Марка 1 разьдзел

 

 

Пачатак Дабравесця Ісуса Хрыста, [Сына Божага].

 

Пачатак Дабравесця Ісуса Хрыста, [Сына Божага].

Як напісана ў прарока Ісаіі1: «Вось, Я пасылаю Майго пасланца перад Тваім абліччам, які падрыхтуе Тваю дарогу [перад Табою];

 

Як напісана ў прарокі Ісаі: «Вось пасылаю перад Твім абліччам Свайго пасланца, які падрыхтуе Тваю дарогу;

голас вестуна ў пустэльні: «Падрыхтуйце дарогу Госпаду, прастуйце сцежкі Яму».

 

Бо быў голас, што гучаў на бязлюдзі; Падрыхтуйце дарогу Гасподу, прамымі зрабіце сцежкі Яго!»

З’явіўся Іаан, які хрысціў у пустэльні і абвяшчаў хрышчэнне пакаяння дзеля даравання грахоў.

 

З’явіўся Іаан, хрысцячы на бязлюдзі і абвяшчаючы пакутнае хрышчэнне дзеля адпушчэння грахоў.

І выходзіла да яго ўся Іудзейская краіна і ўсе іерусалімцы, і хрысціліся ад яго ў рацэ Іардане, вызнаючы свае грахі.

 

І выходзілі да яго ўся Іудзейская краіна і ўсе ерусалімцы, і хрысціліся ад яго ў рацэ Іардане, спавядаючы грахі свае.

І быў Іаан у вопратцы з вярблюджай шэрсці і са скураным поясам на паясніцы сваёй, і еў саранчу ды палявы мёд.

 

І быў Іаан апрануты у вопратку з вярблюджай воуны і са скураным поясам на паясніцы сваёй, і жывіўся саранчою ды дзікім мёдам.

І абвяшчаў, кажучы: Ідзе за мною Мацнейшы за мяне, у Якога я няварты, нахіліўшыся, развязаць раменьчык Яго сандаляў.

 

І багавяшчаў, кажучы: «Ідзе за мною Мацнейшы за мяне, у Якога я няварты, нахіліўшыся, развязаць рамень Яго сандаляў.

Я хрысціў вас вадою, а Ён будзе хрысціць у Святым Духу.

 

Я хрысціў вас вадою, а Ён будзе хрысціць вас Духам Святым».

І сталася: у тыя дні прыйшоў Ісус з Назарэта Галілейскага і быў ахрышчаны Іаанам у Іардане.

 

І было ў тыя дні: прыйшоў Ісус з Назарэта Галілейскага і хрысціўся ў Іардане ад Іаана.

І адразу, выходзячы з вады, убачыў, як раскрываюцца нябёсы і Дух, як голуб, зыходзіць на Яго;

 

І адразу, выходзячы з вады, убачыў Ён, што раскрываюцца нябёсы, і Духа, як голуба, што схадзіў на Яго;

І голас пачуўся з нябёсаў: Ты Мой Сын улюбёны, у Табе Маё задавальненне.

 

І голас пачуўся з нябёсаў: «Ты Мой Сын улюбёны, на Табе Мая прыхільнасць».

І адразу Дух вядзе Яго ў пустэльню.

 

І адразу Дух накіраваў Яго на бязлюдзе, каб выпрабаваць.

І быў Ён [там] у пустэльні сорак дзён, спакушваны сатаною; і быў са звярамі, і Анёлы служылі Яму.

 

І быў Ён на бязлюдзе сорак дзён і спакушаў Яго сатана; і быў са звярамі, і анёлы служылі Яму.

А пасля таго, як Іаан быў зняволены, прыйшоў Ісус у Галілею, абвяшчаючы Дабравесце2 Божае

 

А пасля таго, як Іаана выдалі, прыйшоў Ісус у Галілею, багавяшчаючы Дабравесце

і кажучы: Споўніўся час, і наблізілася Царства Божае: кайцеся і веруйце ў Дабравесце.

 

і казаў ім: «Збыліся часы і наблізілася Царства Божае; пакайцеся і веруйце ў Дабравесце».

