалі, і натыкаецца на Дабешэфа, і натыкаецца на цурэй, каторы перад Ёкнеямам,

ад Сарыда паварочвала на ўсход у напрамку Кэсэлет-Табора, і ішла да Дабэрэта і падымалася да Яфіі.

 

І паварачае ад Сарыду ў кірунку ўсходнім, на ўсход сонца аж да граніцы Кіслоф-Фавору, адгэтуль да Даверафу і ўзыходзе аж да Яфы.

І адтуль мяжа пераходзіла на ўсход, да Гет-Хефэра, да Этакасіна, і выходзіла да Рэмона, і ўхілялася да Ноа,

 

А адгэтуль праходзе ў кірунку ўсходнім да Ґаф-Гэферу, да Іт-Кацыну, і выходзе да Рыммону, Міфоару а Неі.

і ішла на поўнач каля Ханатона. І былі ў яе выхады да даліны Эфтагэл;

 

І акружае яго граніца з поўначы да Ганафону, і канцы яе былі ў даліне Іфтагэль.

і Катэт, і Наалол, і Сэмрон, і Едала, і Бэтлехэм: дванаццаць гарадоў разам з іх вёскамі.

 

Адлі Катаф а Нагалал а Шымрон а Ідала а Бэтлеем: двананцаць местаў ізь сёламі іх.

Такая ўласнасць пакалення сыноў Забулона па родах іх, гарады з іх навакольнымі вёскамі.

 

Гэта спадак сыноў Завулонавых, па радзімах іхных, гэта месты а сёлы іхныя.

Чацвёртае жэрабя выпала на пакаленне Ісахара па родах яго.

 

Іссасхару вышла жэрабя чацьвертае, сыном Іссасхаровым, па радзімах іхных.

І ўласнасцю яго былі Езрагэль, і Хасалот, і Сунам,

 

І былі граніцы іхныя: Ізрэель а Кесулоф а Шунем

і Хафараім, і Сэон, і Анахарат,

 

А Гафараім а Шыён а Анагараф

і Рабіт, і Кэслон, і Абэс,

 

А Раўвіф а Кіш’ён а Евец

і Рамэт, і Эн-Ганім, Эн-Гадзі, і Бэтпэсас.

 

А Рэмеф а Ен-Ґанім а Ен-Гадда а Веф-Пацэц.

І дасягала мяжа яго аж да Табора, і Сэгасімы, і Бэтсамэса, і былі ў яе выхады да Ярдана; шаснаццаць гарадоў з іх навакольнымі вёскамі.

 

І натыкаецца граніца на Фавор а Шагацуму а Веф-Шемес, і былі канцы граніцы ля Ёрдану: шаснанцадь местаў ізь сёламі іх.

Такая ўласнасць сыноў Ісахара па родах іх, гарады і іх навакольныя вёскі.

 

Гэта спадак плямені сыноў Іссасхаровых, па радзімах іхных; гэта месты а сёлы іхныя.

І пятае жэрабя выпала пакаленню сыноў Асэра па родах іх.

 

І вышла жэрабя пятае плямені сыноў Ашэравых, па радзімах іхных.

І мяжой іх былі: Хэлькат, і Халі, і Бэтэн, і Ахсаф,

 

І была граніца іхная: Гэлкаф а Галі а Ветэн а Ахшаф

і Эльмэлех, і Амаад, і Масал, і даходзіла мяжа аж да Кармэля на захадзе і аж да Сігор-Лабаната;

 

А Аламелех а Амад а Мішал. І натыкаецца на Карміл із заходняга боку а Шыгор-Ліўнаф,

і паварочвала на ўсход да Бэтдагона, і дасягала Забулона і даліны Эфтагэл на поўначы, і ішла далей праз Бэтэмэк і Наэль. І выходзіла да левага боку Кабула,

 

І паварачае на ўсход сонца да Веф-Даґону, і натыкаецца на Завулон а даліну Іфта-Эль на поўнач Веф-Емену а Неелю, і йдзець ля Кавулу, зь левага боку.

і да Абрана, і Рагоба, і Хамона, і Кана аж да вялікага Сідона;

 

Адлі ля Еўрону а Рэгову а Гамону а Каны аж да Сыдону Вялікага.

і заварочвала да Рамы аж да вельмі ўмацаванага горада Тыра, і вярталася да Госы; і былі ў яе выхады ў мора; Махалеб і Ахзіб,

 

Потым зварачаецца граніца да Рамы аж да ўмацаванага места Тыра; і паварачае граніца да Госы, і былі канцы яе ля мора, у раёне Ахзыве

і Ама, і Афэк, і Рагоб: дваццаць два гарады з іх навакольнымі вёскамі.

 

А ў Умме а Афеку а Рэгове: дваццаць два месты ізь сёламі іх.

Гэта ўласнасць пакалення сыноў Асэра па родах іх; гарады і сёлы іх.

 

Гэта спадак плямені сыноў Ашэровых, па радзімах іхных; гэта месты а сёлы іхныя.

Шостае жэрабя выпала сынам Нэфталі па родах іх.

