1 И гды приближилисе до Ерусолима, до Віфсфагии и Вифании, къ горе оливной, послалъ дву зъ учениковъ Своихъ •
2 И мовилъ имъ: идите в весь которая есьть противъ вамъ, и на тых местъ входечи в нее, найдете жеребя пъривязаное, на которомъ нихто з чоловековъ не всядалъ, отвезавши его приведите • [1]
3 А есьли хто вамъ речеть, шъто чините то, речите: ижъ Панъ потребуеть его, и на тых местъ пошлеть его сюды •
4 И шлі и нашлі жеребя привязано подле дьверей з надворья на ростанях, отвезали его •
5 И некоторые з стоечихъ тамъ мовили: што делаете отвязываючи жереба?
6 А они рекли имъ, якъ пріказалъ имъ Исусъ, и опусьтили ихъ •
7 И привели жереба къ Исусу, и взложили на него одежі свои, и вселъ на него •
8 Многие тежъ одежи свои слалі по дорозе, другие пакъ гольцы резалі з деревья, и посьтілали по дорозе •
9 А впередъ идучие, и всьледъ идучие, кричали, мовечи: Осанна, блогословеный Идучий во имя Панское •
10 Благословено идучое королевство во имя Панское, отца нашого Давыда, Осанна,[2] на высокосьти •
11 И вшолъ до Ерусолима Исусъ, и в церковъ, и огледевши все позной ужо будучи године, вышолъ до Вифании, з дванадцатьми • [3]
12 А на завтрее вышодшимъ имъ з Вифании, з голоднелъ • [4]
13 И увидевши фигу здалека маючую лисьтье, пришолъ есьли бы што нашолъ на ней, и пришодши к ней, ничого не нашолъ, только листье, еще бо не былъ часъ фигамъ •
14 И отповедаючи Исусъ, рекъ ей: нехай к тому з тебе навеки нихто овощу не есьть, и слышелі ученіки Его •
15 И пришли до Ерусолима, и вшодши Исусъ в церковъ, почалъ выганяти, продаючихъ и купуючихъ в церкви, и столы торговцомъ[5] и стольцы продаючихъ голуби пооброкидалъ •
16 И не давалъ бы хто носилъ судье скрозь церковъ •
17 И учинилъ мовечи имъ: не есьть ли написано: ижъ домъ Мой, домъ молитвы назоветьсе, всимъ народомъ, а вы учинилисте его печорою розъбойничою • [6]
18 И слышачи учоные, и переднейшіе оферовнікі, и искалі, якъ Его згубіті, бояли бо се Его, ижъ вся тижба дивиласе о науце Его •
19 И якъ (ужо) позно было, выходилъ вонъ з города •
20 А в раньи мимо идучи, увидели фигу усохши с кореня • [7]
21 И вспоменувші Петръ, мовіл Ему: Учітелю, відь фігу которуюсь проклялъ усула •
22 И отповедаючи Исусъ мовилъ имъ: мейте веру Божъю •
23 Правъдиве бо мовлю вамъ: ижъ которий кольвекъ речеть горе той, рушъсе и вкиньсе в море, и не феетьсе в серцы своемъ, але веру маеть, ижъ што мовит, збудетьсе, станет се ему што кольвекъ речет •
24 Того деле мовлю вамъ: все о што кольвекъ молечися просите, верте ижъ озьмете, и станетсе вамъ • [8]
25 А гды станете молечисе, отпущайте есьли што маете протівъ кого, бы и Отець вашъ которій есьть на небесехъ, отпусьтилъ вамъ згрешенья ваши • [9]
26 Есьли пакъ вы не отпущаете, ні Отець вашъ, Которій есьть на небесехъ отпусьтить вамъ згрешенья вашого •
27 И прішлі засе до Иерусоліма, и в церкві ходечі Ему, прішлі к Нему переднейшіе оферовнікі и учоные и старшие • [10]
28 И мовили Ему: которую владносьтью тое чинишъ, и хто Тобе владносьть тую далъ, бысь тое чинилъ?
29 А Исусъ отповедаючи рекъ имъ: спытаю васъ и Я слова одного, а отповедьте Ми, и споведаю вамъ которою владносьтью тое чиню •
30 Крещенье Иоаново зъ неба ль было, або з людей, отповедьте Ми •
31 И мысьлили к собе мовечи: есьлі речемъ з неба, речеть, чому прото не уверилисьте ему •
32 Але (и) есьли речемъ з людей, боимъсе люду, вси бо мели Иоана, ижъ правдиве пророкъ былъ •
33 И отповедаючи мовили Исусу: не ведаемъ, а отповедаючи Исусъ, мовилъ имъ: ни Я скажу вамъ, которую владносьтью тое чиню •
Каментары ці зноскі:
2 [1] Мат 21:2; Лук 19:29.
10 [2] Гледи о томъ слове, у Матфея при главе 21:9.
11 [3] Мат 21:11; Лук 19:45; Иоан 2:13.
12 [4] Мат 21:18.
15 [5] Гледи о томъ слове, у Матфея при главе 21:12.
17 [6] Исаи 56:7; Еремеи 7:11.
20 [7] Мат 21:19.
24 [8] Мат 7:7; Лук 11:9.
25 [9] Мат 21:22; Иоан 15:7; Мат 6:14.
25 [10] Мат 21:23; Лук 20:1.
Тяпінскі па рознаму выкарыстоўвае — одежі / одежи (7/8); столы / стольцы (15); Ерусолима / Иерусоліма (15/27); фигу / фігу (20/21); мовіл / мовилъ (21/22).
У Архангельскім асобніке адсутнічае старонкі 11 разьздела з вершамі — 11−23.
Знайшлі памылку ў тэксце? Вылучыце яе і націсніце:
Ctrl + Enter
Евангелия напісанная черезъ Марка, 11 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2024, Алічбованне — Сяргей Шобік, biblia.by.