І, праходзячы паўз Галілейскае мора, Ён убачыў Сімана і Андрэя, Сіманавага брата, якія закідвалі сеткі ў мора; бо яны былі лаўцамі рыбы.

 

І калі Ён праходзіў паўз Галілейскае мора, убачыў Сімана і Андрэя, Сіманавага брата, калі яны закідавалі сетку ў мора: бо яны былі рыбаловы.

І сказаў ім Ісус: Ідзіце за Мною, і Я зраблю, што вы будзеце лаўцамі людзей.

 

І сказаў ім Ісус: «Ідзіце за Мною, і Я зраблю вас лаўцамі людзей».

І, адразу пакінуўшы [свае] сеткі, яны пайшлі ўслед за Ім.

 

І адразу пакінуўшы сеткі, яны пайшлі ўслед за Ім.

І, прайшоўшы [адтуль] крыху, Ён убачыў Іякава Зевядзеевага і яго брата Іаана, якія, таксама ў лодцы, папраўлялі сеткі,

 

А прайшоўшы крыху, убачыў Ён Якава Завядзеевага і яго брата Іаана, як яны, таксама ў чоўне, папраўлялі сеткі,

і адразу паклікаў іх. І яны, пакінуўшы свайго бацьку Зевядзея ў лодцы з наймітамі, пайшлі за Ім.

 

і адразу паклікаў іх. І яны, пакінуўшы свайго бацьку Завядзея ў чоўне з наймітамі, пайшлі за Ім.

І ўваходзяць яны ў Капернаум; і адразу, у суботу, Ён, увайшоўшы ў сінагогу, вучыў.

 

І ўваходзяць яны ў Капернаум; і Ён адразу ў суботу, увайшоўшы ў сінагогу, вучыў.

І здзіўляліся Яго навуцы: бо Ён вучыў іх як Той, Хто мае ўладу, а не як кніжнікі.

 

І ўсе здзіўляліся ад Яго навучання: бо вучыў іх як маючы ўладу, а не як кніжнікі.

І адразу выявіўся ў іх сінагозе чалавек, апантаны нячыстым духам, і ён закрычаў,

 

І адразу чалавек з нячыстым духам, што быў у сінагозе, закрычаў,

кажучы: Што Табе да нас, Ісусе Назаранін? Ты прыйшоў загубіць нас? Я ведаю Цябе, хто Ты, — Святы Божы.

 

кажучы: «Што Табе да нас, Ісусе Назаранін? Ты прыйшоў загубіць нас? Я ведаю Цябе, хто Ты, Святы Божы».

Але Ісус забараніў яму, кажучы: Змоўкні і выйдзі з яго!

 

Ісус забараніў яму, кажучы: «Змоўкні і выйдзі з яго!»

І нячысты дух, скурчыўшы яго і ўскрыкнуўшы гучным голасам, выйшаў з яго.

 

І нячысты дух, устрасянуўшы яго на сярэдзяні і ўскрыкнуўшы моцным голасам, выйшаў з яго.

І ўсе жахнуліся, так што пыталіся адзін у аднаго, кажучы: Што гэта? Навука новая з уладаю? І Ён загадвае нячыстым духам, і яны слухаюцца Яго.

 

І ўстрашыліся ўсе, і пыталіся адзін аднаго, гаворачы: «Што гэта такое? Новая навука з уладаю над нячыстымі духамі? Ім Ён загадвае і тыя слухаюцца Яго.»

І адразу чутка пра Яго разышлася скрозь па ўсёй ваколіцы ў Галілеі.

 

І адразу чутка пра Яго разышлася скрозь па ўсіх ваколіцах Галілеі.

І адразу, выйшаўшы з сінагогі, яны з Іякавам і Іаанам прыйшлі ў дом Сімана і Андрэя.

 

І адразу, выйшаўшы з сінагогі, яны з Якавам і Іаанам пайшлі ў дом Сімана і Андрэя.

А Сіманава цешча ляжала ў гарачцы, і адразу кажуць Яму пра яе.

