Марка 3 разьдзел
Паводле Марка Сьвятое Дабравесьце
Пераклад Анатоля Клышкi → Дабравесце паводле Марка. З аўдыёкасет
І Ён зноў увайшоў у сінагогу. І быў там чалавек, які меў усохлую руку.
І Ён зноў увайшоў у сінагогу. І быў у ёй чалавек, што меў усохлую руку.
І сачылі за Ім, ці не вылечыць яго ў суботу, каб абвінаваціць Яго.
І сачылі за Ім, ці вылечыць яго ў суботу, каб потым мець паставы абвінаваціць Яго.
І кажа Ён чалавеку, які меў сухую руку: Падыміся і стань на сярэдзіну.
І сказаў Ён чалавеку, з сусохлай рукой: «Стань пасярэдзіне».
А ім кажа: Ці дазваляецца ў суботу дабро рабіць ці ліха чыніць, жыццё ўратаваць ці забіць? — Яны ж маўчалі.
І Ён сказаў: «Ці дазваляецца ў суботу дабро рабіць ці ліха тварыць, душу ўратаваць ці забіць?» Яны ж маўчалі.
І, агледзеўшы іх з гневам, засмучаны закамянеласцю іх сэрцаў, кажа Ён гэтаму чалавеку: Выцягні сваю руку. — І той выцягнуў, і яго рука ўзнавілася8.
І агледзеўшы іх з гневам, засмучаны акамянеласцю іх сэрцаў, сказаў чалавеку: «Працягні руку». І той працягнуў, і яго рука ажыла.
Фарысеі ж, выйшаўшы, адразу з ірадыянамі прынялі рашэнне супроць Яго, каб Яго загубіць.
Фарысеі ж, выйшаўшы адразу, з ірадыянамі, пачалі згаворывацца на злачынства супроць Яго, як Яго загубіць.
А Ісус са Сваімі вучнямі адышоў да мора, і вялікае мноства з Галілеі [пайшло ўслед за Ім], і з Іудзеі,
А Ісус са Сваімі вучнямі накіраваўся да мора, і вялікае мноства з Галілеі [пайшло ўслед за Ім] і з Іудзеі,
і з Іерусаліма, і з Ідумеі, і з Заіардання, і з ваколіц Тыра і Сідона, — вялікае мноства, пачуўшы пра ўсё, што Ён рабіў, прыйшло да Яго.
і з Іерусаліма, і з Ідумеі, і з Заіярдання, і з ваколіц Ціра і Сідона, — вялікае мноства, пачуўшы пра ўсё, што Ён робіць, прыйшло да Яго.
І сказаў Ён Сваім вучням, каб лодка для Яго была напагатове з-за натоўпу, каб не напіралі на Яго;
І сказаў Ён Сваім вучням, каб падрыхтавалі Яму човен з-за натоўпу, каб не напіралі на Яго;
бо многіх Ён вылечыў, так што ўсе, каго даймалі хваробы, кідаліся да Яго, каб дакрануцца да Яго.
бо многіх Ён вылечыў, так што ўсе, каго даймала ліха, кідаліся да Яго, каб дакрануцца да Яго.
І нячыстыя духі, калі Яго бачылі, падалі перад Ім і крычалі, кажучы: Ты — Сын Божы.
Нячыстыя духі, калі Яго бачылі, падалі перад Ім і крычалі, кажучы: «Ты — Сын Божы».
Ды Ён сурова забараняў ім абвяшчаць пра Яго.
Ды Ён ім сурова забараніў, каб яны не раскрывалі Яго.
І Ён узыходзіць на гару і кліча да Сябе, каго Сам хацеў, і яны пайшлі да Яго.
Ён узыйшоў на гару і паклікаў да Сябе, каго Сам жадаў; і яны пайшлі да Яго.
І прызначыў дванаццаць, [якіх і Апосталамі назваў], каб былі з Ім і каб Ён пасылаў іх прапаведаваць
І вызначыў Дванаццаць, каб былі з Ім, і каб пасылаць іх для багавяшчання,
і каб яны мелі ўладу [вылечваць хваробы і] выганяць дэманаў;
і каб мелі яны ўладу выганяць дэманаў;
[і вызначыў гэтых дванаццаць]: і даў імя Сіману — Пётр
[і вызначыў гэтых Дванаццаць], даў імя Сіману — Пётра,
і Іякава Зевядзеевага, і Іаана, Іякавага брата, і даў ім імя Ваанергес, гэта значыць «Громавы сыны»;
і Якава Завядзеевага, і Іаана, Якавага брата, і даў імя Ваанергес, гэта значыць «Громавы сыны»;
і Андрэя, і Філіпа, і Варфаламея, і Матфея, і Фаму, і Іякава Алфеевага, і Фадзея, і Сімана Кананіта,
і Андрэя, і Філіпа, і Варфаламея, і Мацвея, і Фаму, і Якава Алфеевага, і Фадзея, і Сімана Кананіта,
і Іуду Іскарыёта, які і выдаў Яго.
