Лікі 7 разьдзел
Лікі
Пераклад Яна Станкевіча → Пераклад Чарняўскага 2012
І было таго дня, як Масей скончыў станавіць вітальню, і памазаў яе, і пасьвяціў яе а ўсе судзьдзе яе, і аброчнік а ўсе судзьдзе яго, і памазаў іх і пасьвяціў іх;
Калі Майсей пабудаваў скінію, і ўзняў яе, і памазаў яе, і асвяціў яе з усімі яе прыналежнасцямі, таксама ахвярнік і ўсе яго прыналежнасці,
Тады дабліжыліся князі Ізраелявы, галавы дому айцоў сваіх, яны князі плямёнаў, каторыя стаялі над тымі, што былі палічаныя,
тады князі Ізраэля і галовы родаў, якія былі пастаўлены на чале кожнага пакалення, якія былі пералічаны,
І прынесьлі аброкі свае перад відам СПАДАРА, шэсьць накрытых калясьнікоў і двананцаць валоў, па адным калясьніку ад двух князёў і па адным валу ад кажнага, і дабліжылі гэта перад вітальню.
прынеслі дары перад аблічча Госпада: шэсць крытых вазоў і дванаццаць валоў. Прынеслі па адным возе ад двух кіраўнікоў і па адным воле ад кожнага; і паставілі гэта перад скініяй.
І гукаў СПАДАР Масею, кажучы:
І сказаў Госпад Майсею:
«Вазьмі ад іх; няхай будуць на работу пры службе будану збору; і аддай іх Левітам, кажнаму чалавеку подле службы іх».
«Вазьмі гэта ад іх, каб яны спраўлялі службу ў палатцы сустрэчы, і перадай гэта левітам адпаведна парадку іх паслугі».
І ўзяў Масей калясьнікі а валы, і аддаў іх Левітам.
Дык узяў Майсей вазы і валоў і аддаў іх левітам.
Два калясьнікі й чатыры валы аддаў сыном Гірсонавым, подле службы іхнае.
Адпаведна іх патрэбам сынам Гэрсона даў два вазы і чатыры валы.
І чатыры калясьнікі й восьмі валоў аддаў сыном Мераравым, подле службы іхнае, пад наглядам Іфамара, сына Аарона, сьвятара.
Восем валоў і чатыры другія вазы даў сынам Мэрары, адпаведна іх абавязкам пад наглядам Ітамара, сына Аарона святара.
А сыном Когафовым ня даў, бо служба сьвятыні на іх, на плячох яны маюць насіць.
А сынам Кагата не даў валоў і вазоў, бо яны служылі ў свяцілішчы і насілі грузы на сваіх плячах.
І дабліжылі князі на пасьвячэньне аброчніка таго дня, як ён быў памазаны; і дабліжылі князі аброкі свае да аброчніка.
Такім чынам на пасвячэнне ахвярніка ў дзень намашчэння прынеслі кіраўнікі сваю ахвяру перад ахвярнікам.
І сказаў СПАДАР Масею: «Па адным князю ў дзень, па адным князю ў дзень хай абракаюць аброкі свае на пасьвячэньне аброчніка».
І сказаў Госпад Майсею: «Хай кіраўнікі па адным штодзень прыносяць свае дары на пасвячэнне ахвярніка».
І быў абракаючым першага дня свой аброк Наасон Амінадавёнак ад плямені Юдзінага.
У першы дзень прынёс сваю ахвяру Наасон, сын Амінадаба, з пакалення Юды.
І аброк ягоны быў: адна срэбная міса вагою сто трыццаць, адна срэбная крапельная чара семдзясят сыкляў, подле сыклю сьвятыні, абедзьве поўныя ценькае мукі, рашчыненай на аліве, на аброк хлебны,
І ў ёй былі срэбраная міса ў сто трыццаць сікляў вагі, срэбраная чара ў семдзесят сікляў вагі, па вазе святыні, абедзве напоўнены былі пшанічнаю мукой, запраўленай алеем, на ахвяру з ежы,
Ложка адна дзесяцёх сыкляў, залатая, поўная кадзіла,
залатая чара ў дзесяць сікляў золата, напоўненая кадзілам,
Адно цялё-бычок, адзін баран, адзін аднагодні баранчык на ўсепаленьне,
адзін бычок ад статка, баран і гадавалае ягня ў ахвяру цэласпалення,
Адно казянё на аброк за грэх,
і казёл у ахвяру за грэх;
На аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Наасона Амінадавёнка.
і ў ахвяру прымірэння два валы, пяць бараноў, пяць казлоў і пяць аднагадовых ягнят: гэта — ахвяра Наасона, сына Амінадаба.
На другі дзень дабліжыў Нафанаель Цуаронак, князь плямені сыноў Іссасхаровых.
