1 И мовилъ имъ: правдиве мовлю вамъ: ижъ суть некоторие зъсезьде стоячихъ, которие не мають вкусити сьмерти, ажъ увидять Королевство Божъе пришодшое в моцы • [1]
2 И по шесьти дняхъ, взялъ Исусъ Петъра и Якова, и Иоана, и взвелъ ихъ на гору высокую особно одны, и переменилсе перед ними • [2]
3 А одежи Его были блыщачися белы вельми якъ сьнегъ, якіхъ не можеть белильникъ убелити на земли •
4 И явилъсе имъ Илья з Моисеемъ, и были зъ Исусомъ мовечи •
5 А отповедаючи Петръ, мовилъ Исусу: Учителю, добро ест намъ сезъде быти, и учинимъ накритья три, Тобе одно, а Моисею одъно, а Ильи одъно •
6 Не ведалъ бо што говорилъ, были бо перестрашени •
7 И былъ оболокъ засланяючий ихъ, и пришолъ голосъ зъ облока, Тотъ ест Сынъ Мой Умилованый, Того слухайте • [3]
8 И спрудъка возревши, к Тому никого не видели, только Исуса одного з собою •
9 А сходечимъ имъ зъ гори, заказалъ имъ, бы никому не поведали, што видели, только (ажъ) гды Сынъ Чоловечий з мертвых вскресьнет •
10 И (также тое) слово задержалі в собе, розмавляючісе, што ест то з мертвыхъ вскреснути?
11 И спыталі Его мовечи: якъ мовять учоные, ижъ Ильи потреба прийти впередъ?
12 А Онъ отповедаючи рекъ имъ: Илья исьте пришодши впередъ, направить все, и яко есьть написано о Сыне Чоловечьемъ, бы много утерпелъ, и взгоржонъ былъ • [4]
13 Але мовлю вамъ: ижъ Илья пришолъ, и учинили ему што хотели, и якъ есьть написано о немъ •
14 И пришодши къ ученикомъ, увиделъ тижбу многую около нихъ, и учоные розмавляючисе с ними •
15 И на тых местъ вся тижба увидевши Его, злеклисе, и прибегаючи поздоровляли Его •
16 И спыталъ учоныхъ: што розмавляетесе межи собою?
17 И отповедаючи одинъ з тижбы, рекъ: Учителю, привеломъ сына моего к Тобе, маючого духъ немый • [5]
18 И где коли иметь его, розбиваеть его, и пены точить, и скригичеть зубы своими, и схнеть, и говориломъ ученикомъ Твоимъ, бы выгналі его, и не могли •
19 А Онъ отповедаючи ему, мовилъ: о роде неверный, поколь межи вами буду, поколь терпети васъ, приведите его ко Мне •
20 И привели его к Нему, и увидевши Его, на тых местъ духъ затресь его, и падши на земли, валялъсе, пены точачи • [6]
21 И спыталъ отца его, колько летъ есьть откуле то сталосе ему? а онъ рекъ: зъ детиньства •
22 И часто в огонь вкидывалъ его, и в воды, бы зъгубилъ его, але есьли што можешь, поможи намъ, умилосердившисе о насъ •
23 А Исусъ рекъ ему: есьли бысь што могъ верити, все можно веруючому •
24 И на тых местъ закрічавши отець дитячий, зъ сьлезами мовилъ: верую Пане, поможи моему недоверству •
25 Увидевъши пакъ Исусъ, ижъ збегаеться тижба, заказалъ духу нечистому, мовечи ему: духу немый и глухий, Я тобе велю: выйди зъ него, и къ тому не входи в него •
26 И закричавші и много моцовавшисе, вышолъ, и былъ якъ мертвый, ижъ тежъ многие мовили: ижъ умеръ •
27 А Исусъ инявши его за руку взвелъ его, и всъталъ •
28 И вшодши ему в домъ, ученики Его пытали Его одного: якъ мы не моглисмо выгнати его?