 

Сыном Неффалімовым вышла шостае жэрабя, сыном Неффалімовым, па радзімах іхных.

І мяжа іх ішла з Гэлефа і ад дуба ў Саананіме і да Адамі-Нагэба і Ібнээля, аж да Лекума, і выхады ў яе былі аж да Ярдана;

 

І была граніца іхная ад Гэлефу, ад дубровы да Цананіму а Адамі-Некеву а Яўнеелю аж да Лакуму, і былі канцы яе ля Ёрдану.

і на захадзе мяжа ішла да Азнот-Табора, і адтуль выходзіла на Хукок і датыкалася Забулона на поўдні, і Асэра на захадзе, і Ярдана — на ўсходзе сонца;

 

І зварачаецца граніца на захад да Азноф-Фавору, і йдзець стуль да Гукоку, і натыкаецца на Завулон з паўдня, і на Ашэр натыкаецца із захаду, і на Юду ля Ёрдану, з усходу сонца.

гарадамі самымі ўмацаванымі былі: Асэдым, Сэр і Амат, Рэкат і Кінэрэт,

 

А месты ўмацаваныя: Цыдым, Цэр а Гамар, Раккаф а Хінэрэф

і Адама, і Рама, і Асор,

 

А Адама а Рама а Гацор

і Кадэс, і Эдраі, і Эн-Асор,

 

А Кедэш а Едрэя а Ен-Гацор

Ярон і Магдалэль, Харэм, і Бэтанат, і Бэтсамэс: дзевятнаццаць гарадоў з іх навакольнымі вёскамі.

 

А Ірон а Міґдал-Эль, Горэм а Веф-Анаф а Веф-Шэмес: дзевятнанцаць местаў ізь сёламі іх.

Такая ўласнасць пакалення сыноў Нэфталі па родах іх; гарады з іх навакольнымі вёскамі.

 

Гэта спадак плямені сыноў Неффалімовых, па радзімах іхных; гэта месты а сёлы іхныя.

Сёмае жэрабя выпала сынам Дана па родах іх.

 

Плямені сыноў Дановых, па радзімах іхных, вышла жэрабя сёмае.

І мяжою яго ўласнасці былі: Цора, і Эстаол, Гір-Самэсa.

 

І былі граніцаю спадку іхнага: Цора а Ештаол а Ір-Шэмеш

і Сэлебін, і Аялон, Ятэла,

 

А Ша-Алаўвін а Айлон а Іфла

і Элон, і Тамна, і Акарон,

 

А Елон а Фімна а Екрон

і Эльтэк, і Габэтон, і Баалат,

 

А Елтэке а Гіўвефон а Ваалаф

і Юда, і Бэнэбарах, і Гет-Рэмон,

 

А Ігуд а Бене-Верак а Ґаф-Рыммон

і Мэяркон, і Арэкон з мяжою, што глядзіць на Ёпэ.

 

А Ме-Яркон а Ракон із граніцаю супроці Еппы.

І мяжа сыноў Дана ўцякае ад іх. І выправіліся сыны Дана, і ўступілі ў бой з Ласэмам, і занялі яго; і забілі яго вастрыём меча, і апанавалі яго, і абжыліся там, і назвалі яго Ласэм-Дан, ад імя Дана, бацькі свайго.

 

І ад іх вышла граніца сыноў Дановых. І ўзышлі сынове Дановы, і ваявалі ізь Лешэмам, і зваявалі яго, і зразілі яго лязом мяча, і адзяржалі яго на спадак, і асяліліся ў ім, і назвалі Лешэм Данам подле імені Дана, айца свайго.

Такое ўладанне пакалення сыноў Дана па родах іх, гарады і сёлы іх.

 

Гэта спадак плямені сыноў Дановых, па радзімах іхных: гэта месты а сёлы іхныя.

І калі сыны Ізраэля скончылі падзел зямлі жэрабем для кожнага з пакаленняў сваіх, тады сыны Ізраэля далі ўласнасць Ешуа, сыну Нуна, пасярод сябе;

 

І скончылі дзяліць зямлю па граніцах яе; і далі сынове Ізраелявы спадак Ігошуу Нунянку сярод сябе.

па загадзе Госпада далі яму горад, які ён запатрабаваў для сябе: Тамнатсар на гары Эфраім. І ён адбудаваў гэты горад і абжыўся ў ім.

 

З расказаньня СПАДАРОВАГА далі яму места, каторага ён прасіў, Фімнаф-Сэраг, на гары Яхрэмавай; і збудаваў ён места, і жыў у ім.

Гэта ўладанні, якія падзялілі жэрабем Элеязэр святар, і Ешуа, сын Нуна, і князі пакаленняў сыноў Ізраэля ў Сіло ў прысутнасці Госпада пры ўваходзе ў палатку сустрэчы; і быў скончаны падзел зямлі.

 

Гэта спадкі, каторыя раздалі на спадкі плямёнам сыноў Ізраелявых Елеазар, Ігошуа Нунянок а галавы айцоў, жэрабям у Шыле, перад відам СПАДАРОВЫМ, ля ўходу будану збору. І скончылі дзяльню зямлі.