і Юду Іскарыёта, які і прадаў Яго.
І прыходзіць Ён у дом; і сходзіцца зноў натоўп, так што яны не маглі нават хлеба з’есці.
І прыходзіць Ён у дом; і сходзіцца зноў натоўп, так што яны не маглі і хлеба з’есці.
І Яго родныя, дачуўшыся, выйшлі забраць Яго; бо казалі: Ён не ў Сабе.
А блізкія Яго лачуўшыся выйшлі забраць Яго; бо казалі: Ён не ў Сабе.
А кніжнікі, якія прыйшлі з Іерусаліма, казалі: у Ім веельзевул, і Ён праз уладара дэманаў выганяе дэманаў.
І кніжнікі гаварылі, якія прыйшлі з Ерусаліма: «Ён мае Вельзевула і праз уладара дэманаў выганяе дэманаў».
І, паклікаўшы іх, казаў ім у прыпавесцях: Як можа сатана сатану выганяць?
І паклікаў Ён іх, і праз прыповесці казаў: «Як можа сатана сатану выганяць?»
І калі царства падзеліцца само супроць сябе, то не можа ўстаяць тое царства;
І калі царства падзеліцца само ў сябе, не можа ўтрымацца тое царства;
і калі дом падзеліцца сам супроць сябе, то не можа ўстаяць той дом.
і калі дом падзеліцца сам супроць сябе, не можа ўтрымацца дом той.
І калі сатана паўстаў сам супроць сябе і падзяліўся, не можа ён устаяць, а прыйшоў канец яму.
Так і сатана, калі паўстаў сам супроць сябе і падзяліўся, не можа ён утрымацца, канец яму.
Але ніхто не можа, увайшоўшы ў дом дужага, абрабаваць яго дабро, калі спярша не звяжа дужага, — і тады яго дом абрабуе.
Але ніхто не можа, увайшоўшы ў дом моцнага, абрабаваць яго дабро, калі спярша не звяжа моцнага і тады яго дом абрабуе.
Сапраўды кажу вам: будуць дараваны чалавечым сынам усе грахі і ўсе блюзнерствы, якімі б яны ні блюзнерылі;
Папраўдзе кажу вам: «Усё будзе даравана сынам чалавечым: грахі і блюзнерствы, якім б яны не блюзнілі;
але хто зблюзнерыць на Святога Духа, таму няма даравання навекі, а вінаваты ён у вечным граху.
А хто зблюзніць на Духа Святога, няма яму адпушчэння навекі, і будзе вінаваты ў вечным граху.
Ён сказаў гэта, бо яны казалі: у Ім нячысты дух.
Ды яны казалі: «Ён мае нячыстага духа».
І прыходзіць Яго Маці і Яго браты і, стоячы знадворку, паслалі да Яго, каб паклікаць Яго.
І прыходзяць Яго Маці, і Яго браты, і стоячы звонку, паслалі да Яго паклікаць Яго,
І вакол Яго сядзеў натоўп; і кажуць Яму: Вось Твая Маці і Твае браты [і Твае сёстры] знадворку, шукаюць Цябе.
І сядзеў вакол Яго натоўп; і кажуць Яму: «Вось Твая Маці і Твае браты [і Твае сёстры] звонку, шукаюць Цябе».
І ў адказ ім Ён кажа: Хто Мая маці і [Мае] браты?
І ў адказ ім Ён кажа: «Хто Мая Маці і [Мае] браты?»
І, аглядзеўшы тых, што сядзелі вакол Яго, кажа: Вось Мая маці і Мае браты!
І агледзеўшы тых, што сядзелі вакол Яго, кажа: «Вось Мая Маці і Мае браты!
[Бо] хто выконвае волю Божую, той Мой брат, і сястра, і Маці.
[Бо] хто выконвае Божую волю, той Мне брат, і сястра, і Маці».
