Третии Царствъ 13 Третии Царствъ 13 разьдзел

¹ И се мужъ Божий пришолъ естъ от людей Іюдиныхъ со словесем Господьним во Вефиль, и знайде Еровоама стоящего на требнице и кладущего кадило на углие,

² и возпи къ требнику словесемъ Господьним, и рече: «Требнице, требънице! Сия глаголеть Господь Богъ: Се, народится сынъ з дому Давыдова, именем Іосия, и приносити будуть на тобе жерци горъ высоких, ониже ныне приносять на тобе кадило, кости людьскии на тобе палити будуть».a

³ И далъ естъ в той день знамение, глаголя: «Сие будеть знамение, иже молвилъ ест Господь: се, требникъ распадется и попел, иже в немъ ест, высыплется».

⁴ И внегда услыша царь Еровоамъ слова мужа Божия, глаголющего на требникъ той, иже во Вефиле, протягнулъ ест руку свою на требнице и рече: «Имите его». И усхла рука ему, юже протягнул былъ на нь, и нижъ можаше притягнути ее к собе.

⁵ Требникъ теже распался и попел высыпался из требника подлугъ знамения, еже былъ поведелъ мужъ Божий словесемъ Господьним.

⁶ Тогда рече царь къ мужу Божию: «Поклонися лицу Господа, Бога твоего, и умоли Его, да навратить мне руку мою». И молился естъ мужъ Божий предъ лицемъ Господьнимъ, и навращена ест рука царева, и бысть здрава, яко и первей.

⁷ Тогда рече царь мужу Божиему: «Внииди в домъ мой и обедуй со мною, и дамъ ти дары».

⁸ Отвеща мужъ Божий къ царю: «Бы ми далъ еси половину имения своего, не пойду с тобоюb и ниже ести буду хлеба и ни пити воды на томъ месте,

⁹ понеже тако ми заповедал Господь словомъ Своимъ, глаголя: “Не будешъ ести хлеба и ни пити воды и нижъ возвратишся путемъ тымъ, имъже еси пришолъ”».c

¹⁰ Протожъ от[ъ]иде инымъ путем и не возвратися тымъ путемъ, имъже былъ пришолъ до Вефиля.

¹¹ Пророкъ же единъ старъ живяше во Вефиле. И пришедши, сынове его поведиша ему вся бывшая, еже учинилъ ест мужъ Божий в той день во Вефіле, и слова, еже глаголалъ къ царю, поведели суть отцу своему.

¹² Тогда рече к нимъ отець их: «Коимъ путемъ от[ъ]иде?» И показали ему сынове его путь, имъже былъ отшолъ мужъ Божий, пришедый от людей Іюдиныхъ.

¹³ И рече паки к сыномъ: «Оседлайте ми осля». И внегда оседлаша ему, въсяде на нь,

¹⁴ и еде за мужемъ Божиимъ, и знайде его седящего подъ древосъ смырковымъ, и рече к нему: «Ты ли еси мужъ Божий, пришедый от людей Іюдиныхъ?» Он же отвещалъ: «Азъ есмъ».

¹⁵ Рече паки к нему: «Пойди со мною в домъ, и снеси хлеба».

¹⁶ Той же отвеща: «Не могу навратитися и ни ити с тобою ани ести хлеба и ни пити воды на томъ месте,

¹⁷ понеже заповедалъ мне Господь словесемъ Своимъ, глаголя: “Не ежъ хлеба и не пий воды на месте томъ, и не возвращайся путемъ тымъ, имъже еси пришол”».

¹⁸ И рече к нему: «Се, и азъ пророкъ есмъ, якоже и ты; и ангелъ молвилъ естъd ко мне Словесемъ Господьним, глаголя: “Возврати его в дом свой с собою, да снесть хлеба и напиется воды” ». И прельстилъ естъ его.

¹⁹ И приведе и в домъ свой, и яде хлебъ и пие воду в доме его.

²⁰ И внегда седели сут обадва за столомъ, бысть слово Господьне къ пророку, онже прельстилъ былъ его.

²¹ И возпи к мужу Божию, иже прииде от земли Іюдины, глаголя: «Сия глаголеть Господь Богъ: Иже не послушалъ еси словесъ Божиихъ и не сохранилъ еси приказания, еже заповедалъ тобе Господь, Богъ твой,

²² и навратился еси, и елъ еси хлебъ, и пилъ еси воду на месте томъ, на немже заповедалъ был тобе Господь, абы не елъ хлеба и не пил воды, прото не будеть погребено тело твое во гробе отцевъ твоих».

²³ И внегда поедалъ хлеба и напился воды мужъe Божий, егоже былъ вернулъ пророкъ той, оседлал осла своего и от[ъ]иде путемъ своим;

²⁴ и внегда стретил его естъ левъ на пути, удавилъ и. И лежало тело его мертвое посреди путя, и стоялъ естъ оселъ подле телеси мертваго, и левъ стояше посполу с ним.

²⁵ И се мужи, идущие путемъ, узрели суть тело мерътвое, лежащее на пути, и льва, стоящего при немъ, и пришедши, поведиша во граде томъ, в немъже пророк старый той живяше.

²⁶ Сия внегда услышалъ пророкъ той старый, онже былъ навратил его въспят в домъ свой, и рече: «То ест той мужъ Божий, онже не послуша словесъ Господьних, сего для предалъ ест его Богъ льву, и удавилъ и по словеси Господьнемъ, еже глагола к нему».

²⁷ И рече сыномъ своимъ: «Оседлайте ми осля». Они же внегда оседлали ему,

²⁸ ехалъ естъ и найде тело его мертво на пути, а осла и льва стоящих у тела; и не яде его левъ и ниже что учинилъ ослу.

²⁹ И взялъ естъ пророкъ тело мужа Божия, и возложилъ е на осла, и навратився, принесе е во град, в немъже живяше, и плакася над нимъ.

³⁰ И погребе тело его во гробе своем, глаголя: «Увы мне, увы мне, брате мой!»

³¹ И внегда отплакал его, рече к сыномъ своим: «Погребите мя в томъ гробе, в немже мужъ Божий положенъ ест; подле костей его положите кости мое,

³² воистинну убо наполнится слово то, еже пророковалъ повелением Божиим о олтари, иже въ Вефиле, и о всехъ храмех идольскихъ, иже суть во градехъ Самарейскихъ».

³³ По словесех же сихъ не отвратился ест Еровоамъ от путей своих злыхъ, но опять наделал жерцевъ от людей чуждих во храмехъ идольских;f кто убо толико восхотелъ, наполнилъ руку его и скоро былъ жерцемъ идолским.

³⁴ И тое для речи съгрешилъ естъ домъ Еровоамовъ, и скаженъ ест, и выгубленъ ест от земли.