Лікі 10 разьдзел

 

 

І гукаў СПАДАР Масею, кажучы:

 

І казаў Госпад Майсею, гаворачы:

«Зрабі сабе дзьве трубы срэбныя, каваныя зрабі іх, і будуць яны табе на згуканьне збору й на падарожжа табараў.

 

«Зрабі сабе дзве трубы срэбраныя, чаканеныя, якімі зможаш склікаць сход, калі трэба будзе зняцца з лагера.

І затрубяць у іх, і зьбярэцца да цябе ўвесь збор да ўходу будану збору.

 

І калі ты зайграеш на трубах, збярэцца да цябе ўся супольнасць ля дзвярэй палаткі сустрэчы.

І як затрубяць адным трубным гукам, дык зьбяруцца да цябе князі а галавы тысячаў Ізраелявых.

 

А калі зайграеш толькі ў адну, збяруцца да цябе князі і галовы грамады Ізраэля.

І як затрубяць трывогу, дык крануцца табары, што разьлягаюццана ўсход.

 

А калі прагучыць больш працяглы гук, хай здымуцца з лагера першымі тыя, хто знаходзіцца на ўсходнім баку;

І як другі раз затрубіце трывогу, дык крануцца табары, што разьлягаюцца на паўдня; трывогу няхай трубяць пры кратаньнях у дарогу.

 

а ў другую чаргу ў час гучання трубы, падобнага да выцця, хай звярнуць палаткі тыя, хто знаходзіцца на поўдні; і хай астатнія робяць такім жа чынам, калі трубы выццём клікаюць у дарогу.

А як надабе зьберці грамаду, трубіце, але не на трывогу.

 

А на збіранне супольнасці хай будзе просты, а не працяглы трубны гук.

І сынове Ааронавы, сьвятары, маюць трубіць у трубы, і будуць яны вам уставаю вечнай у роды вашы.

 

Хай трубяць у трубы сыны Аарона, святары. І хай будзе гэта вам у пакаленнях вашых законам вечным.

І як пойдзеце на вайну ў зямлі вашай на ўцісканьніка, што ўціскае вас, трубіце трывогу ў трубы; і будзеце ўспомнены перад СПАДАРОМ, Богам сваім, і спасёны будзеце ад варагоў сваіх.

 

Калі будзеце ісці на вайну ў зямлі вашай супраць ворага, які змагаецца супраць вас, працягла трубіце ў трубы; і гэта будзе ўспамін аб вас перад Госпадам, Богам вашым, каб пазбеглі вы рук ворагаў вашых.

І ў дзень весялосьцяў вашых, і ў прызначаныя поры вашыя, і на маладзікі вашы трубіце ў трубы пры ўсепаленьнях сваіх і пры супакойных аброках сваіх; і будуць яны вам на прыпамінаньне перад Богам вашым. Я СПАДАР, Бог ваш».

 

Калі будзеце мець баляванне, і святочныя дні, і маладзікі, пры вашых ахвярах цэласпалення і ахвярах прымірэння трубіце ў трубы, каб яны былі ўспамінам аб Госпадзе для вас. Я — Госпад, Бог ваш!»

І было на другі год, на другі месяц, дваццатага дня месяца, падняўся булак ад вітальні сьветчаньня.

 

У другі год, у другі месяц, у дваццаты дзень месяца ўзнялося воблака па-над палаткай сведчання;

І крануліся сынове Ізраелявы ў падарожжы свае з пустыні Сынайскае, і прабываў булак на пустыні Паран.

 

і адправіліся сыны Ізраэля ў дарогу сваю з пустыні Сінай, і спынілася воблака ў пустыні Паран.

І крануліся яны першы раз за расказаньням СПАДАРОВЫМ Масеям.

 

І зняліся яны з лагера ў першы раз па загадзе Госпада, дадзеным праз Майсея.

Першы крануўся сьцяг табару сыноў Юдзіных па войсках сваіх. І над войскам ягоным Наасон Амінадавёнак.

 

Першым узняўся сцяг лагера сыноў Юды па іх дружынах, князем якіх быў Наасон, сын Амінадаба;

І над войскам плямені сыноў Іссасхаровых Нафанаель Цуаронак.

 

а князем дружыны пакалення Ісахара быў Натанаэль, сын Суара;

І над войскам плямені сыноў Завулонавых Еляў Гелонёнак.

 

а князем дружыны пакалення Забулона быў Эліяб, сын Гэлона.

І спушчана была вітальня, і крануліся сынове Ґірсонавы а сынове Мераравы, нясучы вітальню.

 

І была разабрана скінія, якую неслі па выхадзе сыны Гэрсона і Мэрары.

І крануўся сьцяг табару Рувінавага па войсках сваіх. І над войскам ягоным Еліцур Шэдэўронак.

 

Адправіўся ў дарогу сцяг лагера сыноў Рубэна па сваіх дружынах, а над сваёй дружынай князем быў Элісур, сын Сэдэура.

