Третии Царствъ 8 Третии Царствъ 8 разьдзел

¹ aТогда собралися вси старейшины людей Ізраилевыхъ съ князми поколеней и съ воеводами племен сыновъ Ізраилев[ых]ъ, и сошлися вси къ царю Саломону въ Ерусалимъ, абы принесли Кивотъ Завета Господня из града Давыдова, то естъ от Сиона.

² И собрашеся къ царю Саломону вси людие Ізраилевы месеца бефанимаb в день нарочитый празника, той ест месець семый.

³ И егда сошлися вси старейшины людей Ізраилевыхъ, тогда ереи взяли суть Кивотъ Божий,

⁴ и Сень Заветную, и вси сосуды посвещенные, иже были в ней, и несли е ереи и левгити.

⁵ Царь же Саломонъ и все множество людей Ізраилевыхъ, ониже ся были собрали, шли сут с нимъ предъ Кивотомъ Божиим и приносяху жертвы — овце и волы многы, без числа.

⁶ И внесли суть ереи Кивотъ Завета Господьня на место свое — въ молитовницу храмову, еже слыла Святыня Святыхъ, подъ крила херувимовъ,

⁷ понеже херувимове ростягоста криле свои надъ Кивотомъ Божиим и хранили суть и; и носила его зверху.

⁸ И внегда выникали носила, имиже несли суть Кивотъ Господень з молитовници, яко были долгы, и зблизка могли их видети, понеже были выникли вонъ, з далека же не могли; тии были ту даже и до днес.

⁹ Не бе же ничто ино въ Кивоте Божиемъ, токмо крижалеc две каменне, еже былъ тамъ вложилъ Моисей на горе Хориве,d внегда завеща Господь заветъ с сынми Ізраилевыми, егда выйдоша из земли Египетское.

¹⁰ Тогда сталося естъ, внегда вышли суть ереи з молитовници, мгла наполнила весь храмъ Божий,e

¹¹ тако иже не могли суть ереи стати и послуговати у олтаря мглы ради, понеже наполнила была весь храм Слава Господня.

¹² Тогда нача молвити Саломонъ, глаголя: «Господь Богъ рече, яко пребывати Ему во мгле;

¹³ ставяя, поставилъ есми Тобе храмъ к жилищу Твоему, укрепи жъ в нем престолъ Твой во веки».

¹⁴ И потом обратилъ царь Саломонъ лице свое к людемъ и благославил весь соборъ Ізраилевъ, все бо множество людей Ізраилевых стояло ту.

¹⁵ И рече Саломонъ:f «Благославен Господь, Богъ Ізраилевъ, иже глагола ко отцу моему Давыду усты Своими и рукою его исполнилъ, глаголя:

¹⁶ “От дня того, в онже изведохъ людей Ізраилевых из земли Египетское, не избрахъ собе места во всехъ племенахъ Ізраилевыхъ, абы Ми уделали храм, да бы пребыло имя Мое ту; но избрахъ Давыда, абы былъ надъ людьми моими, Ізраилемъ”.

¹⁷ И хотелъ естъ отець мой Давыдъ уделати храмъ имени Господа, Бога Ізраилева,

¹⁸ и рече Господь Богъ къ Давыду, отцу моему: “Понеже умыслилъ еси в серци своемъ храм поставити имени Моему, добре воистинну мыслил еси сее въ серци своемъ;

¹⁹ но к тому не уделаеши ты Мне храму, але сынъ твой, иже изыйдеть из бедръ твоихъ, той уделаеть храмъ имени Моему”.

²⁰ И укрепилъ естъ Господь Богъ слово Свое, еже глаголалъ, и поставилъ мя въместо Давыда, отца моего, и посаженъ есмъ на престоле царства Ізраилева, якоже глаголалъ ест Господь Богъ, и поставилъ есмъ храмъ имени Господа, Бога Ізраилева;

²¹ и вделалъ есмъ в нем место Кивоту, в немъже сведение Завета Господьня естъ, еже завещалъ со отци нашими, внегда схожаху із Египта».

²² И сталъ естъ царь Саломонъ у олтаря пред всимъ множествомъ людей Ізраилевыхъ, и воздвиже руце свое к небу,

²³ и рече: «Господи, Боже Ізраилевъ! Несть равнаго Тобе бога на небеси горе ни на земли низу. Ты храниши заветъ и милосердие рабомъ твоимъ, ходящимъ предъ Тобою в целомъ серци своемъ,

²⁴ якоже сохранил еси отцу моему Давыду вся, еже глаголалъ есь; усты Своими молвилъ еси к нему и рукою Своею совершилъ есь, якоже во днешний день явно естъ.

