Лукаша 3 разьдзел
Паводле Лукаша Сьвятое Дабравесьце
Пераклад Чарняўскага 2017 → Пераклад Чарняўскага 2003
На пятнаццаты год панавання цэзара Тыберыя, калі Понцкі Пілат кіраваў у Юдэі, а Ірад быў тэтрархам Галілеі, а брат яго Піліп — тэтрархам Ітурэі і Траханіцкай краіны, а Лісанія — тэтрархам Абіліны,
На пятнаццаты год панавання цэзара Тыберыя, калі Понцкі Пілат кіраваў у Юдэі, а Ірад быў тэтрархам Галілеі, а брат яго Піліп — тэтрархам Ітурэі і Траханіцкай краіны, а Лісанія — тэтрархам Абіліны,
пры першасвятарах Анну і Каяфу было слова Бога да Яна, сына Захарыі, у пустыні.
пры першасвятарах Анну і Кайфу было слова Бога да Яна, сына Захарыі, у пустыні.
І прайшоў ён усю зямлю вакол Ярдана, прапаведуючы хрост навяртання дзеля адпушчэння грахоў,
І прайшоў ён усю зямлю вакол Ярдана, прапаведуючы хрост навяртання дзеля адпушчэння грахоў,
як напісана ў кнізе прамоў Ісаі прарока, які гаворыць: «Голас лямантуючага ў пустыні: “Рыхтуйце дарогу Госпаду, прастуйце сцежкі Яму.
як напісана ў кнізе прамоў Ісаі прарока: «Голас лямантуючага ў пустыні: рыхтуйце дарогу Госпаду, прастуйце сцежкі Яму.
Хай усякая яма будзе засыпана, і кожная гара і ўзгорак хай будуць паніжаны, і крывізны хай стануць роўнымі, а церні — гладкімі дарогамі,
Хай усякая яма будзе засыпана, і кожная гара і ўзгорак хай будуць паніжаны, і крывізны хай стануць роўнымі, а церні — гладкімі дарогамі,
і ўбачыць усякая плоць збаўленне Бога”».
і ўбачаць усе канцы свету збаўленне Бога нашага».
І натоўпам, што прыходзілі да яго атрымаць хрост, гаварыў: «Змяінае племя, хто паказаў вам, што пазбегнеце будучага гневу?
І натоўпам, што прыходзілі да яго атрымаць хрост, гаварыў: «Змяінае племя, хто заверыў вас, што ўсцеражэцеся будучага гневу?
Чыніце належныя плады навяртання, і перастаньце хваліцца між сабой: “Маем бацьку Абрагама”; бо кажу вам, што Бог можа з гэтых камянёў падняць сыноў Абрагаму.
Чыніце належныя плады навяртання, і перастаньце хваліцца між сабой: «Маем бацьку Абрагама»; кажу вам, што Бог можа з гэтых каменняў падняць сыноў Абрагаму.
Ужо, вось, сякера прыстаўлена да карэнняў дрэў, кожнае дрэва, што не дае добрага плода, будзе ссечана і кінута ў агонь».
Ужо вось сякера прыстаўлена да карэнняў дрэў, кожнае дрэва, што не дае добрага плода, будзе ссечана і кінута ў агонь».
Дык пыталіся ў яго натоўпы: «Што тады маем рабіць?»
Дык пыталіся ў яго натоўпы: «Што тады маем рабіць?»
Адказваючы, ён гаварыў ім: «Хто мае дзве вопраткі, хай дасць таму, хто не мае. І хто мае ежу, хай зробіць падобна».
Адказваючы, ён гаварыў ім: «Хто мае дзве вопраткі, хай дасць таму, хто не мае. І хто мае ежу, хай зробіць падобна».
Прыходзілі таксама мытнікі, каб атрымаць хрост, і яны сказалі яму: «Вучыцелю, што мы маем рабіць?»
Прыходзілі таксама мытнікі, каб атрымаць хрост, і яны сказалі яму: «Вучыцелю, што мы маем рабіць?»
А ён ім сказаў: «Нічога не патрабуйце больш таго, што вам прызначана».
А ён ім сказаў: «Нічога не рабіце больш таго, што вам прызначана».
Пыталіся ў яго таксама жаўнеры, кажучы: «А што мы маем рабіць?» А ён ім казаў: «Нікога не біце, не нагаворвайце і будзьце задаволены сваёю платаю».
Пыталіся ў яго таксама жаўнеры, кажучы: «А што мы маем рабіць?» А ён ім казаў: «Нікога не біце, не нагаворвайце і будзьце задаволены сваёю платаю».
А калі народ сумняваўся ды ўсе ў душы пачыналі разважаць пра Яна, ці ён часам не Хрыстос,
А калі народ сумняваўся ды ўсе ў душы пачыналі разважаць пра Яна, ці ён часам не Хрыстос,
Ян адказваў, кажучы ўсім: «Я хрышчу вас вадою. Але ідзе дужэйшы за мяне, Катораму я не варты развязаць рамень Яго пасталоў. Ён будзе вас хрысціць Духам Святым і агнём.
Ян адказваў, кажучы ўсім: «Я хрышчу вас вадою. Але прыйдзе дужэйшы ад мяне, Катораму я не варты развязаць рамень Яго пасталоў. Ён будзе вас хрысціць Духам Святым і агнём.