І над войскам плямені сыноў Сымонавых Шэлумель Цурышаддаёнак.

 

А над дружынай пакалення сыноў Сімяона князем быў Саламіэль, сын Сурысадая.

І над войскам плямені сыноў Ґадовых Елясаф Дэгуелёнак.

 

А над дружынай пакалення сыноў Гада князем быў Эліясаф, сын Дэуэля.

І крануліся Когафовы, нясучы сьвятьню; і выстаўлена вітальня да прыходу іх.

 

Рушылі ў дарогу і сыны Кагата, што неслі свяцілішча. Перад тым, як яны прыбылі, скінія была ўжо пастаўлена.

І крануўся сьцяг табару сыноў Яхрэмавых па войсках сваіх. І над войскам іхным Елішама Амігудзёнак.

 

Быў узняты сцяг лагера сыноў Эфраіма па сваіх дружынах, якіх князем быў Элісама, сын Аміюда.

І над войскам плямені сыноў Манасавых Ґамалель Педацуронак.

 

А над дружынай пакалення сыноў Манасы князем быў Гамаліэль, сын Падасура;

І над войскам плямені сыноў Веняміновых Авідан Ґідэонёнак.

 

а над дружынай пакалення сыноў Бэньяміна князем быў Абідан, сын Гедэона.

І крануўся сьцяг табару сыноў Дановых адзаду ўсіх табароў подле войскаў сваіх. І над войскам ягоным Агіезэр Амішаддаёнак.

 

Нарэшце быў узняты сцяг лагера сыноў Дана па сваіх дружынах у войску, князем якіх быў Ахіязэр, сын Амісадая.

І над войскам плямені сыноў Ашэравых Паґіель Охранёнак.

 

А над дружынай пакалення сыноў Асэра князем быў Пэгіэль, сын Акрана;

І над войскам плямені сыноў Неффалімовых Агіра Енанёнак.

 

а над дружынай пакалення сыноў Нэфталі князем быў Ахіра, сын Энана.

Гэта падарожжы сыноў Ізраелявых подле войскаў іхных. І крануліся яны.

 

Гэта — парадак выхаду сыноў Ізраэля па дружынах сваіх, калі яны выходзілі.

І сказаў Масей Говаву, сыну Рэгуеля Мідзянскага, сьця свайго: «Мы сунемся да тога месца, праз каторае СПАДАР сказаў: "Вам аддам яго"; ідзі з намі, і мы зробім табе дабро, бо СПАДАР добрае выказаў праз Ізраеля».

 

І сказаў Майсей Хабабу, сыну Рагуэля, мадыянца, свайму сваяку: «Адпраўляемся мы ў дарогу да месца, якое мае намер нам даць Госпад; ідзі з намі, і будзе табе добра з намі, бо Госпад абяцаў дабро Ізраэлю».

Але ён сказаў яму: «Не пайду, бо да зямлі свае й да дамовы свае я пайду».

 

Той адказаў яму: «Не пайду я з табой, але вярнуся ў зямлю сваю, у якой я нарадзіўся».

І сказаў: «Не пакідай нас, бо ты ведаеш, як разьлягаемся мы табарам на пустыні, дык будзеш нам ачыма.

 

І сказаў [Майсей]: «Не пакідай нас, бо ты ведаеш, у якіх месцах пустыні павінны мы ставіць лагер, і будзь нашымі вачамі.

І будзе, калі пойдзеш із намі, дык будзе, што дабро тое, каторае СПАДАР узыча нам, мы ўзычым табе».

 

А калі пойдзеш з намі, тое, што будзе найлепшае з багаццяў, якія дасць нам Госпад, аддадзім табе».

І крануліся яны ад гары СПАДАРОВАЕ на тры дні дарогі, і скрыня змовы СПАДАРОВАЕ ішла перад імі тры дні дарогі, каб выглядзець ім месца супакою.

 

Дык адправіліся яны ў дарогу на тры дні з гары Госпада; і каўчэг запавету Госпадавага ішоў наперадзе іх на працягу трох дзён, выбіраючы месца для лагера.

І булак СПАДАРОЎ над імі ўдзень, як яны крануліся з табару.

 

Таксама воблака Госпадава было над імі ўдзень, калі яны выходзілі.

І было: як кранулася скрыня ў дарогу, Масей казаў: «Паўстань. СПАДАРУ, і рассыпяцца варагі твае, і ўцякуць ненавідзячыя Цябе ад віду Твайго».

 

Калі ўздымаўся каўчэг, Майсей казаў: «Паўстань, Госпадзе, і хай рассеюцца непрыяцелі Твае, і хай уцякаюць ад аблічча Твайго тыя, што ненавідзяць Цябе».

І як супачывала скрыня, ён казаў: «Зьвярніся, СПАДАРУ, да шмат тысячаў Ізраеля».

 

А калі ставіўся каўчэг, казаў: «Вярніся, Госпадзе, да шматлікага войска ізраэльскага!»