²⁵ Сего ради, Господи, Боже мой, соблюди ныне рабу твоему Давыду, отцу моему, якоже реклъ еси ему, глаголя: “Не отыймется мужъ от семени твоего, седящій на престоле царском во Израили, естъли же сохранять сынове твои пути своя, абы ходили предо Мною, яко и ты ходилъ есь предъ лицемъ Моимъ”.

²⁶ Ныне же, Господи, Боже Ізраилевъ, да укрепятся слова Твоя, еже глаголал еси рабу Твоему Давыду, отцу моему!

²⁷ Протожъ не имамы ся довнимати, ижебы Богъ истинне пребывалъ на земли. Ащели же небо и небеса небесъ не могуть осягнути Тебе, многымъ более храмъ сей, егоже поставих имени Твоему;

²⁸ но возгляни на молитвы и на прозбы раба Твоего, Господи, Боже мой; услыши хвалу и моление, имже молить рабъ Твой пред Тобою днесь.

²⁹ Да будуть очи Твои отверзты на храм сей водни и внощи, на храмъ сей, о немъже глаголал еси: ”Будеть имя Мое ту”;g да выслухаешъ молитву, еюже молится к Тобе рабъ твой на месте семъ.

³⁰ И услыши прозбу раба твоего и людей твоих, Ізраиля, о чемъ когда попросять Тебе на месте семъ. Услыши ж е на месте жилища Твоего на небесех, и услышав, помилуй их.

³¹ Согрешить ли человекъ къ ближнему своему и завяжеться присягою в некоемъ деле ему, и пришол бы присегати на место сее предъ олтарь Твой,

³² Ты услыши на небеси и учини судъ рабомъ твоимъ, погуби виноватого и воздай путь его на главу ему, и оправди справедливаго и учини ему по правде его.

³³ И естъли бы людие твои, Ізраил, утекали предъ врагы своими, понеже согрешити могуть, и потомъ чинили бы покаяние и исповедалися имени Твоему, и пришли бы на место сее и молилися и кланялися Тобе во храме семъ,

³⁴ Ты услыши их на небесехъ, и отпусти грехи людемъ твоимъ Ізраилевымъ, и събери е паки до земли, юже далъ еси отцемъ ихъ.

³⁵ Внегда заврено бы было небо и не спалъ бы дождь для греховъ ихъ, и, молящеся на сем месте, покаяние чинили, и исповедалися имени Твоему, и отвратилися бы от греховъ своих для беды своея,

³⁶ услыши ихъ, Господи Боже, с небеси и милостивъ буди о гресехъ рабовъ твоихъ и людей твоихъ, Ізраиля, и яви имъ путь добрый, по немже пойдуть, и дай дождь на землю, юже еси далъ людемъ твоим владети ею.

³⁷ Гладъ аще будеть на земли, или моръ, или скажение воздуха, или гусеница, или хрущеве, или ржа, и зазлили бы таковые речи людемъ твоимъ, или неприятели естъли же бы облягли врата градовъ ихъ, или всякая язва и всякая немощь, всякая проказа и всякая клятва,

³⁸ и все, ежебы ся пригодило каждому человеку в людехъ твоих, Ізраили, и познал бы кто з нихъ язву серца своего и воздвигъ бы руце свое к Тобе на сем месте и помолился,

³⁹ Ты услыши его, Господи Боже, с небеси, съ пресвятого жилища твоего, и милостивъ буди ему, и воздай единому каждому по всехъ путех его, яко узриши на серци его, понеже Ты самъ единый, Господи Боже, знаеши серца всехъ людей:

⁴⁰ да убоятся Тебе по вся дни, поколе живи суть на земли, юже далъ еси намъ и отцемъ нашим.

⁴¹ Над то теже и чуждий, онже не ест от людей твоих, Ізраиля, аще приидет от земли далекое для имени Твоего, —

⁴² яко розглашено ест имя Твое великое, и рука Твоя силная, и мышца Твоа высокая по всей земли, — протож внегда приидеть и помолится на месте семъ,

⁴³ Ты услыши и на небеси, на престоле жилища Твоего, и учини вся, еликаже пожадает от Тебе чужоземец той, да научатся вси народи земли боятися имени Твоего, якоже и люди твое, Ізраил, и познают, иже призывано ест имя Твое во храме сем, егоже учиних.

⁴⁴ Ащели же изыдуть людие твои на войну против врагом своим путем, имже пустиши их, и помолятся, обративши лица своя к граду, иже избрал ес, и к храму, егоже поставих Ти,

⁴⁵ услыши на небе молитвы и прозбы их и учини суд имъ.

