Третии Царствъ 21 Третии Царствъ 21 разьдзел

¹ И бысть по семъ, во время то Навотъ, неякий мужъ Езраельский, имелъ виноград во граде Езраели подле двору царя Ахава Самарийскаго.

² Тогда молвил ест Ахав к Навотови, глаголя: «Дай ми виноградъ твой, да уделаю собе с него оградъ зелию, яко подле самого ест двору моего, и дамъ тобе виноград лепший за нь; пакли же хощеши сребром, заплачу тобе, за что стоить».

³ Ему же отвеща Навотъ: «Не дай ми того Богъ, абыхъ имелъ отдати прочь достоание отцевъ моих!»

⁴ И прииде Ахавъ въ дом свой, гневаяся и скрегча зубы на Навота Езраельскаго про слова ты, еже глаголал: «Не продам тобе достоания отцевъ моих». И ляже на ложи своем, и обрати к стене лице свое, и не яде хлеба.

⁵ Тогда вниде к нему Езавель, жена его, и рече ему: «Что ти ест? И чему смутен есь? И про что не яси хлеба?»

⁶ Он же отвеща к ней и рече: «Глаголахъ Навотови Езраельскому: “Дай ми виноградъ твой, и дам ти за нь сребро или, хощеши ли, дам ти лепший виноград за нь”, и онъ отвещал мне: “Не дамъ тобе винограда своего”».

⁷ И рече ему Езавель, жена его: «Великое моци еси, царю, и добре справуеши людей Ізраилевыхъ. Прото востани и ежъ хлебъ, и буди веселъ: се, азъ дамъ тобе виноград Навотов Езраельскаго».

⁸ Тогда написала листъ Езавель-царица именемъ Ахавовымъ и запечатала перстенемъ его, и послала и къ старейшинамъ и ко урядником людским, иже были во граде живущие вкупе с Навотом.

⁹ В листе же написала сие: «Уставте постъ и посадите Навота со старейшинами и со врядниками людей.

¹⁰ И направте два светки на него, муже законопреступные, да лъжю сведетельствують на нь, глаголюще: “Сей Навот злоречил ест Богу и царю”, и выведите и з града и камением убийте его, да умреть».

¹¹ И учинили суть старейшины града и врядници людей, иже жили с нимъ, по тому же, якоже написала к нимъ в листе Езавель.

¹² И уставиша постъ, и седети казали Навотови посреди старейшин людей,

¹³ и приведше два мужа, сыны диаволовы, велели имъ седети противу ему. И они, яко сыны диаволовы, глаголаху на нь лъживое сведетельство пред всимъ множествомъ людей: «Злоречилъ Навотъ Бога и царя». Сего ради вывели и вонъ из града и камениемъ убили его даже до смерти.a

¹⁴ И послали ко Езавели, глаголюще: «Вже укаменованъ ест Навотъ и умре».

¹⁵ И бысть, егда услышала сее Езавель, яко умре Навотъ, глагола мужу своему Ахаву: «Въстани и владей виноградом Навотовым, егоже не хотелъ продати тобе, се бо несть живъ Навот, но умре».

¹⁶ Сие же егда услышалъ Ахавъ, яко умре Навотъ, въста и иде во виноград Навотов, Езраельтянина, владети имъ.

¹⁷ Тогда бысть слово Божие къ Илии Фезвитянину, глаголя:

¹⁸ «Въстани и иди на стретение Ахаву, царю Ізраилеву, иже ест в Самарии, сей ныне идеть во виноград Навотовъ владети имъ;

¹⁹ и речеши к нему слова сия: Тако глаголет Господь Бог: “Забилъ еси и увязался еси во виноград Навотов?” И к сему приложи, глаголя: “Сия молвить Господь Богъ: На месте томъ, на немже стребтали пси кровь Навотову, стребтати будуть и твою”».

²⁰ И рече Ахавъ къ Илии: «Еда ли мя знашолъ еси врагом собе?» Он же рече: «Знашолъ есмъ, понеже преданъ еси, абы чинилъ злая дела предъ лицемъ Божиимъ».

²¹ Сего ради сия глаголеть Господь: «Се, Азъ наведу на тя злое, и пожну останки твоя, и не оставлю от семени Ахавова ни немощного и ни неволного даже до останочного во Израили;

²² и предам домъ твой, яко домъ Еровоамовъ,b сына Навафова, и яко домъ Ваасовъ, сына Ахисова, понеже чинилъ еси зле, абы розгневилъ Мя и увелъ еси въ грехи людей Ізраилевыхъ.

²³ О Езавели пакъ царици сице глаголалъ Господь Богъ: Пси снедять Езавель-царицу на поли Езраельском.c

²⁴ Умреть ли кто из Ахавовыхъ во граде, снедять того пси; пакли же умреть на поли, снедять его птице небесныя.d

²⁵ Протожъ не былъ ни единый въ царехъ таковый, яко Ахавъ, онже проданъ естъ, абы чинилъ злая дела предъ лицемъ Божиимъ, понеже привела и на тое Езавель, жена его.

²⁶ И мерзкымъ стался естъ тако велми, иже кланяшеся кумиром, коих наделали были Аморейскии погане, ихъже погубилъ былъ Господь Богъ предъ лицемъ сыновъ Ізраилев[ых]ъ».

²⁷ И внегда слышалъ естъ Ахавъ слова сия, расторга на собе ризы своя и облечеся во вретище, и плакася, и постися, и сыпяше во вретищи, и ходяше, смирене наклонивъ главу свою.

²⁸ И бысть слово Господьне къ Илии Фезвитянину, глаголя:

²⁹ «Виделъ ли еси Ахава, яко смирися предо Мною? Понеже покорися предо Мною, протож не наведу злого на нь во днех его; но во дни сына его наведу злая на домъ его».