У другі дзень прынёс Натанаэль, сын Суара, князь з пакалення Ісахара,
Ён дабліжыў дар свой: адну срэбную місу вагою сто трыццаць, адну срэбную крапельную чару семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя пшанічнай мукой, запраўленай алеем, у ахвяру з ежы,
Адну залатую ложку зь дзесяцёх сыкляў, поўную кадзіла,
залатую чару ў дзесяць сікляў вагі, напоўненую кадзілам;
Адно цялё-бычка, аднаго барана, аднаго аднагодняга баранчыка, на ўсепаленьне,
аднаго бычка ад статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць казлоў, пяць аднагодніх баранчыкаў. Гэта аброк Нафанаеля Цуаронка.
і ў ахвяру прымірэння двух валоў, пяць бараноў, пяць казлоў і пяць аднагадовых ягнят: гэта была ахвяра Натанаэля, сына Суара.
На трэйці дзень князь сыноў Завулонавых Еляў Гелонёнак.
У трэці дзень князь сыноў Забулона, Эліяб, сын Гэлона,
Дар ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынёс місу срэбраную ў сто трыццаць сікляў вагі, чару срэбраную ў семдзесят сікляў вагі, па вазе святыні, абедзве напоўненыя пшанічнай мукой, запраўленай алеем, у ахвяру з ежы,
Адна залатая ложка зь дзесяцёх сыкляў, поўная кадзіла,
залатую чару ў дзесяць сікляў вагі, напоўненую кадзілам,
Адно цялё-бычок, адзін баран, адзін аднагодні баранчык, на ўсепаленьне,
бычка ад статка, барана і аднагадовае ягня ў ахвяру цэласпалення
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць казлоў, пяць аднагодніх баранчыкаў. Гэта аброк Елява Гелонёнка.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта — ахвяра Эліяба, сына Гэлона.
На чацьверты дзень князь сыноў Рувінавых Еліцур Шэдэўронак.
У чацвёрты дзень князь сыноў Рубэна, Элісур, сын Сэдэура,
Дар ягоны: адна срэбная міса вагою сто трыццаць сыкляў, адна срэбная крапельная чара семдзясят сыкляў, подле сыклю святыні, абедзьве поўныя ценькае мукі, рашчыненае на аліве, на аброк хлебны,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя пшанічнай мукой, запраўленай алеем, у ахвяру з ежы,
Адна залатая ложка зь дзесяцёх сыкляў, поўная кадзіла,
залатую чару ў дзесяць сікляў вагі, напоўненую кадзілам,
Адно цялё-бычок, адзін баран, адзін аднагодні баранчык, на ўсепаленьне,
аднаго бычка са статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць казлоў і пяць аднагодніх баранчыкаў. Гэта дар Еліцура Шэдэўронка.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Элісура, сына Сэдэура.
На пяты дзень князь сыноў Сымонавых Шэлумель Цурышаддаёнак.
У пяты дзень князь сыноў Сімяона Саламіэль, сын Сурысадая,
Дар ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
Ложка адна зь дзесяцёх сыкляў залатая, поўная кадзіла,
залатую чару ў дзесяць сікляў вагі, напоўненую кадзілам,
Адно цялё-бычок, адзін баран, адзін аднагодні баранчык, на ўсепаленьне,
аднаго бычка са статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць бараноў, пяць казлоў і пяць аднагодніх баранчыкаў. Гэта дар Шэлумеля Цурышаддаёнка.
двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Саламіэля, сына Сурысадая.
На шосты дзень князь сыноў Ґадовых Елясаф Дэгуелёнак.
У шосты дзень князь сыноў Гада Эліясаф, сын Дэуэля,
Дар ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю святыні, абедзьве поўныя ценькае мукі, рашчыненае на аліве, на аброк хлебны,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
Адна залатая ложка зь дзесяцёх сыкляў, поўная кадзіла,
залатую чару ў дзесяць сікляў вагі, напоўненую кадзілам,
Адно цялё-бычок, адзін баран, адзін аднагодні баранчык, на ўсепаленьне,
і аднаго бычка са статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць казлоў і пяць аднагодніх баранчыкаў. Гэта дар Елясафа Дэгуелёнка.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Эліясафа, сына Дэуэля.
На сёмы дзень князь сыноў Яхрэмавых Елішама Амігудзёнак.
У сёмы дзень князь сыноў Эфраіма Элісама, сын Аміюда,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыневае на аліве, на аброк хлебны,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
Адна залатая ложка зь дзесяцёх сыкляў, поўная кадзіла,
залатую чару ў дзесяць сікляў вагі, напоўненую кадзілам,
Адно цялё-бычок, адзін баран, адзін аднагодні баранчык, на ўсепаленьне,
аднаго бычка са статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Елішамы Амігудзёнка.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Элісамы, сына Аміюда.
На восьмы дзень князь сыноў Манасавых Ґамалель Педацуронак.
У восьмы дзень князь сыноў Манасы Гамаліэль, сын Падасура,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
Адна залатая ложка зь дзесяцёх сыкляў, поўная кадзіла,
залатую чару ў дзесяць сікляў вагі, напоўненую кадзілам,
Адно цялё-бычок, адзін баран, адзін аднагодні баранчык, на ўсепаленьне,
аднаго бычка са статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Ґамалеля Педацуронка.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Гамаліэля, сына Падасура.