⁴⁶ Ащели же согрешать предъ Тобою, — яко несть человека, ижебы не грешилъ,h — и Ты, разгневаяся, предалъ бы е в руце враговъ ихъ, и ведени бы были в полоне до земли далекое или близкое;

⁴⁷ и чинили бы покаяние въ серци своемъ в земли чуждей и, обратившися, молили бы ся к Тобе в неволи своей, глаголюще: “Согрешихомъ, и безаконовахомъ, и не оправдихомся”;i

⁴⁸ и обратили бы ся к Тобе всимъ серцемъ своимъ и всею душею своею в земли враговъ своихъ, в нихже пленены суть, и помолили бы ся Тобе, обративши лица своя к земли своей, юже далъ еси отцемъ их, и ко граду, иже избралъ есь, и ко храму, егоже поставихъ имени Твоему,j

⁴⁹ Ты услыши на небеси, на престоле жилища Твоего, молитвы ихъ и прозбы ихъ и учини судъ имъ.

⁵⁰ И слютуйся надъ людьми твоими, ониже съгрешиша предъ Тобою, и надо всим безакониемъ ихъ, имже безаконоваша Тобе, и яви имъ милосердие Свое предо всеми враги, ониже пленили суть ихъ, да и тии смилуются над ними:

⁵¹ люди убо Твои суть и достояние Твое, ихъже вывелъ еси из земли Египетское и от среды пещи железны.

⁵² Да будуть очи Твои отверзты на молитву раба твоего и людей твоихъ, Ізраиля, и услышиши ихъ о всех речах, о нихже помолятся к Тобе,

⁵³ Ты убо отделилъ их Собе в достояние от всихъ народовъ земли, яко глаголалъ еси рукою Моисея, раба твоего, внегда вывелъ еси отци наша із Египта, Господи Боже!»

⁵⁴ И бысть, егда скончалъ Саломонъ молитву свою сию и прозбу, въсталъ ест от олтаря Божия, понеже пал былъ на обе колена на землю, и руце свое воздвиже к небу,

⁵⁵ и, стоя, далъ благославение всемъ людемъ Ізраилевымъ, гласомъ великимъ глаголя:

⁵⁶ «Благославенъ Господь Богъ, Онже далъ естъ миръ и покой людем Своимъ, Ізраилю, по всему, якоже глаголал ест! Не паде бо от нихъ ни едино слово Его, еже молвилъ рукою Моисея, раба Своего.

⁵⁷ Да будеть ныне Господь, Богъ нашъ, с нами, яко былъ ест со отци нашими. Не оставляй насъ ани заметай,

⁵⁸ но нахили сердца наша к Собе, абыхомъ ходили по всехъ путехъ Его и хранили заповеди Его, и оправдания Его, и суды, еже приказалъ отцемъ нашимъ.

⁵⁹ И да будут слова моя сия, имиже молихся днесь, приближены къ Господу, Богу нашему, во дни и в нощи, да чинить судъ рабу своему и людемъ своимъ, Ізраилю, по вся дни,

⁶⁰ да познають вси языци земли, яко Господь — Той естъ Богъ и несть иного, развей Его.

⁶¹ Буди жъ серце наше съвершено съ Господемъ, Богомъ нашимъ, абыхомъ ходили въ заповедехъ Его и сохранили приказания Его, якоже и днесь».

⁶² Тогда царь Саломонъ и вси людие Ізраилевы с нимъ начаша приносити жертвы Господу Богу.

⁶³ И закла Саломонъ жертвъ мирныхъ, еже и принесе Господу Богу: воловъ двадцеть и два тысеща, овець же сто и двадцеть тысещей. И посвятили суть храмъ Божий царь и сынове Ізраилевы.

⁶⁴ Того теже дня посвятилъ ест царь Саломонъ половину притвора, иже былъ естъ предъ храмомъ Божиимъ, и принесе ту всесозжение, и жертву посвященную, и тукъ жертвъ мирныхъ, понеже требникъ медяный, иже бе предъ Господемъ, былъ естъ малый и не могоша на нь въскласти жертвъ всехсозжения, и посвященъныхъ, и туку жертвъ мирныхъ.

⁶⁵ И учинилъ естъ Саломонъ в той день празникъ великий и вси людие Ізраилевы с нимъ — множество великое, поченши от града Емафа, даже до реки Египетское, — пред Господем Богом за седмъ дней и паки за седмъ дней, то естъ за четырнадесять дней.

⁶⁶ И въ осмый день роспустилъ естъ людей, ониже, подяковавши царю и благославивши его, навратишеся в домы своя, радующеся сердцемъ веселымъ о всехъ добрыхъ речахъ, еже учинилъ естъ Господь Богъ Давыду, рабу своему, и людемъ своимъ, Ізраилю.