Лікі 1 разьдзел

 

 

І гукаў СПАДАР Масею на пустыні Сынайскай, у будане збору, на першы дзень другога месяца, другога году па выхадзе ізь зямлі Ягіпецкае, кажучы:

 

І ў першы дзень другога месяца, у другім годзе па выхадзе з Егіпта прамовіў Госпад да Майсея ў пустыні Сінай у палатцы сустрэчы, кажучы:

«Палічыце ўвесь лік грамады сыноў Ізраелявых па радзімах іхных, па дамох айцоў іхных, подле ліку ймёнаў, усіх мужчынаў нагалаву.

 

«Пералічыць усю грамаду сыноў Ізраэлевых па родах і па сем’ях іх, і па імёнах — усіх мужчынскага полу:

Ад дваццацёх год і вышэй, кажнага гадзячага на вайну ў Ізраеля, палічыце іх подле войскаў іхных — ты а Аарон.

 

ад дваццаці гадоў і вышэй, усіх здатных да бою ізраэльцаў, палічыце іх па дружынах іх, ты і Аарон.

З вамі мае быць із плямені па аднэй людзіне, што ё галавою ў доме айцоў сваіх.

 

І з кожнага пакалення павінен быць з вамі чалавек, князь дому бацькоў яго,

І во ймёны мужоў, што будуць стаяць із вамі: ад Рувіна Еліцур Шэдэўронак;

 

вось гэтыя імёны: ад Рубэна — Элісур, сын Сэдэура;

Ад Сымона Шэлумель Цурышаддаёнак;

 

ад Сімяона — Саламіэль, сын Сурысадая;

Ад Юды Наасон Амінадавёнак;

 

ад Юды — Наасон, сын Амінадаба;

Ад Іссасхара Нефанеель Цуаронак;

 

ад Ісахара — Натанаэль, сын Суара;

Ад Завулона Еляў Гэлонёнак;

 

ад Забулона — Эліяб, сын Гэлона;

Ад сыноў Язэпавых: ад Яхрэма Елішама Амігудзёнак; ад Манаса Гамалель Педацуронак;

 

ад сыноў Язэпа: ад Эфраіма — Элісама, сын Аміюда; ад Манасы — Гамаліэль, сын Падасура;

Ад Веняміна Авідан Ґідэонёнак;

 

ад Бэньяміна — Абідан, сын Гедэона;

Ад Дана Агіезэр Амішаддаёнак;

 

ад Дана — Ахіязэр, сын Амісадая;

Ад Ашэра Паґіель Охранёнак;

 

ад Асэра — Пэгіэль, сын Акрана;

Ад Ґада Елязаф Дэулёнак;

 

ад Гада — Эліясаф, сын Дэуэля;

Ад Неффаліма Агіра Енанёнак».

 

ад Нэфталі — Ахіра, сын Энана».

Гэта славутыя грамады, князі плямёнаў айцоў сваіх, галавы тысячаў у Ізраелю яны.

 

Гэта людзі самыя знакамітыя ў грамадзе, кіраўнікі пакаленняў бацькоў сваіх і кіраўнікі тысяч Ізраэля.

І ўзяў Масей а Аарон мужоў гэтых, каторыя былі менаваныя наймя.

 

Майсей і Аарон узялі іх, паімённа названых,

І ўсю грамаду яны зьберлі на першы дзень другога месяца. І паказалі яны радаводы свае па радзімах сваіх, па дамох айцоў сваіх, подле ліку ймёнаў, ад дваццацёх год і вышэй, нагалаву;

 

і першага дня другога месяца сабралі яны ўсю грамаду, пералічваючы іх па родах іх, і па сем’ях бацькоў іх, і кожнага па імені ад дваццаці гадоў і вышэй, па кіраўніках,

Як расказаў СПАДАР Масею, так палічыў ён іх на пустыні Сынайскай.

 

як загадаў Госпад Майсею. І былі палічаны яны ў пустыні Сінай.

І было сыноў Рувінавых, першака Ізраелявага, у родах іхных, па радзімах іхных, па дамох айцоў іхных, подле ліку ймёнаў, нагалаву, усіх мужчынаў, ад дваццацёх год і вышэй, усіх выходзячых на вайну,

 

Ад сыноў Рубэна, першароднага Ізраэля — пакаленні па плямёнах і па сем’ях бацькоў іх, па імёнах усіх людзей мужчынскага полу ад дваццаці гадоў і вышэй, здатных да бою.

