Выслоўяў Саламонавых 3 разьдзел
Кніга выслоўяў Саламонавых
Пераклад Яна Станкевіча → Пераклад Антонія Бокуна
Сыну мой, права майго не забудзься, і расказаньні мае хай дзяржыць сэрца тваё;
Сыне мой, не забывайся настаўленьня майго, і няхай сэрца тваё захоўвае прыказаньні мае,
Бо даўгія дні а гады жыцьця і супакой яны дададуць табе.
бо доўгія дні, гады жыцьця і супакой прынясуць яны табе.
Міласэрдзе а праўда хай не пакінуць цябе; завяжы іх на шыі сваёй, напішы іх на табліцы сэрца свайго,
Міласэрнасьць і праўда няхай не пакідаюць цябе, абвяжы імі шыю сабе і напішы іх на табліцах сэрца твайго,
Знаходзячы гэтак зычлівасьць і добры розум у ваччу Бога й людзіны.
і знойдзеш ты ласку і спагаднасьць у вачах Бога і людзей.
Спадзявайся на СПАДАРА ўсім сэрцам сваім і не апірайся на розум свой;
Спадзявайся на ГОСПАДА ўсім сэрцам сваім і не абапірайся на розум свой.
У вусіх дарогах сваіх пазнай Яго, і Ён будзе кіраваці дарогі твае.
Думай пра Яго на ўсіх шляхах тваіх, і Ён выпрастуе сьцежкі твае.
Ня будзь мудры ў ваччу сваім; бойся СПАДАРА й адхінайся ад ліха:
Ня будзь мудры ў вачах сваіх, бойся ГОСПАДА і пазьбягай ліхоты.
Гэта будзе лекам пупу твайму і вогкасьцю касьцём тваім.
Гэта будзе здароўем для цела твайго і спасіленьнем косткам тваім.
Сьці СПАДАРА зь меньня свайго і першым з усёга прыбытку свайго. —
Шануй ГОСПАДА ўсёй маёмасьцю тваёй і пяршынамі ўсіх пладоў тваіх,
І сьвірны твае напоўняцца множасьцяй, і вінны сок будзе пералівацца ў таўчэльнях тваіх.
і напоўняцца гумны твае збожжам, а тоўчні твае перапоўняцца новым віном.
Ня грэбуй зырам СПАДАРОВЫМ, сыну мой, ня брыдзься ўпікамі Ягонымі;
Не адкідай, сыне мой, настаўленьня ГОСПАДАВА, і не ўхіляйся, калі Ён дакарае цябе,
Бо каго СПАДАР любе, таго зыра, як айцец сына, катораму прыяе.
бо каго любіць ГОСПАД, таго кара́е, як бацька, які спагада́е сыну.
Шчасьлівы чалавек, што знайшоў мудрасьць, чалавек, што прыдбаў розум:
Шчасьлівы чалавек, які знайшоў мудрасьць, і чалавек, які прыдбаў разуменьне.
Бо тавар ізь яе лепшы за тавар срэбны, і прыбытак ізь яе лепшы за найчыстшае золата.
Бо здабыць яе лепш, чым здабыць срэбра, і плады ейныя лепшыя за золата.
Дарожшая яна за пэрлы, і ўсе жаданае табою не зраўнаецца зь ёй;
Яна — каштоўнейшая за пэрліны, і нішто з таго, што ты прагнеш, ня можа параўнацца з ёю.
Даўжыня дзён у яе правіцы, і ў левай яе багацьце а пачэсьць;
Доўгасьць дзён у правай руцэ яе, а ў левай руцэ — багацьце і слава.
Дарогі ейныя — дарогі прыемнасьці, і ўсі сьцежкі ейныя — супакой;
Шляхі яе — шляхі прыемныя, і ўсе сьцежкі ейныя — супакой.
Дзерва жыцьця яна дзержачым яе, і шчасьлівы, хто моцна апіраецца на яе.
Яна — дрэва жыцьця для тых, што трымаюцца яе, шчасьлівыя тыя, якія абапіраюцца на яе.
СПАДАР мудрасьцю заклаў зямлю, умацаваў нябёсы розумам.
ГОСПАД мудрасьцю заснаваў зямлю, нябёсы ўмацаваў розумам.
Ведаю Ягонаю глыбіні праломлены, і булакі точаць расу.
Яго веданьнем расчыніліся бяздоньні і аблокі імгляць расою.
Сыну мой, няхай яны не здаляюцца ад аччу тваіх; заховуй існае а разважнасьць:
Сыне мой, няхай гэта не адыходзіць ад вачэй тваіх, захоўвай разумнасьць і разважнасьць.
І будуць жыцьцём душы тваёй і прыборам шыі тваёй.
І яны стануцца жыцьцём для душы тваёй і аздобаю для шыі тваёй.
Тады бясьпечна пойдзеш па дарозе сваёй, і нага твая не спатыкнецца.
Тады пойдзеш бясьпечна шляхам сваім, і нага твая не пахісьнецца.
Як ляжаш, ня будзеш баяцца; але, ляжаш, і сон твой будзе салодкі.
Калі ляжаш спаць, ня будзеш мець страху, і калі засьнеш, сон твой будзе салодкі.
Ня будзеш баяцца неспадзеўнага спалоху ані спустошаньня нягоднікаў, як яно прыйдзе;
Не спалохаешся раптоўнага страху і загубы бязбожнікаў, калі яна прыйдзе,
Бо СПАДАР будзе тайкаю тваёй і ўсьцеражэць нагу тваю ад схапленьня.
бо ГОСПАД будзе спадзяваньнем тваім і захавае нагу тваю ад пасткі.
Не адмаўляй добра тым, каму яно належа, калі ё сіла ў руццэ тваёй зрабіць гэта.
Не адмаўляй у дабрадзействе таму, хто патрабуе, калі рука твая мае сілу зрабіць гэта.
Не кажы прыяцелю свайму: «Ідзі й зьвярніся, і заўтра я дам табе», калі маеш із сабою.
Не кажы бліжняму твайму: «Ідзі сабе і прыйдзі зноў, заўтра дам табе», калі маеш гэта пры сабе.
Не задумляй ліха на прыяцеля свайго, бо бясьпечна ён жывець із табою.
Не надумляй ліхоцьця супраць бліжняга твайго, калі ён жыве пры табе бясьпечна.
Ня вадзься з чалавекам бяз прычыны, як ён не зрабіў крыўды табе.
Не сварыся з чалавекам без прычыны, калі ён не зрабіў табе нічога благога.
Не завідуй глабаньніку і не выбірай ні воднае з дарогаў ягоных;
Не зайзросьці чалавеку злачыннаму і не выбірай ніводнага са шляхоў ягоных,
Бо агіда СПАДАРУ крутадушнасьць, але з пасьцівымі тайная рада Ягоная.
бо ГОСПАД брыдзіцца крывадушным, а з пра́вымі Ён сябруе.
Праклён СПАДАРОЎ на доме нягоднага, але Ён дабраславе сялібу справядлівых.
Праклён ГОСПАДАЎ на доме бязбожніка, але жытло праведных Ён дабраслаўляе.
Скалазубамі Ён грэбуе, але пакорным даець ласку.
Ён сьмяецца з насьмешнікаў, а пакорным ласку дае.
Чэсьць спадзець мудрым, але дурных панясець сорам.
Мудрыя атрымаюць у спадчыну славу, а бязглуздыя насіць будуць ганьбу.