На дзявяты дзень князь сыноў Веняміновых Авідан Гідэонёнак.
У дзевяты дзень князь сыноў Бэньяміна, Абідан, сын Гедэона,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
Адна залатая ложка зь дзесяцёх сыкляў, поўная кадзіла,
і залатую чару ў дзесяць сікляў вагі, напоўненую кадзілам,
Адно цялё-бычок, адзін баран, адзін аднагодні баранчык, на ўсепаленьне,
і аднаго бычка са статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Авідана Ґідэонёнка.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Абідана, сына Гедэона.
На дзясяты дзень князь сыноў Дановых Агіезэр Амішаддаёнак.
У дзесяты дзень князь сыноў Дана Ахіязэр, сын Амісадая,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
Адна залатая ложка зь дзесяцёх сыкляў, поўная кадзіла,
залатую чару ў дзесяць сікляў вагі, напоўненую кадзілам,
Адно цялё бычок, адзін баран, адзін аднагодні баранчык, на ўсепаленьне,
аднаго бычка са статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Агіезэра Амішаддаёнка.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Ахіязэра, сына Амісадая.
На адзінанцаты дзень князь сыноў Ашэравых Пагіель Охранёнак.
У адзінаццаты дзень князь сыноў Асэра Пэгіэль, сын Акрана,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны.
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
Адна залатая ложка зь дзесяцёх сыкляў, поўная кадзіла,
залатую чару ў дзесяць сікляў вагі, напоўненую кадзілам,
Адно цялё-бычок, адзін баран, адзін аднагодні баранчык, на ўсепаленьне,
аднаго бычка са статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта дар Пагіеля Охранёнка.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Пэгіэля, сына Акрана.
На двананцаты дзень князь сыноў Неффалімовых Агіра Енанёнак.
У дванаццаты дзень князь сыноў Нэфталі Ахіра, сын Энана,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
Адна залатая ложка зь дзесяцёх сыкляў, поўная кадзіла,
залатую чару ў дзесяць сікляў вагі, напоўненую кадзілам,
Адно цялё-бычок, адзін баран, адзін аднагодні баранчык, на ўсепаленьне,
аднаго бычка са статка, барана і аднагадовае ягня ў ахвяру цэласпалення,
Адно казянё на аброк за грэх,
і казла ў ахвяру за грэх;
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Агіры Енанёнка.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Ахіра, сына Энана;
Во дары пры пасьвячэньню аброчніка, у дзень памазаньня яго, ад князёў Ізраелявых: срэбных місаў двананцаць, крапельных срэбных чараў двананцаць, залатых ложак двананцаць;
а было прынесена ад князёў Ізраэля на пасвячэнне ахвярніка, у дзень яго намашчэння: дванаццаць срэбраных міс, дванаццаць срэбраных чар, дванаццаць залатых чар,
Па сто трыццаць сыкляў срэбла ў кажнай місе і па семдзясят у кажнай крапельнай чары; усяго срэбла ў гэтых судзінах дзьве тысячы чатырыста сыкляў, подле сыклю сьвятыні.
так што кожная міса важыла сто трыццаць сікляў срэбра, а кожная чара — семдзесят, гэта значыць увогуле ўсіх пасудзінаў са срэбра было дзве тысячы чатырыста па вазе святыні;
Залатых ложак двананцаць, поўных кадзіла, дзесяць у кажнай ложцы, подле сыклю сьвятыні; усяго золата ў ложках сто дваццаць сыкляў.
чар залатых, напоўненых кадзілам, было дванаццаць; кожная чара важыла дзесяць сікляў, па вазе святыні, гэта значыць было ўсяго сто дваццаць сікляў золата;
Увесь буйны статак на ўсепаленьне: двананцаць валоў, двананцаць бараноў, двананцаць аднагодніх баранчыкаў, а пры іх хлебны аброк; і на аброк за грэх двананцаць казлоў;
усіх бычкоў са статка для цэласпалення было дванаццаць, дванаццаць бараноў, дванаццаць аднагадовых ягнят і ўзліванняў да іх і дванаццаць казлоў у ахвяру за грэх.
І ўсяго із статку буйнога аброку супакойнага дваццаць чатыры валы, шасьцьдзясят бараноў, шасьцьдзясят казлоў, шасьцьдзясят аднагодніх баранчыкаў. Гэта дары пры пасьвячэньню аброчніка просьле памазаньня яго.
Усіх валоў у ахвяру прымірэння было дваццаць чатыры, шэсцьдзесят бараноў, шэсцьдзесят казлоў і шэсцьдзесят аднагадовых ягнят: яны былі прынесены на пасвячэнне ахвярніка, калі ён быў намашчоны.
І як Масей уходзіў у будан збору, каб гутарыць ізь Ім, чуў голас, гукаючы яму зь века, каторае над скрыняю сьветчаньня памеж двух херуваў, і Ён гукаў яму.
І калі Майсей уваходзіў у палатку сустрэчы, каб гаварыць з Госпадам, чуў ён голас, што гаварыў з ім з па-над перамольні, што была над каўчэгам сведчання паміж двума херубінамі, адтуль казаў Ён яму.