Налічана ў пляменю Рувінавым сорак шэсьць тысячаў пяцьсот.

 

Было налічана з пакалення Рубэна сорак шэсць тысяч пяцьсот.

У сыноў Сымонавых, у родах іхных, па радзімах іхных, па дамох айцоў іхных лікі ягоныя, подле ліку ймёнаў, нагалаву, усіх мужчынаў, ад дваццацёх год і вышэй, усіх выходзячых на вайну,

 

Ад сыноў Сімяона — пакаленні па племёнах і па сем’ях родаў іх, былі палічаны па імёнах усе людзі мужчынскага полу, ад дваццаці гадоў і вышэй, здатныя да бою.

Лікі ў пляменю Сымонавым пяцьдзясят дзевяць тысячаў трыста.

 

Было налічана з пакалення Сімяонавага пяцьдзесят дзевяць тысяч трыста.

У сыноў Ґадавых, у родах іхных, па радзімах іхных, па дамох айцоў іхных, у ліку ймёнаў, ад дваццацёх год і вышэй, усіх выходзячых на вайну,

 

Ад сыноў Гада — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, здатных да бою,

Лікі іх у пляменю Ґадавым сорак пяць тысячаў шасьцьсот пяцьдзясят.

 

было налічана сорак пяць тысяч шэсцьсот пяцьдзесят.

У сыноў Юдзіных, у родах іхных, па радзімах іхных, па дамох айцоў іхных, у ліку ймёнаў, ад дваццацёх год і вышэй, усіх выходзячых на вайну,

 

Ад сыноў Юды — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

Лікі ў пляменю Юдзіным семдзясят чатыры тысячы шасьцьсот.

 

было налічана семдзесят чатыры тысячы шэсцьсот.

У сыноў Іссасхаровых, у родах іхных, па радзімах іхных, па дамох айцоў іхных, подле ліку ймёнаў, ад дваццацёх год і вышэй, усіх выходзячых на вайну,

 

Ад сыноў Ісахара — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

Налічана ў пляменю Іссасхаровым пяцьдзясят чатыры тысячы чатырыста.

 

было налічана пяцьдзесят чатыры тысячы чатырыста.

У сыноў Завулонавых, у родах іхных, па радзімах іхных, па дамох айцоў іхных, у ліку ймёнаў, ад дваццацёх год і вышэй, усіх выходзячых на вайну,

 

Ад сыноў Забулона — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

Лікі ў пляменю Завулонавым пяцьдзясят сем тысячаў чатырыста.

 

было налічана пяцьдзесят сем тысяч чатырыста.

І сыноў Язэпавых, сыноў Яхрэмавых, у родах іхных, па радзімах іхных, па дамох айцоў іхных, у ліку ймёнаў, ад дваццацёх год і вышэй, усіх выходзячых на вайну,

 

Ад сыноў Язэпа, сыноў Эфраіма — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

Палічана ў пляменю Яхрэмавым сорак тысячаў пяцьсот.

 

было налічана сорак тысяч пяцьсот.

У сыноў Манасавых, у родах іхных, па радзімах іхных, па дамох айцоў іхных, у ліку ймёнаў, ад дваццацёх год і вышэй, усіх выходзячых на вайну,

 

Ад сыноў Манасы — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

Лік у пляменю Манасавым трыццаць дзьве тысячы дзьвесьце.

 

было налічана трыццаць дзве тысячы дзвесце.

У сыноў Веняміновых, у родах іхных, па радзімах іхных, па дамох айцоў іхных, у ліку ймёнаў, ад дваццацёх год і вышэй, усіх выходзячых на вайну,

 

Ад сыноў Бэньяміна — пакаленні па плямёнах і па сем’ях родаў іх, па імёнах людзей мужчынскага полу ад дваццаці гадоў і вышэй, усіх здатных да бою,

Лікі ў пляменю Веняміновым трыццаць пяць тысячаў чатырыста.

 

было налічана трыццаць пяць тысяч чатырыста.