29 И рекъ имъ: тотъ родъ ничимъ не можеть выйти, только молитвою и постомъ •
30 И оттуль вышодши шли скрозъ Галилею, и не хотелъ бы хто уведалъ •
31 Училъ бо ученики Свои, и мовілъ имъ: ижъ Сынъ Чоловечій, выданъ будет в руки люцъские, и забъють Его, и забітым будучі третего дня вскресьнет • [7]
32 Лечъ они не розумели (тое) мовы, а боялисе Его спытать •
33 И пришолъ в Капернаумъ, и в дому будучи, спыталъ ихъ: што на дорозе межи собою помышлялисьте?[8]
34 А они молчали, другъ къ другу, бо розмавлялисе на дорозе, хто есьть больший • [9]
35 И седши приклікалъ дванадцати, и мовилъ имъ: есьли хто хочеть старший быти, нехай будеть всихъ менший, и всимъ слуга •
36 И взявши дитя, поставилъ его в посредку ихъ, и обнявши его, рекъ имъ:[10]
37 Которий кольвекъ одно таковыхъ детей прийметь во имя Мое, Мене приймуеть, а которий Мене приймуеть, не Мене приймуеть, але Пославъшого Мене • [11]
38 Отъповедилъ Ему Иоанъ, мовечи: Учителю, видели хмо, некоторого именемъ Твоимъ выганяючого бесы, которий не ходить за нами, и заборонилисмо ему, ижъ не ходить за нами • [12]
39 А Исусъ рекъ: не бороните ему, нихто бо не есьть которій чинечи моцъ черезъ имя Мое, и (же бы) взмогъ борздо злословити Мене • [13]
40 Которий бо не ест противъ васъ, за вами ест •
41 Которий бо кольвекъ напоить васъ чашою воды во имя Мое, ижъ Христові есьте, правдіве мовлю вамъ, не потеряеть заплаты своее • [14]
42 А которий кольвекъ згоршить одного з малыхъ тыхъ веруючихъ в Мене, лепши есьть ему радней, есьли бъ обложонъ камень жорновъный округъший его, и вкиненъ былъ в море • [15]
43 И есьли згоршаеть тебе рука твоя, отсечи ее, добро тобе есьть уломному до живота въвойти, нижли обедве руки маючому, ввойти в муку, въ огонь неугасаючий • [16]
44 Где червякъ ихъ не умираеть и огонь не угасаеть • [17]
45 И есьли нога твоя згоршаеть тебе, отсечи ее, добро тобе есьть ввойти до живота хромому, нижли две нозе маючому, вкиненому быти в муку въ огонь неугасаючий •
46 Где червякъ ихъ не умираеть и огонь не угасаеть •
47 И есьли око твое згоршаеть тебе, выторгни его, добро тобе есьть зъ однымъ окомъ ввойти в Королевъство Божъе, нижъли две очи маючому вкиненому быти в муку огненую •
48 Где червякъ ихъ не умираеть и огонь не угасаеть •
49 Каждый бо огнемъ осолітьсе, и каждая офера солью осолитьсе •
50 Добро соль есьли пакъ соль не солона будеть, чимъ осолитьсе, мейте соль въ собе, а покой мейте межи собою • [18]
Каментары ці зноскі:
1 [1] Мат 16:28; Лук 9:27.
2 [2] Мат 17:1; Лук 9:28.
7 [3] Мат 3:17 и 17:5; Лук 3:22 и 9:35; 2 Петр 1:17.
12 [4] Мат 17:11; Малахеи 4:5.
17 [5] Мат 17:14.
20 [6] Мат 17:18.
31 [7] Мат 17:22 и 20:18; Лук 9:22.
33 [8] Мат 18:1; Лук 9:46.
34 [9] Мат 20:21; Лук 22:24; Ниже (Мар) 10:35.
36 [10] Ниже (Мар) 10:15.
37 [11] Мат 18:5; Лук 9:48 и 10:16; Иоан 13:20.
38 [12] Лук 9:49.
39 [13] 1 Кор 12:3.
41 [14] Мат 10:42.
42 [15] Мат 18:6; Лук 17:1.
43 [16] Мат 5:30 и 18:8.
44 [17] Исаи 66:24.
50 [18] Мат 5:13; Лук 14:34.
Тяпінскі па рознаму выкарыстоўвае — одно / одъно (5); Чоловечий / Чоловечьемъ / Чоловечій (9/12/31); мовилъ / мовілъ (24/31); будучі / будучи (31/33); въвойти / ввойти (43); нижъли / нижли (45/47); осолітьсе / осолитьсе (49).
Знайшлі памылку ў тэксце? Вылучыце яе і націсніце:
Ctrl + Enter
Евангелия напісанная черезъ Марка, 9 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2024, Алічбованне — Сяргей Шобік, biblia.by.