Да Эфэсянаў 5 разьдзел
Пасланьне да Эфэсянаў
Пераклад Рыма-Каталіцкага Касцёла → Пераклад Анатоля Клышкi
Дык вось, наследуйце Бога, як дзеці ўмілаваныя,
Дык будзьце пераймальнікамі Бога, як улюбёныя дзеці,
і паступайце ў любові, як і Хрыстус палюбіў нас і аддаў сябе за нас як дар і ахвяру Богу на прыемны пах.
і жывіце ў любові, як і Хрыстос палюбіў нас і аддаў Сябе за нас як прынашэнне і ахвяру Богу ў духмяны пах.
А распуста, і ўсялякая нячыстасць, і сквапнасць няхай нават не згадваюцца сярод вас, як гэта належыць святым.
А распуста і ўсялякая нячысціня ці сквапнасць няхай і не ўспамінаюцца між вас, як належыць святым,
Таксама і непрыстойнасць, і пустаслоўе, і вульгарнасць нягожыя для вас. Наадварот, няхай лепш будзе падзяка.
і непрыстойныя паводзіны, і дурная гаворка, але лепей — падзяка.
Вы павінны ведаць, што ніякі распуснік, або нячысты, ці сквапны, гэта значыць ідалапаклоннік, не мае спадчыны ў Валадарстве Хрыста і Бога.
Бо вы гэта ведайце, што ніякі распуснік, ці нячысты, ці хцівец, які ёсць ідаласлужка, — не мае спадчыны ў царстве Хрыста і Бога.
Няхай ніхто не зводзіць вас марнымі словамі, бо праз гэта прыходзіць Божы гнеў на непаслухмяных сыноў.
Няхай ніхто вас не зводзіць у зман пустымі словамі, бо з-за гэтага прыходзіць гнеў Божы на сыноў непакорлівасці.
Не будзьце ж іх супольнікамі.
Дык не рабіцеся іх супольнікамі;
Калісьці вы былі цемрай, а цяпер вы святло ў Пану. Паступайце, як дзеці святла.
бо некалі вы былі цемраю, а цяпер — святло ў Госпадзе; як дзеці Святла — жывіце,
Бо плод святла ёсць ва ўсялякай дабрыні, справядлівасці і праўдзе.
бо плод Святла2 ва ўсялякай дабрыні, праведнасці і праўдзе, —
Імкніцеся да таго, што даспадобы Пану.
правяраючы, што да спадобы Госпаду [Богу],
Не бярыце ўдзел у бясплённых справах цемры, а лепш выкрывайце іх.
і не ўдзельнічайце ў бясплодных справах цемры. А лепей нават выкрывайце іх.
Бо пра тое, што яны робяць патаемна, нават сорамна казаць.
Бо пра тое, што робіцца імі патаемна, сорамна і казаць,
А ўсё, што выкрываецца праз святло, становіцца яўным, бо ўсё, што становіцца яўным, ёсць святло.
але ўсё, што выкрываецца, выяўляецца святлом,
Таму сказана: «Прачніся, які спіш, і ўваскрэсні, і Хрыстус асветліць цябе».
бо ўсё, што робіцца яўным, ёсць святло. Таму Ён кажа: «Уставай, хто спіць, і ўваскрэсні з мёртвых, і асвеціць цябе Хрыстос».
Глядзіце дакладна, як паступаеце, не як неразумныя, а як мудрыя.
Дык глядзіце ўважліва, як вы жывяце, — не як нямудрыя, а як мудрыя,
Выкарыстоўвайце час, бо дні ліхія.
выкарыстоўваючы кожную хвіліну3,
Не будзьце ж неразважнымі, але пазнавайце, што ёсць воляй Пана.
Таму не будзьце неразумнымі, але пазнавайце, што ёсць воля Гасподняя4.
І не ўпівайцеся віном, ад якога бывае распуста, але напаўняйцеся Духам,
І не напівайцеся віном, у якім распуста, а напаўняйцеся Духам,
настаўляючы саміх сябе псальмамі, гімнамі і духоўнымі песнямі, спяваючы і праслаўляючы Пана ў вашых сэрцах.
размаўляючы між сабою псалмамі, гімнамі і духоўнымі песнямі, сэрцам сваім спяваючы і іграючы псалмы Госпаду,
Дзякуйце заўсёды за ўсё Богу і Айцу ў імя Пана нашага Езуса Хрыста.
дзякуючы заўсёды за ўсё Богу і Бацьку ў імя нашага Госпада Ісуса Хрыста,
Падпарадкоўвайцеся адзін аднаму ў боязі Хрыстовай.
падпарадкуючыся адзін аднаму ў страху перад Хрыстом5:
Жонкі, падпарадкоўвайцеся сваім мужам, як Пану,
жонкі — сваім мужам, як Госпаду,
бо муж — галава жонкі, як і Хрыстус — Галава Касцёла. Ён — Збаўца цела.
бо муж ёсць галава жонкі, як і Хрыстос — галава Царквы, Ён Збаўца цела.
Таму, як Касцёл падпарадкоўваецца Хрысту, так і жонкі падпарадкоўваюцца ва ўсім мужам.
Але, як Царква падпарадкоўваецца Хрысту, так і жонкі няхай падпарадкоўваюцца мужам ва ўсім.
Мужы, любіце сваіх жонак, як і Хрыстус палюбіў Касцёл і аддаў сябе за яго,
Мужы, любіце [сваіх] жонак, як і Хрыстос палюбіў Царкву і аддаў Сябе за яе,
каб асвяціць яго, ачысціўшы купеллю вады і словам,
каб асвяціць яе, ачысціўшы праз абмыванне вадою ў слове,
каб ён з’явіўся перад Ім слаўным Касцёлам, які не мае плямы, ці заганы, ці чаго-небудзь падобнага, і каб ён быў святы і беззаганны.
каб Яму паставіць перад Сабою Царкву слаўнай, якая не мае ні плямы, ні зморшчыны, ні чаго-небудзь падобнага, а каб яна была святая і беззаганная.
Так павінны мужы любіць сваіх жонак, як сваё цела. Хто любіць сваю жонку, любіць самога сябе.
Так і мужы павінны любіць сваіх жонак, як свае целы. Той, хто любіць сваю жонку, любіць самога сябе.
Бо ніхто ніколі не меў нянавісці да свайго цела, але корміць і даглядае яго, як і Хрыстус свой Касцёл,
Бо ніхто ніколі не меў нянавісці да свайго цела, а кожны корміць і грэе яго, як і Хрыстос Царкву,
бо мы члены Ягонага цела.
таму што мы члены Яго цела, [ад Яго цела і ад Яго касцей].
Таму пакіне мужчына бацьку свайго і маці і злучыцца са сваёй жонкай, і будуць двое адным целам.
Таму чалавек пакіне [свайго] бацьку і маці і прылепіцца да сваёй жонкі, і будуць двое адным целам.
Вялікая таямніца гэтая, а кажу я ў дачыненні да Хрыста і да Касцёла!
Таямніца гэта вялікая, але я кажу пра Хрыста і пра Царкву.
Дык няхай кожны з вас любіць сваю жонку так, як самога сябе, а жонка няхай паважае мужа.
Аднак і вы — кожны з вас няхай любіць так сваю жонку, як самога сябе, а жонка няхай баіцца мужа.