Ён трымае ў руцэ Сваёй веялку і ачысціць ток Свой, ды збярэ пшаніцу ў свіран Свой, а салому спаліць у агні незгасальным».
Ён трымае ў руцэ Сваёй веялку і ачысціць ток Свой, ды збярэ пшаніцу ў свіран Свой, а салому спаліць у агні незгасальным».
Многаму таксама іншаму навучаючы, абвяшчаў народу добрую вестку.
Многаму таксама іншаму навучаючы, абвяшчаў народу добрую вестку.
Але Ірад, тэтрарх, які дакараўся Янам дзеля Ірадыяды, жонкі брата яго, ды дзеля іншых ліхіх учынкаў, якія ўчыніў Ірад,
Але Ірад, тэтрарх, які дакараўся Янам дзеля Ірадыяды, жонкі брата яго, ды дзеля іншых ліхіх учынкаў, якія ўчыніў Ірад,
дадаў да ўсяго і тое, што пасадзіў Яна ў вязніцу.
дадаў да ўсяго і тое, што пасадзіў Яна ў вязніцу.
І сталася, калі ўвесь народ хрысціўся і Ісус быў ахрышчаны і маліўся, адкрылася неба,
І сталася, калі ўвесь народ хрысціўся, і Ісус быў ахрышчаны і маліўся, адкрылася неба,
і Дух Святы цялесна ў выглядзе голуба сышоў на Ісуса. І азваўся голас з неба: «Ты — Сын Мой улюбёны, у Табе Маё ўпадабанне».
і Дух Святы цялесна ў выглядзе галуба сышоў на Ісуса. І азваўся голас з неба: «Ты — Сын Мой улюбёны, у Табе Маё ўпадабанне».
Ісус меў каля трыццаці гадоў, калі пачынаў Сваё служэнне, і быў, як лічылася, сынам Язэпа, сынам Гэлі,
Ісус меў каля трыццаці гадоў, калі пачынаў Сваё служэнне, і быў, як лічылася, сынам Язэпа, сына Гэлі,
сынам Матата, сынам Леві, сынам Мэльха, сынам Яная, сынам Язэпа,
сына Матата, сына Леві, сына Мэльха, сына Яны, сына Язэпа,
сынам Мататыі, сынам Амоса, сынам Навума, сынам Эслі, сынам Нагі,
сына Мататыі, сына Амоса, сына Нагума, сына Эсля, сына Нагі,
сынам Маата, сынам Мататыі, сынам Сямэя, сынам Язэха, сынам Ёды,
сына Магата, сына Мататыі, сына Сэмэя, сына Язэха, сына Ёды,
сынам Ёана, сынам Рэсы, сынам Зарабабэля, сынам Салатыэля, сынам Нэра,
сына Яна, сына Рэсы, сына Зарабабэля, сына Салатыэля, сына Нэра,
сынам Мэльха, сынам Адзі, сынам Касама, сынам Эльмадама, сынам Гэра,
сына Мэльха, сына Адыя, сына Касама, сына Эльмадама, сына Эра,
сынам Ешуа, сынам Эліязэра, сынам Ярыма, сынам Матата, сынам Леві,
сына Ешуа, сына Эліязара, сына Ярыма, сына Матата, сына Левія,
сынам Сімяона, сынам Юды, сынам Язэпа, сынам Ёны, сынам Эліякіма,
сына Сімяона, сына Юды, сына Язэпа, сына Ёны, сына Эліякіма,
сынам Мэлея, сынам Мэны, сынам Матата, сынам Натана, сынам Давіда,
сына Мэлея, сына Мэнны, сына Матата, сына Натана, сына Давіда,
сынам Ясэя, сынам Абэда, сынам Баоза, сынам Салмона, сынам Наасона,
сына Ясэя, сына Абэда, сына Боаза, сына Салы, сына Нагасона,
сынам Амінадаба, сынам Адміна, сынам Арні, сынам Эсрома, сынам Пэрэса, сынам Юды,
сына Амінадаба, сына Адміна, сына Арні, сына Хэцрона, сына Пэрэса, сына Юды,
сынам Якуба, сынам Ізаака, сынам Абрагама, сынам Тэраха, сынам Нахора,
сына Якуба, сына Ізаака, сына Абрагама, сына Тэраха, сына Нахора,
сынам Сэруга, сынам Рагава, сынам Пэлега, сынам Гебэра, сынам Салы,
сына Сэруга, сына Рагава, сына Пэлега, сына Гэбэра, сына Сэлаха,
сынам Кайнана, сынам Арпаксада, сынам Сэма, сынам Ноя, сынам Ламэха,
сына Кенана, сына Арпаксада, сына Сэма, сына Ноя, сына Ламэха,
сынам Мэтусалаха, сынам Гэноха, сынам Ярэда, сынам Малаліэля, сынам Кайнана,
сына Мэтусалаха, сына Гэноха, сына Ярэда, сына Малаліэля, сына Кенана,
сынам Эноса, сынам Сэта, сынам Адама, сынам Бога.
сына Эноса, сына Сэта, сына Адама, сына Божага.