 

А Сіманава цешча ляжала у гарачцы, і адразу сказалі Яму пра яе.

І, падышоўшы, Ён падняў яе, узяўшы за руку; і гарачка [тут жа] адпусціла яе, і яна прыслужвала ім.

 

І падышоўшы, Ён падняў яе, узяўшы за руку; і гарачка адпусціла яе, і яна прыслужывала ім.

А з надыходам вечара, калі зайшло сонца, дастаўлялі да Яго ўсіх нямоглых і апантаных дэманамі;

 

І як надышоў вечар, і зайшло сонца, прыносілі да Яго ўсіх нядужных і звар’ятелых;

і ўвесь горад сабраўся да дзвярэй.

 

І сабраўся ўвесь горад да двярэй.

І Ён вылечыў многіх заняпалых на розныя хваробы і шмат дэманаў выгнаў і не дапускаў дэманам гаварыць, бо яны ведалі3 Яго.

 

І Ён вылечыў многіх заняпалых на розныя хваробы, і шмат дэманаў выгнаў, і не дазволіў дэманам гаварыць, бо тыя ведалі Яго.

І вельмі рана, яшчэ ўначы ўстаўшы, выйшаў Ён і пайшоў у пустэльнае месца і там маліўся.

 

І вельмі рана, яшчэ ў прытямках, выйшаў Ён і накіраваўся ў бязлюднае месца, і маліўся там.

А Сіман і тыя, што былі з Ім, нагналі Яго

 

І паспяшаліся за Ім Сіман і тыя, хто былі з Ім.

і знайшлі Яго і кажуць Яму: Усе шукаюць Цябе.

 

І знайшоўшы Яго, кажуць: «Усе чакаюць Цябе».

І Ён кажа ім: Хадзем у іншае месца, у навакольныя мястэчкі, каб і там Я прапаведаваў: бо на тое Я выйшаў.

 

А Ён кажа: «Ісці трэба і ў іншыя месцы, і там багавяшчаць: бо і на тое Я і пасланы».

І Ён пайшоў, прапаведуючы ў іх сінагогах па ўсёй Галілеі і выганяючы дэманаў.

 

І пайшоў Ён, багавяшчаючы па ўсіх сінагогах, па ўсёй Галілеі, і выганяючы дэманаў.

І прыходзіць да Яго пракажоны і просіць, [упаўшы на калені], кажучы Яму: Калі Ты хочаш, можаш ачысціць мяне.

 

І прыходзіць да Яго пракажоны і просіць, упаўшы на калені: «Калі Ты жадаешь, Госпаді, можаш ачысціць мяне».

І [Ісус], злітаваўшыся, працягнуў руку, дакрануўся да яго і кажа: Хачу — ачысціся!

 

І літавасцява, Ён працягнуў руку, дакрануўся і кажа яму: «Жадаю — ачысціся».

І [калі Ён сказаў], праказа адразу сышла з таго, і той ачысціўся.

 

І адразу зышла з яго праказа, і ён ачысціўся.

І, сурова загадаўшы яму, адразу адправіў яго

 

І строга наказаўшы яму, Ён адразу адаслаў яго;

і кажа яму: Глядзі, нікому нічога не кажы, а ідзі, пакажыся святару і прынясі за сваё ачышчэнне, што загадаў Маісей, у сведчанне ім.

 

Казаўшы: глядзі, нікому нічога не расказвай, але ідзі, і пакажыся святару, і прынясі ахвераванне за ачышчэнне тваё, як наказваў Майсей, у сведчанне ім.

А той, выйшаўшы, пачаў шмат абвяшчаць і расказваць пра тое, што адбылося, так што [Ісус] не мог ужо адкрыта ўвайсці ў горад, а быў наводшыбе ў пустэльных месцах; і прыходзілі да Яго адусюль.

 

А той, выйшаўшы, пачаў шмат распавядаць, аб тым, што адбылося, і Ён па гэтай прычыне не мог адкрыта ўваходзіць ў горад, а быў у адзіноце, найбольш у бяздюдных месцах. І прыходзілі да Яго адусюль.