У сыноў Дановых, у родах іхных, па радзімах іхных, па дамох айцоў іхных, у ліку ймёнаў, ад дваццацёх год і вышэй, усіх выходзячых на вайну,

 

Ад сыноў Дана — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

Лікі ў пляменю Дановым шасьцьдзясят дзьве тысячы сямсот.

 

было налічана шэсцьдзесят дзве тысячы семсот.

У сыноў Ашэравых, у родах іхных, па радзімах іхных, па дамох айцоў іхных, у ліку ймёнаў, ад дваццацёх год і вышэй, усіх выходзячых на вайну,

 

Ад сыноў Асэра — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

Лікі ў пляменю Ашэравым сорак адна тысяча пяцьсот.

 

было налічана сорак адна тысяча пяцьсот.

У сыноў Неффалімовых, у родах іхных, па радзімах іхных, па дамох айцоў іхных, у ліку ймёнаў, ад дваццацёх год і вышэй, усіх выходзячых на вайну,

 

Ад сыноў Нэфталі — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

Лікі ў пляменю Неффалімовым пяцьдзясят тры тысячы чатырыста.

 

было налічана пяцьдзесят тры тысячы чатырыста.

Гэта лікі, каторых палічыў Масей а Аарон а князі Ізраеля, двананцацёх чалавекаў, па адным чалавеку былі яны з дому айцоў сваіх.

 

Гэта тыя, каго палічылі Майсей і Аарон разам з дванаццаццю кіраўнікамі Ізраэля, па адным з сям’і бацькоў іх.

І было ўсіх палічаных сыноў Ізраелявых, па домах айцоў іхных, ад дваццацёх год і вышэй, усіх выходзячых на вайну ў Ізраелю,

 

І поўны лік сыноў Ізраэля, здатных да бою, па сем’ях бацькоў іх, ад дваццаці гадоў і вышэй,

І было ўсіх палічаных шасьцьсот тры тысячы пяцьсот пяцьдзясят.

 

складаў шэсцьсот тры тысячы пяцьсот пяцьдзесят.

А Левіты подле родаў айцоў сваіх ня былі палічаныя памеж іх.

 

А левіты былі палічаны з імі ў пакаленні бацькоў іх.

І гукаў СПАДАР, кажучы:

 

І Госпад сказаў Майсею, гаворачы:

«Толькі плямені Левавага ня лічы і колькасьць іх не далічай да сыноў Ізраелявых,

 

«Не лічы пакаленне Леві і не далучай колькасць іх да сыноў Ізраэля,

Але ты прызнач Левітаў да вітальні сьветчаньня і да ўсіх судзінаў яе і да ўсёга, што пры ёй; хай яны носяць вітальню й усі судзіны яе, і яны будуць служыць ёй, і наўкола вітальні раскладацца табарам сваім.

 

але даручы ім скінію сведчання, усе яе прылады і ўсё, што патрэбна для рытуалаў. Хай яны носяць скінію і ўсе яе прыналежнасці, і хай будуць пры ёй служыць, і навокал яе хай паставяць палаткі.

І, як кранецца вітальня, няхай спушчаюць яе Левіты; і як надабе раскладаць вітальню, няхай устанаўляюць яе Левіты; а калі прыступе хто чужы, памрэць.

 

Калі трэба будзе пусціцца ў дарогу, хай разбяруць скінію левіты; калі трэба будзе размясціцца лагерам, хай паставяць яе; калі хто з чужых наблізіцца, будзе пакараны смерцю.

І будуць разьлягацца сынове Ізраелявы кажны ў табару сваім і кажны пры сьцязе сваім, па войсках сваіх.

 

Сыны ж Ізраэля хай стануць лагерам: усе на сваім месцы ў лагеры, кожны пад сваім сцягам, пры сваіх дружынах.

А Левіты маюць разьлягацца табарам наўкола вітальні сьветчаньня, і ня будзе гневу на грамаду сыноў Ізраелявых; і будуць Левіты стаяць на старожы вітальні сьветчаньня».

 

А левіты хай паставяць палаткі вакол скініі сведчання, каб не было гневу на грамаду сыноў Ізраэля, і хай яны стаяць на варце скініі сведчання».

І зрабілі сынове Ізраелявы; подле ўсёга, што расказаў СПАДАР Масею, так і зрабілі.

 

Такім чынам, сыны Ізраэля споўнілі ўсё, што Госпад загадаў Майсею.